Gálatas 3:11 - Q'eqchi Bible

¹¹ Ch'olch'o naq li Chaq'rab' maa'ani naxtiikob'resi xch'ool chiru li Yos, xb'aan naq naxye li Santil Hu: “Li tiik xch'ool taawanq xyu'am xb'aan li xpaab'aal”.

Li Santil hu

¹¹ Ac chꞌolchꞌo nak ma̱ ani ta̱ti̱cobresi̱k xchꞌo̱l chiru li Dios yal riqꞌuin xba̱nunquil li naxye saꞌ li najter chakꞌrab xban nak tzꞌi̱banbil saꞌ li Santil Hu nak ani naxpa̱b li Dios, ta̱ti̱cobresi̱k xchꞌo̱l chiru li Dios ut ta̱cua̱nk xyuꞌam chi junelic. (Hab. 2:4)

Gálatas 3:11 ပူးပေါင်းရင်းမြစ်များ

Habacuc 2:4

Taa'oso'q li ink'a' tiik ru xyu'am, ab'an li tiik xch'ool taawanq xyu'am xb'aan li xpaab'aal”.

Romanos 1:17

Xb'aan naq li Chaab'il Esilal naxk'ut naq li Yos natiikob'resink ch'oolej sa' xk'ab'a' li paab'ank ut cho'q re li paab'ank, jo' tz'iib'anb'il sa' li Santil Hu: “Li tiik xch'ool twanq xyu'am xb'aan li xpaab'aal”.

Hebreos 10:38

Li tiik xch'ool chiwu taawanq xyu'am xb'aan li xpaab'aal; a'ut wi tixkanab' inpaab'ankil, ink'a' taasaho'q inch'ool rik'in”, chan li Yos.

Gálatas 2:16

Ab'an naqanaw naq maa'ani natiikob'resiik xch'ool rik'in xb'aanunkil li naxye li xChaq'rab' laj Moisés, ka'aj b'an wi' rik'in xpaab'ankil li Jesukriist. Jo'kan naq laa'o ajwi' xqapaab' li Kristo Jesus re taatiikob'resiiq qach'ool chiru li Yos rik'in xpaab'ankil li Kriist ut maawa' rik'in xb'aanunkil li naxye li Chaq'rab', xb'aan naq maa'ani taatiikob'resiiq xch'ool rik'in xb'aanunkil li naxye li Chaq'rab'.

Eclesiastés 7:20

Ab'anan moko wank ta junaq tiik xch'ool sa' ruuchich'och' li tixb'aanu li us chi junelik, chi ink'a' ta taamaakob'q.

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

Isaías 53:6

Chiqajunilo xoosachk jo'eb' li karneer, ak xb'e xb'e xk'am li junjunq. Ut li Qaawa' xk'e chiriiqani li qamaak chiqajunilo.

Li xHu LAJ JOB 42:6

Jo'kan naq naraho'k ut nayot'e'k linch'ool; sa' li pojtz' ut cha tintoj rix linmaak”.

Santiago 3:2

Chiqajunilo naab'al sut nokoot'ane'k. Wi wank junaq ink'a' nat'ane'k rik'in raatin, a'an jun li winq tz'aqal re ru; taaruhanq ajwi' chi xb'eresinkil li xjunxaqalil.

Isaías 64:6

Chiqajunilo laa'o chanchan muxb'il qu, ut li tiikilal naqab'aanu kama' wi' jun li t'ikr tz'ajn ru. Xoot'ane'k chiqajunilo jo' li xxaq li che' naq natz'umaak, ut xook'ame'k xb'aaneb' li qamaak jo' naq na'apunk li kawil iq'.

Isaías 6:5

Ut kinye sa' inch'ool: “Toq'ob' xaq wu, xin'oso'k, xb'aan naq laa'in jun li winq ninye li ink'a' us ut wankin sa' jun tenamit aj maak. Xwil rik'in wu li Awab'ej, a' li Nimajwal Yos!”.

Salmos 19:12

Jo'kan naq laj k'anjel chawu naxk'e xch'ool chirixeb', k'ajo' rusil xpaab'ankil a'an!

Li xHu LAJ JOB 40:4

“Xin'aatinak chi maak'a' xyaalal: k'a' ta chik ru tinye? Us tintz'ap li we rik'in li wuq'.

Li xHu LAJ JOB 9:3

Ani taaraj wech'ok rik'in, us ta li Yos taapatz'oq jun milaq sut, ab'an li winq maajun tixsume.

1 Reyes 8:46

“Ut naq te'maakob'q chawu (xb'aan naq maajun ink'a' ta namaakob'k) ut laa'at tatjosq'o'q rik'ineb' ut taaq'axtesiheb' sa' ruq'eb' li xik' neke'ilok reheb' re naq te'k'ame'q sa' li xtenamiteb', a' yaal ma najt malaj nach' wanqeb',

Salmos 143:2

Matraqok aatin sa' inb'een, xb'aan naq maajun junaq maak'a' ta xmaak chawu.

Santiago 1:27

Li tz'aqal paab'ank li maak'a' reek' ut loq' chiru li Yos Yuwa'b'ej, a'an a'in: xtenq'ankileb' li maak'a'eb' chik xna' xyuwa' ut eb' li xmalka'an li wankeb' sa' rahilal, jo' ajwi' xkolb'al qib' chiru li xmaa'usilal li ruuchich'och' chi maak'a'aq qamuxul.