Gálatas 4:5 - Q'eqchi Bible

⁵ re rach'ab'ankileb' li wankeb' rub'el xwankil li Chaq'rab' jo' ajwi' re naq tqamaatani li alal-k'ajolb'ejil.

Li Santil hu

⁵ Li Dios quixtakla li Ralal re nak aꞌan ta̱colok reheb li cuanqueb rubel xcuanquil li chakꞌrab. Quixba̱nu aꞌin re nak la̱o naru to-oc chokꞌ ralal xcꞌajol.

Gálatas 4:5 ပူးပေါင်းရင်းမြစ်များ

Hebreos 9:15

A'in aj e naq li Kriist na'okenk chirix jun li ak' Sumwank. Rik'in li xkamik naxsacheb' li maak uxb'ileb' naq toj wan chaq li xb'een Sumwank, ut eb' li sik'b'ileb' ru xb'aan li Yos neke'xk'ul li ereens li ink'a' nalajk na'oso'k, a' li kiyeechi'iik chaq reheb'.

Efesios 1:5

kixsik' chaq qu chi junxilaj cho'q ralal xk'ajol sa' xk'ab'a' li Jesukriist, jo' chanru kiraj li xchaab'ilal xch'ool,

Efesios 1:7

Sa' xk'ab'a' A'an wank qakolb'al xb'aan li xkik'el, wank xkuyb'al xsachb'al qamaak, sa' xk'ab'a' li xnimal rusilal

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

Hebreos 9:12

Ut ki'ok sa' li Santil Na'ajej chi junwaakaj, moko rik'in ta xkik'el teelom chib'aat chi moko rik'in xkik'eleb' kok' wakax, rik'in b'an li xkik'el a'an; ut chi jo'kan kooxkol chi junajwa.

Gálatas 3:13

Li Kriist koorach'ab' chiru xmaa'usilahom li Chaq'rab' xb'aan naq kixk'e rib' chi maa'usilaak sa' qak'ab'a' laa'o, jo' naxye li Santil Hu: “Maa'usilanb'ilaq chixjunil li t'uyt'u chiru che'”.

Romanos 8:23

Laa'o ajwi' li qak'ulum li xb'een ru li Musiq'ej nokoo'ayaynak sa' li qach'ool, naq yooko chi xyo'oninkil naq li Yos tooxk'ul jo' tz'aqal ralal xk'ajol ut taakole'q li qach'och'el qasululel.

Gálatas 4:7

Jo'kan naq maawa'at chik aj loq'b'il k'anjel, laa'at b'an alal k'ajolb'ej; ut wi laa'at alalb'ej, laa'ataq aj eechaninel sa' xk'ab'a' li Yos.

Gálatas 3:26

Xb'aan naq chejunilex ralal xk'ajolex li Yos sa' xk'ab'a' xpaab'ankil li Kristo Jesus.

Romanos 9:4

A'aneb' laj Israel. Li Yos kixsik'eb' ru cho'q ralal xk'ajol ut kixk'ut li xnimal xloq'al, kixk'ojob' li Sumwank rik'ineb', kixk'e reheb' li Chaq'rab' jo'wi' li xloq'laj yeechi'om, ut kixtzoleb' chirix li loq'onink.

San Juan 1:12

A'ut chixjunileb' li ke'k'uluk re, kixk'e reheb' wank cho'q ralal xk'ajol li Yos, a'eb' li neke'paab'ank re:

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

Romanos 8:19

Jo'ch'inal jo'nimal li wank junsut junrub'el choxa q'axal yo chi xrahinkil ut xyo'oninkil naq taak'utb'esimanq chi yaal naq laa'o ralal xk'ajol li Yos.

Efesios 5:2

ut chexwanq sa' li rahok kama' naq kexra li Kriist ut kixq'axtesi rib' sa' qak'ab'a' jo' chaab'il mayej ut loq'laj yeechi'om, sununk xb'ook chiru li Yos.

Gálatas 4:21

Laa'ex li teeraj wank rub'el xwankil li Najter Chaq'rab', yehomaq we: ma ink'a' nekerab'i li naxye li Chaq'rab'?

San Lucas 1:68

“Usilaatinanb'il taxaq li Qaawa', xYos laj Israel, xb'aan naq kolrula'ani ut kixkol li xtenamit;

Hebreos 1:3

A'an a'in xrepom li xnimal xloq'al ut xjalam u li xYosilal. A'an nakuutunk re chixjunil rik'in xnimal xwankil li raatin, ut naq ak xch'ajob'resiheb' li tenamit chiru li maak, kik'ojlaak sa' xnim uq' li Nimajwal Yos toj taqe'q.

San Mateo 20:28

Kama' naq li K'ajolb'ej moko xchalk ta chi k'anjelaak ru, re b'an k'anjelak ut re xk'eeb'al li xyu'am re xkolb'aleb' rix chixjunileb'.

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

Apocalipsis 14:3

Yookeb' chaq chi xb'ichankil jun li ak' b'ich chiru li nimajwal k'ojarib'aal jo'wi' chiruheb' li kaahib' chi yo'yookeb' ut eb' li cheekel winq. Ut maa'ani kiruhank chi xtzolb'al li b'ich a'an, ka'ajwi' li kaahib' xwaqxaqk'aal mil, a'aneb' li ke'kole'k sa' xyanqeb' li wankeb' sa' ruuchich'och'.

Romanos 8:14

Chixjunileb' li b'eresinb'ileb' xb'aan li xMusiq' li Yos, a'aneb' ralal xk'ajol li Yos.

Romanos 8:15

Ut laa'ex moko xemaatani ta junaq musiq'ej nak'ehok eere chi moosil re naq wanqex wi' chik sa' leexiw; xemaatani b'an li Musiq'ej nak'ehok eere chi alalb'ej k'ajolb'ejil, a' li nokooruuk wi' chi xyeeb'al chi kaw: “Abbá”, naraj naxye: “At inYuwa'”.

Romanos 10:4

Xb'aan naq li Kriist a'an li xraqik ut xtz'aqlojik ru li Chaq'rab', re naq tiikob'resinb'ilaq xch'ooleb' chixjunileb' li wankeb' xpaab'aal.