Gálatas 5:3 - Q'eqchi Bible

³ Jun wa wi' chik ninch'olob' chiruheb' chixjunil li te'k'uluq re li sirkunsisyon, naq teneb'anb'il sa' xb'eeneb' xpaab'ankil chixjunil li Chaq'rab'.

Li Santil hu

³ Jun sut chic ninchꞌolob lix ya̱lal che̱ru. Li ani naxcꞌul li circuncisión re nak ta̱ti̱cobresi̱k xchꞌo̱l, tento nak tixba̱nu chixjunil li naxye saꞌ li najter chakꞌrab.

Gálatas 5:3 ပူးပေါင်းရင်းမြစ်များ

Gálatas 3:10

Chek'e reetal: chixjunileb' li k'ojk'ookeb' xch'ool rik'in xk'anjelankil li Chaq'rab' teneb'anb'il li tojb'amaak sa' xb'eeneb', xb'aan naq naxye li Santil Hu: “Maa'usinb'ilaqeb' chixjunileb' li ink'a' neke'xk'e xch'ool chirix chixjunil li tz'iib'anb'il sa' xhuhil li Chaq'rab' chi moko neke'xb'aanu”.

Romanos 2:25

Relik chi yaal naq li sirkunsisyon wank xyaalal wi nakapaab' li xChaq'rab' laj Moisés; ab'anan wi nakaq'et li Chaq'rab', laa'at nakatkanaak jo' ink'a' aak'ulum li sirkunsisyon.

Deuteronomio 27:26

«Tz'eqtaananb'ilaq li ani ink'a' tixpaab' li chaq'rab' a'in ut ink'a' tixk'anjela ru». Ut chixjunil li tenamit te'xye: «Jo'kan».

Efesios 4:17

A'in ninye ut nintz'aama cheru sa' xk'ab'a' li Qaawa': naq ink'a' chik texwanq jo'eb' li maak'a'eb' xpaab'aal, sa' xmajelal xna'leb'eb',

Deuteronomio 31:21

Ab'anan naq toxe'tawe'q xb'aan li k'iila rahilal ut ch'a'ajkilal, li b'ich a'in tixch'olob' xyaalal li xmaakeb', xb'aan naq ink'a' taasachq sa' xch'ooleb' li ralal xk'ajol ut taab'ichamanq chi junelik. Ninnaw chi us k'aru yookeb' chi xk'uub'ankil anaqwan, toj chi rub'eetal naq te'woksi sa' li ch'och' inyeechi'om reheb'”, chan.

Deuteronomio 8:19

Ab'anan wi taasachq sa' laach'ool li Qaawa' laaYos, wi tatxik chirixeb' li jalanil yos, wi taaloq'oni ruheb' ut taawiq'ib' aawib' chiruheb', laa'in ninch'olob' chawu anaqwan naq tex'oso'q chi junajwa.

San Mateo 23:18

Jo'kan ajwi' nekeye: «Wi junaq tixpatz' sa' jurament li artal, a'an maak'a' reek'; a'ut li ani tixpatz' sa' jurament li mayej li wank sa' xb'een li artal, a'an tento tixb'aanu li k'aru xye».

1 Juan 4:14

Laa'o qilom ut naqach'olob' xyaalal naq li Yuwa'b'ej kixtaqla chaq li Ralal cho'q aj Kolol re li ruuchich'och'.

1 Ts 4:6

Maa'ani chimaakob'q chiru li ras riitz'in rik'in li na'leb' a'in chi moko chinumtaaq sa' xb'een, xb'aan naq li Yos aj eeqajunel re chixjunil a'in, jo' ak yeeb'il ut ch'olob'anb'il cheru qab'aan.

Hechos 20:21

xinjultika chi kaw chiruheb' laj Judiiy ut eb' laj Griego naq tento te'xjal xk'a'uxl ut te'xq'axtesi rib' re li Yos, jo' ajwi' naq te'xpaab' li Qaawa' Jesus.

Hechos 2:40

Ut rik'in k'iila aatin kixch'olob' xyaalal ut kixk'eheb' xna'leb': —Kolomaq eerib' chiruheb' li tenamit a'in ink'a' useb' xch'ool, chan.

San Lucas 16:28

xb'aan naq wankeb' oob' li wiitz'in: xch'olob'aq chaq xyaalal chiruheb' re naq me'chalk ajwi' eb' a'an sa' li rahil na'ajej a'in».

San Mateo 23:16

“Ra chaalel sa' eeb'een laa'ex aj k'amol b'e, ink'a' nekex'ilok ut nekeye: «Wi junaq tixpatz' li rochoch li Yos sa' jurament, a'an maak'a' reek'; a'ut li tixpatz' li x'oor li rochoch li Yos sa' jurament, a'an tento tixb'aanu li k'aru xye».

Nehemías 9:34

Eb' li qa'awab'ej ut eb' laj k'amol qab'e, eb' laj tij ut eb' li qana' qayuwa' ink'a' ke'xpaab' laachaq'rab' chi moko ke'raj rab'inkil li kaye reheb' rik'ineb' laataqlahom ut laawaatin.

Hechos 15:1

Wankeb' aj Judea ke'wulak Antiokía, yookeb' chi xtzolb'aleb' laj paab'anel chi jo'ka'in: “Wi ink'a' teek'ul li sirkunsisyon jo' naxye li xChaq'rab' laj Moisés, ink'a' truuq texkole'q”, chankeb'.

Gálatas 5:2

K'ehomaq reetal, laa'in laj Pablo li ninye eere: wi toj teek'ul li sirkunsisyon, maak'a' taa'ok wi' li Kriist cheru.

Gálatas 5:6

Xb'aan naq rik'in li Kristo Jesus maak'a' na'ok wi' xk'ulb'al li sirkunsisyon malaj ink'a', ka'aj b'an wi' li paab'aal li naxk'ut rib' rik'in li rahok.