Gálatas 4:16 - Q'eqchi Bible

¹⁶ Malaj ut xik' nikineril xb'aan naq xinye eere li xyaalal?

Li Santil hu

¹⁶ ¿Ma xicꞌ chic niquine̱ril anakcuan yal xban nak xinye e̱re lix ya̱lal chi joꞌcanan?

Gálatas 4:16 ပူးပေါင်းရင်းမြစ်များ

Amós 5:10

Ra chaalel sa' eeb'een laa'ex xik' nekeril ani nakolok rix li tiikilal ut neketz'eqtaana li nayehok re li yaal.

Proverbios 9:8

Maaq'us li q'etq'et xb'aan naq xik' tatril; chaq'us li wank xna'leb', ut a'an tatxra.

Gálatas 5:7

Chaab'il naq xetikib' aanilak. Ani xramok cheru naq teekanab' li yaal?

San Juan 8:45

A'ut laa'in ink'a' nikineepaab', xb'aan naq ninye li yaal.

Salmos 141:5

Chinxq'us ta ut chinxtij li tiik xch'ool xb'aan inraab'al; a'ut maajoq'e taxaq chixyul linjolom li xsununkil b'an li ink'a' us xna'leb', re naq ink'a' tintz'aqonq rik'in li xmaa'usilal.

1 Reyes 22:8

Ut li awab'ej re Israel kixye re laj Josafat: “Toj wank jun chik winq li naru nokoopatz'ok wi' k'aru naxye li Qaawa'. Ab'an q'axal xik' nawil, xb'aan naq maajun wa naxye li us cho'q we, junes b'an rahilal naxye we. A'an laj Mikeas, ralal laj Imlá”, chan. Kichaq'ok laj Josafat ut kixye: “Mat-aatinak chi jo'ka'in, at awab'ej”.

Gálatas 2:5

A'ut laa'o ink'a' xqaq'axtesi qib' chi xb'aanunkil li neke'xye, yal ta jun ch'ina k'amok, re naq junelik xaqxooq sa' eeyanq li xyaalalil li Chaab'il Esilal.

San Juan 7:7

Li ruuchich'och' ink'a' naru xik' nekexril; a'ut laa'in xik' nikinril xb'aan naq nink'ut naq ink'a' us li xb'aanuhomeb'.

1 Reyes 21:20

Naq laj Elías kiwulak aran, laj Ajab kixye: “Ma xolinaataw laa'at li xik' nakat-ilok we?”, chan. Kixye laj Elías: “Xolatintaw. Laa'at xak'ayi aawib' chi xb'aanunkil li ink'a' nawulak chiru li Qaawa';

Gálatas 2:14

Naq kink'e reetal naq ink'a' tiik yookeb' chi k'anjelak jo' chanru naraj xyaalal li Evangelio, kinye re laj Sefas chiruheb' chixjunil: “Wi laa'at aj Judiiy nakataaqe xna'leb'eb' li junch'ol chik ut ink'a' li xna'leb'eb' laj Judiiy, k'a'ut naq nakamineb' ru li maawa'eb' aj Judiiy chi xtaaqenkil xna'leb'eb' laj Judiiy?”.

2 Crónicas 25:16

Toj yo ajwi' chi aatinak li propeet naq laj Amasías kixye re: “Ma xate'xxaqab' tab'i' cho'q aj k'ehol xna'leb' li awab'ej? Kanab' aatinak. Malaj taawaj naq tate'xkamsi?”. Ut li propeet kixye: “Laa'in ninnaw naq li Qaawa' xk'uub' xsachb'al aawu, xb'aan naq xab'aanu li ink'a' us ut ink'a' nakawaj rab'inkil li xinye aawe”. Ut kixkanab' aatinak.

1 Reyes 22:27

Ut taaye reheb': «Jo'ka'in xye chaq li awab'ej: Tz'apomaq sa' tz'alam li winq a'in ut kach'in ajwi' xwa ut xha' teek'e, toj reetal tinsutq'iiq chaq chi sa sa' inch'ool»”.

Gálatas 4:15

Ut anaqwan b'ar wank li xsahil sa' leech'ool? Naxnaw li Yos naq wi ta xruuk xb'aanunkil, xerisihatq raj xsa' leeru re xk'eeb'al we.

Gálatas 4:17

Leeraab'al neke'xb'aanu eb' a'an, moko us ta; li te'raj, a'an eejek'b'al wik'in re naq a'aneb' chik teera ut teetaaqeheb'.