Gálatas 5:1 - Q'eqchi Bible

¹ Li Kriist ki'ach'ab'ank qe re naq ach'ab'anb'ilaqo chi yaal. Wanqex b'i' chi kaw eech'ool sa' leepaab'aal ut meek'e chik eerib' chi wank chi b'ak'b'o.

Li Santil hu

¹ Ma̱cuaꞌo chic joꞌ li lokꞌbil mo̱s xban nak moco cuanco ta chic rubel xcuanquil li najter chakꞌrab. Libre ban chic cuanco xban nak li Cristo quicoloc ke chiru xcuanquil li najter chakꞌrab. Chexcua̱nk ut chi cau e̱chꞌo̱l saꞌ le̱ pa̱ba̱l ut me̱qꞌue chic e̱rib rubel xcuanquil li chakꞌrab.

Gálatas 5:1 ပူးပေါင်းရင်းမြစ်များ

2 Corintios 3:17

Xb'aan naq li Qaawa' a'an li Musiq'ej, ut b'ar wank xMusiq' li Qaawa', aran wank li wank chi ach'ab'anb'il.

Gálatas 5:13

Ex was wiitz'in, xexb'oqe'k re wank chi ach'ab'anb'il. Ab'anan sa' xk'ab'a' naq wankex chi ach'ab'anb'il mex'ok chi xb'aanunkil li naraj li tz'ejwalej, chera b'an eerib' ut chetenq'a eerib' cherib'il eerib'.

1 Pedro 2:16

Chexk'anjelaq jo'eb' li wankeb' chi ach'ab'anb'il, ut ink'a' jo'eb' li wankeb' chi ach'ab'anb'il re chik xb'aanunkil li maa'usilal; jo'kaqex b'an li xmoos li Yos.

Romanos 6:14

Li maak maak'a'aq chik xwankil sa' eeb'een, xb'aan naq moko rub'el ta chik xwankil li Chaq'rab' wankex, rub'el b'an xwankil li rusilal li Yos.

Romanos 8:2

Xb'aan naq li xchaq'rab' li Musiq'ej li nak'ehok yu'am sa' xk'ab'a' li Kristo Jesus xatrach'ab' chiru xchaq'rab' li maak ut li kamk.

Gálatas 4:9

A'ut anaqwan xenaw ru li Yos, malaj a'an b'an xnawok eeru laa'ex. Chan put ru naq texsutq'iiq wi' chik rub'el xwankil li k'a'aq re ru a'in li maak'a' xkawilal ut maak'a' na'ok wi'? K'a'ut naq teeraj xk'anjelankil wi' chik?

Hebreos 10:23

Qachapaq qib' chi kaw rik'in li qoyb'enihom li naqach'olob', xb'aan naq li Yos naxk'e li b'arwan naxyeechi'i.

Gálatas 2:4

Wankeb' ke'xch'ik rib'eb' sa' qayanq ut neke'xye rib' naq qas qiitz'ineb', a'aneb' li ke'ok chi muqmu re xk'eeb'al reetal li xnimal usilal wanko wi' sa' xk'ab'a' li Kristo Jesus, re raj qak'eeb'al rub'el xwankil li Chaq'rab'.

Gálatas 4:31

Jo'kan utan, ex was wiitz'in, maawa'o ralal xk'ajol li loq'b'il ixq, ralalo b'an li ach'ab'anb'il ixq.

Apocalipsis 3:3

Chinaq b'i' sa' aach'ool chanru xak'ul ut xawab'i li waatin. K'e aach'ool chirix ut chajal aak'a'uxl, xb'aan naq, wi ink'a' yooqat chi yo'lek, tolin'elq kama' junaq aj elq', chi ink'a' taanaw jo'q'e honal tinchalq sa' aab'een.

2 Pedro 2:19

Neke'xyeechi'i reheb' wank chi ach'ab'anb'il, a'ut eb' a'an wankeb' rub'el xwankil li maa'usilal, xb'aan naq relik chi yaal naq yalaq k'a' re ru nanumtaak sa' xb'een li winq, a'an eechaninb'il wi' li winq a'an.

1 Corintios 16:13

Chexyo'leq, kaw xaqxooqex sa' li paab'ank, chexk'anjelaq jo' tz'aqal winq, kawaqex.

Romanos 7:6

A'ut anaqwan isinb'ilo chik rub'el xwankil li Chaq'rab': xookamk chiru chixjunil li chapchooko wi' chaq, ut chi jo'kan nokooruhank chi k'anjelak sa' ak' yu'am, a' li xyu'am li Musiq'ej, ut ink'a' rub'el xwankil li najteril chaq'rab' tz'iib'anb'il.

Romanos 6:18

xex'ach'ab'aak chaq chiru li maak ut xeq'axtesi eerib' cho'q moos re li tiikil ch'oolej.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Hechos 15:10

K'a' put naq anaqwan teeraj xyalb'al rix li Yos rik'in xk'eeb'al sa' xb'eeneb' laj paab'anel jun li iiq ink'a' xqakuy xpaqonkil laa'o chi moko eb' li qana' qayuwa'?

