Gálatas 6:2 - Q'eqchi Bible

² Chetenq'a eerib' cherib'il eerib' chi xk'amb'al leeriiq, ut teepaab' chi jo'kan li xchaq'rab' li Kriist.

Li Santil hu

² Chetenkꞌahak e̱rib chi ribil e̱rib chixnumsinquil li chꞌaꞌajquilal nachal saꞌ e̱be̱n. Chi joꞌcan yo̱kex chixba̱nunquil li cꞌaꞌru taklanbilex cuiꞌ xban li Jesucristo.

Gálatas 6:2 ပူးပေါင်းရင်းမြစ်များ

Romanos 15:1

Laa'o li kaw qach'ool sa' li qapaab'aal tento naq tqakuy li xch'inal xpaab'aaleb' li toj q'uneb' xch'ool, ut miqasik' ka'ajwi' li k'aru nawulak chiqu.

1 Ts 5:14

Naqatz'aama ajwi' cheru, ex qas qiitz'in, cheq'usaqeb' li sachsookeb' xna'leb'; chewaklesihaqeb' li neke'ch'inank xch'ool, chetenq'aheb' li ink'a' kaweb' xch'ool sa' xpaab'aaleb' ut chiwanq eekuyum rik'ineb' chixjunil.

San Juan 13:34

Jun ak' chaq'rab' nink'e eere: naq chera eerib' cherib'il eerib'. Jo' naq xexinra laa'in, jo'kan ajwi' naq chera eerib' cherib'il eerib'.

1 Juan 4:21

Ut a'an a'in li chaq'rab' qak'ulum rik'in: li narahok re li Yos chixrahaq ajwi' li ras riitz'in.

Santiago 2:8

Us nekeb'aanu wi relik chi yaal nekepaab' li Chaq'rab' nim xwankil jo' naxye li Santil Hu: “Taara laawas aawiitz'in jo' naq nakara aawib' laa'at”.

San Juan 15:12

A'an a'in linchaq'rab', naq chera eerib' cherib'il eerib' jo' naq xexinra laa'in.

Éxodo 23:5

Wi xawil naq li xb'uur li natz'eqtaanank aawe xt'ane'k rub'el li iiq, mayalaawil, ayu b'an chi xtenq'ankil ut chatenq'a ajwi' laj eechal re.

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

San Mateo 8:17

Chi jo'kan kitz'aqlok ru li xyehom li propeet Isaías: “A'an kik'uluk re li qarahilal ut ki'iiqanink re li qayajel”.

Gálatas 6:5

xb'aan naq li junjunq tento tixk'am li riiq.

1 Corintios 9:21

Xinwank sa' xyanqeb' li maak'a'eb' xchaq'rab' chanchan wi' jo' li maak'a' inchaq'rab', re reechaninkileb' li ink'a' neke'xpaab' li chaq'rab', us ta ink'a' wankin chi maak'a' xchaq'rab' li Yos, wankin b'an rub'el xchaq'rab' li Kriist.

Romanos 8:2

Xb'aan naq li xchaq'rab' li Musiq'ej li nak'ehok yu'am sa' xk'ab'a' li Kristo Jesus xatrach'ab' chiru xchaq'rab' li maak ut li kamk.

San Lucas 11:46

Ut li Jesus kixye: —Ra ajwi' chaalel sa' eeb'een laa'ex aj nahol Chaq'rab', xb'aan naq q'axal aal li iiq nekek'e sa' xb'eeneb' li tenamit, ut laa'ex chi moko rik'in junaq ru'uj leeruq' nekech'e'eb' li iiq.

Isaías 58:6

Moko a'an ta li ayuun nawaj. “Li ayuun nawaj laa'in a'an a'in: rach'ab'ankileb' li wankeb' sa' tz'alam chi maak'a'eb' xmaak, xk'ixb'al li xk'aamal li rahob'tesiik, rach'ab'ankileb' li tawasinb'ileb' ut risinkil chixjunil li kawil taqlank.

Deuteronomio 1:12

Ab'an chanru naq tinruuq injunes eerilb'al ut xtuqub'ankil ru chixjunil leek'iila ch'a'ajkilal ut raaxiik'?

Santiago 1:25

Ab'an li naxk'e xch'ool chi xk'oxlankil rix li Chaq'rab' tz'aqal re ru aj k'ehol chi wank chi ach'ab'anb'il, ut junelik kaw xch'ool chi xpaab'ankil moko jo' ta aj ab'inel li junpaat nasachk sa' xch'ool, jo' b'an tz'aqal aj b'aanuhom re li k'aru nataqlaak wi', li winq a'an osob'tesinb'ilaq rik'in xk'anjelankil.

Santiago 2:12

Jo'ka'in chex'aatinaq ut chexk'anjelaq: jo'qex li taaraqmanq aatin sa' xb'eeneb' xb'aan li Chaq'rab' li nak'ehok chi wank chi ach'ab'anb'il.

2 Pedro 2:21

Q'axal us raj cho'q reheb' naq ink'a' xe'xnaw xb'ehil li tiikilal chiru naq, ak xnawomeb' chik, chirix chik a'an xe'xkanab' xpaab'ankil li Santil Chaq'rab' q'axtesinb'il reheb'.

2 Pedro 3:2

Chijultiko'q eere li aatin ke'xye chi junxilaj eb' li santil propeet, jo' ajwi' chijultiko'q eere li xchaq'rab' li Qaawa' ut laj Kolonel, q'axtesinb'il eere xb'aaneb' lee'apóstol.

1 Crónicas 19:12

Ut kixye re li riitz'in: “Wi taawil naq ink'a' tinkuy xsumenkileb' laj Aram, tulinaatenq'a; ut wi laa'at ink'a' taakuy xsumenkileb' laj Amón, laa'in tinxik chatenq'ankil.