Gálatas 2:11 - Q'eqchi Bible

¹¹ A'ut naq laj Pedro kik'ulunk arin Antiokía, kinxaqliik chiru re xq'usb'al, xb'aan naq wank k'aru xmajelo'k wi'.

Li Santil hu

¹¹ Nak quicuulac laj Pedro Antioquía, la̱in quinkꞌus xban nak incꞌaꞌ us li yo̱ chixba̱nunquil.

Gálatas 2:11 ပူးပေါင်းရင်းမြစ်များ

1 Timoteo 5:20

Eb' li yookeb' chi maakob'k, chaq'useb' chiruheb' chixjunil re naq chi'okaq xxiweb' li xkomon.

Gálatas 2:14

Naq kink'e reetal naq ink'a' tiik yookeb' chi k'anjelak jo' chanru naraj xyaalal li Evangelio, kinye re laj Sefas chiruheb' chixjunil: “Wi laa'at aj Judiiy nakataaqe xna'leb'eb' li junch'ol chik ut ink'a' li xna'leb'eb' laj Judiiy, k'a'ut naq nakamineb' ru li maawa'eb' aj Judiiy chi xtaaqenkil xna'leb'eb' laj Judiiy?”.

2 Corintios 5:16

Chalen ut anaqwan maa'ani chik naqanaw ru yal rik'in ruuchich'och'il k'a'uxl; ut wi junxil xqanaw ru li Kriist rik'in ruuchich'och'il k'a'uxl, anaqwan ink'a' chik naqanaw ru chi jo'kan.

Hechos 15:1

Wankeb' aj Judea ke'wulak Antiokía, yookeb' chi xtzolb'aleb' laj paab'anel chi jo'ka'in: “Wi ink'a' teek'ul li sirkunsisyon jo' naxye li xChaq'rab' laj Moisés, ink'a' truuq texkole'q”, chankeb'.

San Judas 1:3

Ex inrahom, q'axal xink'e inch'ool chi tz'iib'ak eerik'in chirix li qakolb'al naqawotz sa' komonil; ab'an anaqwan tz'aqal xweek'a naq tento tintz'iib'aq eerik'in re xtz'aamankil naq teeyal eeq'e chi xkolb'al rix li paab'aal li kiq'axtesiik chi junwaakaj reheb' laj santil paab'anel.

Santiago 3:2

Chiqajunilo naab'al sut nokoot'ane'k. Wi wank junaq ink'a' nat'ane'k rik'in raatin, a'an jun li winq tz'aqal re ru; taaruhanq ajwi' chi xb'eresinkil li xjunxaqalil.

Gálatas 2:9

Naq laj Santiago, laj Sefas ut laj Jwan, eb' li oxloq'inb'ileb' cho'q roqechal li Iklees, ke'xk'e reetal li simaatan k'eeb'il we, ke'xk'e li ruq'eb' we jo'wi' re laj Bernabé, reetalil naq wanko sa' sum'aatin; ut xqak'uub' naq eb' a'an te'xik rik'ineb' li xk'ulumeb' li sirkunsisyon ut laa'in wochb'een laj Bernabé tooxik rik'ineb' li junch'ol chik.

Gálatas 2:7

Maak'a' ke'xye eb' laj jolominel. Ke'xk'e b'an reetal naq q'axtesinb'il we li k'anjel chirix li Chaab'il Esilal sa' xyanqeb' li ink'a' xk'ulumeb' li sirkunsisyon, jo' naq q'axtesinb'il re laj Pedro sa' xyanqeb' li ak xk'ulumeb'.

Gálatas 2:5

A'ut laa'o ink'a' xqaq'axtesi qib' chi xb'aanunkil li neke'xye, yal ta jun ch'ina k'amok, re naq junelik xaqxooq sa' eeyanq li xyaalalil li Chaab'il Esilal.