1 Corintios 7:22

Xb'aan naq wi loq'b'il aj k'anjel wan wi' junaq naq xb'oqe'k xb'aan li Qaawa', a'an ach'ab'anb'il chik xb'aan li Qaawa'. Jo'kan ajwi' ani wank chi ach'ab'anb'il naq xb'oqe'k, a'an aj k'anjel chik chiru li Kriist.

Salmos 51:12

K'e we jun tiikil ch'oolej ut saq ru; chinaa'ak'ob'resi aj tawi' sa' linmusiq'.

Proverbios 23:23

Sik' li yaal, ut maak'ayi; tamresi li chaab'il na'leb', li tzolok ut li seeb'al k'a'uxl.

San Judas 1:3

Ex inrahom, q'axal xink'e inch'ool chi tz'iib'ak eerik'in chirix li qakolb'al naqawotz sa' komonil; ab'an anaqwan tz'aqal xweek'a naq tento tintz'iib'aq eerik'in re xtz'aamankil naq teeyal eeq'e chi xkolb'al rix li paab'aal li kiq'axtesiik chi junwaakaj reheb' laj santil paab'anel.

Filipenses 1:27

Ka'ajwi' a'in nawaj: naq wanqex taxaq sa' xyaalal jo' xk'ulub' li xChaab'il Esil li Kriist. Chi jo'kan, us ta tinxik cherilb'al us ta maa'anihaqin, twab'i eeresil naq kaw xaqxooqex sa' jun chi musiq'ej, ut wotz yooqex chi xyalb'al eeq'e chirix xpaab'ankil li Chaab'il Esilal,

Efesios 6:14

Kawaq b'i' eerib' sa' leepaab'aal, jit'jooq leesa' rik'in li yaal ut tiqtooqex rik'in li tiikil ch'oolej re xkolb'al eerib'.

Apocalipsis 2:25

ka'aj b'an wi' naq chek'uulaaq li b'arwan ak wank eerik'in toj reetal tinsutq'iiq chaq.

Hebreos 4:14

Kawaq b'i' qach'ool chi junelik sa' li qapaab'aal, xb'aan naq wank jun xnimal ru xyuwa'il aj tij li kox'okaq sa' choxa, a' li Jesus, li Ralal li Yos.

Hebreos 3:14

Xb'aan naq laa'o nokootz'aqonk rik'in li Kriist wi kaw qach'ool sa' li qapaab'aal, jo' chaq sa' xtiklajik jo'kanaq ajwi' chalen sa' roso'jik.

Hebreos 3:6

A'ut li Kriist kipaab'ank jo' alalb'ej sa' xb'een li rochoch li Yos, a'ano laa'o, wi kawaq ut tuqtuuq qach'ool sa' li oyb'enink toj sa' roso'jik.

2 Ts 2:15

Jo'kan utan, ex qas qiitz'in, kaw xaqxooqex ut meekanab' xpaab'ankil leetijb'al eek'ulum qik'in jo' chi aatin jo' chi tz'iib'anb'il chiru hu.

1 Ts 3:8

Anaqwan yaal naq yo'yooko: xb'aan naq naqanaw naq kaw xaqxookex rik'in li Qaawa'.

Gálatas 4:26

A'ut li Jerusalén wank taqe'q a'an ach'ab'anb'il ut a'an li qana',

Gálatas 3:25

Ut naq ak xk'ulunk li paab'aal, moko wanko ta chik rub'el xwankil laj ch'ilonel.

1 Corintios 15:58

Jo'kan b'i', ex was wiitz'in raarookex inb'aan, kaw xaqxooqex, chexwanq chi ink'a' taach'inanq leech'ool, junelik yooqex chi k'iik sa' xk'anjel li Qaawa'. Chenawaq naq li xyalb'al eeq'e moko maak'a' ta aj e sa' xk'ab'a' li Qaawa'.

San Mateo 23:4

Q'axal aal li iiq neke'xb'ak' ut neke'xk'e sa' xb'eeneb' li tenamit, a'ut eb' a'an chi moko rik'in ru'uj ruq'eb' neke'raj reek'asinkil.

Romanos 7:3

Jo'kan wi toj yo'yo li xb'eelom ut naxq'axtesi rib' re jalan chik winq, aj muxul sumlaak taakanaaq wi'. Ab'an wi nakamk li xb'eelom, taa'elq rub'el xwankil li chaq'rab' a'an: moko tixmux ta chik li xsumlajik wi tixq'axtesi rib' re jalan chik winq.

Romanos 8:15

Ut laa'ex moko xemaatani ta junaq musiq'ej nak'ehok eere chi moosil re naq wanqex wi' chik sa' leexiw; xemaatani b'an li Musiq'ej nak'ehok eere chi alalb'ej k'ajolb'ejil, a' li nokooruuk wi' chi xyeeb'al chi kaw: “Abbá”, naraj naxye: “At inYuwa'”.

2 Corintios 11:20

Nekekuy naq junaq nekexk'e chi moosil ut naq junaq naxmaq' chixjunil cheru, narelq'a li k'aru eere, naxq'etq'eti rib' ut nekexsak' chi xnaq' eeru.

San Lucas 5:38

Li ak' b'iin tento xk'eeb'al sa' ak' tz'uum-kuk.