Gálatas 2:4 - Q'eqchi Bible

⁴ Wankeb' ke'xch'ik rib'eb' sa' qayanq ut neke'xye rib' naq qas qiitz'ineb', a'aneb' li ke'ok chi muqmu re xk'eeb'al reetal li xnimal usilal wanko wi' sa' xk'ab'a' li Kristo Jesus, re raj qak'eeb'al rub'el xwankil li Chaq'rab'.

Li Santil hu

⁴ Abanan cuan ajcuiꞌ junju̱nk queꞌraj raj xminbal ru xcꞌulbal li circuncisión. Eb aꞌan nequeꞌxye rib nak aj pa̱baneleb. Queꞌoc saꞌ kaya̱nk chi mukmu re xqꞌuebal retal li usilal cuanco cuiꞌ saꞌ xcꞌabaꞌ li Jesucristo ma yo̱co chixpa̱banquil li najter chakꞌrab malaj incꞌaꞌ. Eb aꞌan queꞌraj raj cuiꞌchic kaqꞌuebal rubel xcuanquil li najter chakꞌrab.

Gálatas 2:4 ပူးပေါင်းရင်းမြစ်များ

San Judas 1:4

Xb'aan naq wankeb' li xe'xch'ik rib' sa' eeyanq chi muqmu. Eb' a'in, chalen chaq junxil, ak xaqab'anb'il chaq li tojb'amaak sa' xb'eeneb'. Maak'a'eb' xpaab'aal; neke'xsutq'isi li rusilal li qaYos chi jo'maajo'il na'leb' ut neke'xtz'eqtaana li Jesukriist, li Qaawa' ut laj Eechal qe li jun chirib'il.

Gálatas 5:1

Li Kriist ki'ach'ab'ank qe re naq ach'ab'anb'ilaqo chi yaal. Wanqex b'i' chi kaw eech'ool sa' leepaab'aal ut meek'e chik eerib' chi wank chi b'ak'b'o.

Gálatas 4:3

Jo'kan ajwi' laa'o: naq toj saajo chaq, koowank rub'el xwankil li xna'leb' li ruuchich'och'.

2 Corintios 11:26

K'iila sutin chi b'eek; k'ajo' chaq linxiw xb'aaneb' li nima', xb'aaneb' laj elq', xb'aaneb' li wech tenamitul, xb'aaneb' li junch'ol chik; sa'atq li tenamit, sa'atq li junesal na'ajej, chiruhatq li palaw xb'aaneb' li was wiitz'in aj b'alaq'.

1 Juan 4:1

Ex inrahom, meepaab' chixjunil li musiq'ej; chek'ehaq b'an reetal ma rik'in li Yos chalenaq li musiq'ej, xb'aan naq naab'aleb' propeet aj b'alaq' xe'waklije'k chaq sa' ruuchich'och'.

2 Pedro 2:19

Neke'xyeechi'i reheb' wank chi ach'ab'anb'il, a'ut eb' a'an wankeb' rub'el xwankil li maa'usilal, xb'aan naq relik chi yaal naq yalaq k'a' re ru nanumtaak sa' xb'een li winq, a'an eechaninb'il wi' li winq a'an.

2 Timoteo 3:6

Sa' xyanqeb' a'an wankeb' li neke'xch'ik rib' chire kab'lal ut neke'xchap eb' li mem aj ixq q'axaleb' aj maak, nachiq'chotk li xch'ooleb' xb'aan xrahinkil ru chixjunil li k'a'aq chi maa'usilal.

Gálatas 5:10

Laa'in kaw inch'ool cherix laa'ex sa' xk'ab'a' li Qaawa' naq ink'a' teek'am jalan chik li b'e; ab'an li yo chi po'ok re leech'ool tixk'ul xtojb'al xmaak, a' yaal ani a'an.

2 Corintios 11:20

Nekekuy naq junaq nekexk'e chi moosil ut naq junaq naxmaq' chixjunil cheru, narelq'a li k'aru eere, naxq'etq'eti rib' ut nekexsak' chi xnaq' eeru.