2 Corintios 12:11

Xkaano' wu, ab'an laa'ex xexminok wu. Laa'ex raj li xexnimank inloq'al, xb'aan naq tik moko kub'enaq ta inwankil chiruheb' li “xninqaleb' ru apóstol” a'an, us ta laa'in maak'a' inwankil.

San Mateo 16:23

A'ut a'an kixsutq'isi rib' ut kixye re laj Pedro: —Elen chiwu, at aj tza! Laa'at aj luktesinel ch'ool cho'q we, xb'aan naq laak'a'uxl moko re ta li Yos, reheb' b'an li winq.

2 Corintios 11:5

Ab'an laa'in nink'oxla naq moko kub'enaq ta inwankil chiruheb' li “xninqaleb' ru apóstol” a'an.

Hechos 11:19

Eb' li ke'xcha'cha'i rib' xb'aan li rahilal kiwank sa' li xkamik laj Esteban, ke'wulak toj Fenicia, Chipre ut Antiokía, ab'anan ka'ajwi' reheb' laj Judiiy neke'xch'olob' li Aatin.

Jonás 4:9

Toja' naq li Yos kixpatz' re laj Jonás: “Ma us naq nakatjosq'o'k sa' xk'ab'a' naq xchaqik li jun toon chi che'kenq'?”, chan re. Kichaq'ok laj Jonás ut kixye: “Us ninb'aanu naq ninjosq'o'k. Wank xyaalal naq ninpo'k toj reetal nawaj raj kamk!”.

Jonás 1:3

Ab'anan laj Jonás kixkawresi rib' re elelik chiru li Qaawa' ut koho Jope, ut aran kixtaw jun li jukub' xik xik re Tarsis. Kixtoj li xxikik ut ki'ok chisa' re wulak Tarsis, najt rik'in li Qaawa'.

Jeremías 1:17

Jo'kan utan, kawaq aach'ool, xaqlin ut ye reheb' li k'aru tatintaqla wi'. Maaxiwa ruheb': mare anchal tink'ut aaxutaan chiruheb' a'an.

Números 20:12

Ab'an li Qaawa' kixye re laj Moisés ut laj Aharón: “Laa'ex ink'a' k'ojk'o eech'ool chiwix ut ink'a' xek'e inloq'al chiruheb' laj Israel. Jo'kan naq ninye eere naq ink'a' tex'ok, eerochb'een li tenamit a'in, sa' li na'ajej li tink'e reheb'”, chan.

San Juan 1:42

Ut kixk'am wan wi' li Jesus. Li Jesus kixka'ya ut kixye re: —Laa'at laj Simón, ralal laj Jwan; Sefas chik taak'ab'a'in (naraj naxye: Pek).

Hechos 11:20

Sa' xyanqeb' a'an wankeb' aj Chipre ut aj Sirene li ke'wulak Antiokía ut ke'raatinaheb' ajwi' laj griego ut ke'ok chi xyeeb'al reheb' li xChaab'il Esil li Jesus, li Qaawa'.

Hechos 11:22

Kiwulak resil a'in sa' xxikeb' li Iklees li wank Jerusalén, ut ke'xtaqla laj Bernabé toj Antiokía.

Hechos 11:27

Sa'eb' li kutan a'an wankeb' propeet ke'kub'eek Antiokía, ke'chalk chaq Jerusalén.

Hechos 15:5

Ab'anan wankeb' xkomoneb' laj Pariseey li xq'axtesihomeb' rib' sa' li tz'aqal paab'aal, ke'xaqliik chi xyeeb'al: —Tento naq eb' li maawa'eb' aj Judiiy te'xk'ul li sirkunsisyon. Tento ajwi' xpatz'b'al reheb' naq te'xpaab' li xChaq'rab' laj Moisés.

Gálatas 1:18

Oxib'aq chihab' chik a'an kintaqe'k Jerusalén re xnawb'al ru laj Sefas, ut o'laju kutan kinwank chaq rik'in.