Gálatas 3:12 - Q'eqchi Bible

¹² A'ut li Chaq'rab' ink'a' nachalk sa' xk'ab'a' li paab'aal, naxye b'an: “Li taab'aanunq re chixjunil a'in, yo'yooq sa' xk'ab'a' a'an”.

Li Santil hu

¹² Li chakꞌrab incꞌaꞌ naxye nak topa̱ba̱nk. Caꞌaj cuiꞌ naxye nak tento xba̱nunquil li naxye re nak ta̱cua̱nk li kayuꞌam. Joꞌcaꞌin tzꞌi̱banbil saꞌ li chakꞌrab: Li ani naxba̱nu chixjunil li naxye li chakꞌrab, li jun aꞌan ta̱cua̱nk xyuꞌam. (Lev. 18:5)

Gálatas 3:12 ပူးပေါင်းရင်းမြစ်များ

Levítico 18:5

“K'uulahomaq sa' leech'ool linchaq'rab' ut lintaqlahom. Ani taapaab'anq re, taayo'yooq. Laa'in li Qaawa'.

Nehemías 9:29

Kaq'useb' re naq te'xpaab' wi' chik laachaq'rab', ab'an eb' a'an ink'a' ke'xpaab'; ke'xnimob'resi b'an rib' chawu, ke'maakob'k ut ke'xq'et laataqlahom li nak'ehok xyu'am li ani napaab'ank re. Ke'xkawub'resi ut ke'xjipu li xch'ooleb', tik ink'a' ke'ab'ink.

Romanos 4:14

Xb'aan naq wi eb' laj paab'anel xChaq'rab' laj Moisés te'eechaninq, maak'a' rajb'al li paab'aal ut li xyeechi'om li Yos najuk'e'k xwankil chi junajwa.

Romanos 4:16

Jo'kan naq chixjunil na'uxk sa' xk'ab'a' li paab'aal re naq k'ulb'ilaq yal chi maatan, ut li xyeechi'om li Yos xaqxooq xwankil cho'q reheb' chixjunil li ralal xk'ajol laj Abrahán: moko ka'aj ta wi' cho'q reheb' laj paab'anel Chaq'rab', reheb' aj b'an wi' li wankeb' xpaab'aal jo' laj Abrahán li qayuwa' chiqajunilo,

Ezequiel 20:11

Aran kinq'axtesi linchaq'rab' ut kink'e chi xnaweb' li waatin, li tento te'xyu'ami eb' li poyanam re naq te'wanq xyu'am.

Romanos 11:6

Wi ut sa' xk'ab'a' li rusilal, a'an maawa' chik sa' xk'ab'a'eb' xb'aanuhom; wi ta ink'a' jo'kan, li usilal maawa' raj chik usilal.

San Mateo 19:17

Li Jesus kixye re: —K'a'ut naq nakapatz' we chirix li chaab'ilal? Jun ajwi' li Chaab'il. Wi taawaj ok sa' li yu'am, paab' li chaq'rab'.

Ezequiel 20:13

Ab'anan eb' laj Israel ke'xq'etq'eti rib' chiwu sa' li chaqich'och' ut ink'a' ke'xpaab' linchaq'rab'; ke'xtz'eqtaana li waatin li nak'ehok xyu'am li ani napaab'ank re, ut ke'xsach xwankil linhilob'aal kutan. Toja' naq kink'oxla risinkil linjosq'il sa' xb'eeneb' ut xkamsinkileb' aran sa' li chaqich'och'.

Romanos 7:10

ut laa'in xinkamk; ut li chaq'rab' re raj yu'am, a' chik li kamk xk'am chaq sa' inb'een.