2 Corintios 11:13

Xb'aan naq eb' a'an yal neke'xk'e rib' cho'q apóstol; ab'anan aj k'anjeleb' re b'alaq'ik, neke'xpak' rib' cho'q x'apóstol li Kriist.

2 Corintios 3:17

Xb'aan naq li Qaawa' a'an li Musiq'ej, ut b'ar wank xMusiq' li Qaawa', aran wank li wank chi ach'ab'anb'il.

Hechos 20:30

Sa' eeyanq ajwi' laa'ex wanqeb' winq te'wakliiq chi xyeeb'al k'a'aq re ru ink'a' us re xk'amb'aleb' laj paab'anel chirixeb'.

Hechos 15:24

Xqab'i resil naq wankeb' sa' qayanq koxe'okaq chi xyoob'ankil jun li ch'a'ajkilal ut chi xpo'b'al eech'ool rik'ineb' li raatin. Moko laa'o ta xootaqlank reheb' a'an.

Hechos 15:1

Wankeb' aj Judea ke'wulak Antiokía, yookeb' chi xtzolb'aleb' laj paab'anel chi jo'ka'in: “Wi ink'a' teek'ul li sirkunsisyon jo' naxye li xChaq'rab' laj Moisés, ink'a' truuq texkole'q”, chankeb'.

Isaías 51:23

Sa' ruq'eb' chik li xe'rahob'tesink aawe, tink'e, a'eb' li xe'yehok aawe: «B'uchub'aq eerib' chiru ch'och' re naq toonume'q sa' eeb'een». Ut laa'at xab'uchub' aawib' chiru ch'och', xatkanaak jo' jun li b'e cho'q reheb' li xe'nume'k sa' aab'een”.

1 Pedro 2:16

Chexk'anjelaq jo'eb' li wankeb' chi ach'ab'anb'il, ut ink'a' jo'eb' li wankeb' chi ach'ab'anb'il re chik xb'aanunkil li maa'usilal; jo'kaqex b'an li xmoos li Yos.

Gálatas 4:25

xb'aan naq li tzuul Sinaí wank aran Arabia. Lix Agar a'an reetalil li Jerusalén wank anaqwan, k'ayinb'il chi k'anjelak kama' ajwi' eb' li ralal xk'ajol.

2 Corintios 11:17

Li yookin chi xyeeb'al anaqwan, moko jo' ta naraj li Qaawa'; naq yookin chi xnimankil wib' chi jo'kan, yookin chi aatinak kama' na'aatinak junaq li kaan ru.

Romanos 8:15

Ut laa'ex moko xemaatani ta junaq musiq'ej nak'ehok eere chi moosil re naq wanqex wi' chik sa' leexiw; xemaatani b'an li Musiq'ej nak'ehok eere chi alalb'ej k'ajolb'ejil, a' li nokooruuk wi' chi xyeeb'al chi kaw: “Abbá”, naraj naxye: “At inYuwa'”.

Salmos 119:45

Twaj tinb'eeq chi maak'a'aq ink'a'uxl, xb'aan naq nink'e inch'ool chi xsik'b'al laawajom.

Salmos 51:12

K'e we jun tiikil ch'oolej ut saq ru; chinaa'ak'ob'resi aj tawi' sa' linmusiq'.

Gálatas 1:7

Ab'an moko wank ta jalan chik evangelio, yal wankeb' b'an li neke'luktesink eech'ool ut neke'raj xpo'b'al ru li x'Evangelio li Kriist.

Santiago 1:25

Ab'an li naxk'e xch'ool chi xk'oxlankil rix li Chaq'rab' tz'aqal re ru aj k'ehol chi wank chi ach'ab'anb'il, ut junelik kaw xch'ool chi xpaab'ankil moko jo' ta aj ab'inel li junpaat nasachk sa' xch'ool, jo' b'an tz'aqal aj b'aanuhom re li k'aru nataqlaak wi', li winq a'an osob'tesinb'ilaq rik'in xk'anjelankil.

San Lucas 5:38

Li ak' b'iin tento xk'eeb'al sa' ak' tz'uum-kuk.