Gálatas 1:7 - Q'eqchi Bible

⁷ Ab'an moko wank ta jalan chik evangelio, yal wankeb' b'an li neke'luktesink eech'ool ut neke'raj xpo'b'al ru li x'Evangelio li Kriist.

Li Santil hu

⁷ Aꞌin moco naraj ta naxye nak cuan jun chic li evangelio. Lix ya̱lal aꞌan, aꞌin: cuanqueb li nequeꞌraj xpoꞌbal ru li evangelio li naxqꞌue li Ka̱cuaꞌ Jesucristo.

Gálatas 1:7 ပူးပေါင်းရင်းမြစ်များ

Hechos 15:24

Xqab'i resil naq wankeb' sa' qayanq koxe'okaq chi xyoob'ankil jun li ch'a'ajkilal ut chi xpo'b'al eech'ool rik'ineb' li raatin. Moko laa'o ta xootaqlank reheb' a'an.

Gálatas 5:10

Laa'in kaw inch'ool cherix laa'ex sa' xk'ab'a' li Qaawa' naq ink'a' teek'am jalan chik li b'e; ab'an li yo chi po'ok re leech'ool tixk'ul xtojb'al xmaak, a' yaal ani a'an.

2 Corintios 11:13

Xb'aan naq eb' a'an yal neke'xk'e rib' cho'q apóstol; ab'anan aj k'anjeleb' re b'alaq'ik, neke'xpak' rib' cho'q x'apóstol li Kriist.

Gálatas 5:12

Us rajan te'xset rib'eb' chi junajwa li yookeb' chi xpo'b'al leech'ool!

2 Corintios 2:17

Relik chi yaal naq laa'o ink'a' nokooyakok rik'in Raatin li Yos kama' neke'xb'aanu naab'aleb'; nokoo'aatinak b'an sa' yaal, chiru li Yos, sa' xk'ab'a' li Kriist, jo' chanru musiq'anb'ilo xb'aan li Yos.

Apocalipsis 20:3

Ut kixkut sa' li Siwan, kixmuq chisa' ut kixtz'ap xb'een li okeb'aal rik'in tz'apleb' re naq ink'a' chik tixb'alaq'iheb' li tenamit, toj taatz'aqloq jun mil chihab'. Ab'an, chirix chik a'an, tento taa'ach'ab'aaq chiru jarub'aq kutan.

2 Juan 1:10

Wi wank junaq taachalq eerik'in ut ink'a' tixk'am chaq li na'leb' a'in, meek'ul sa' leerochoch chi moko teek'e xsahil xch'ool,

1 Juan 4:1

Ex inrahom, meepaab' chixjunil li musiq'ej; chek'ehaq b'an reetal ma rik'in li Yos chalenaq li musiq'ej, xb'aan naq naab'aleb' propeet aj b'alaq' xe'waklije'k chaq sa' ruuchich'och'.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

Apocalipsis 13:14

ut naxb'alaq'iheb' li wankeb' sa' ruuchich'och' rik'ineb' li eetalil k'eeb'ileb' re xb'aanunkil chiru li josq' aj xul, rik'in xyeeb'al reheb' li wankeb' sa' ruuchich'och' naq te'xyiib' jun xjalam u li josq' aj xul, a' li tiq'b'il chi ch'iich' ut moko kikamk ta.

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

Apocalipsis 2:20

Ab'an ch'a'aj naweek'a chawix naq nakak'ul chi k'anjelak lix Jesabel, li ixq a'an li naxye rib' naq propeet ut yo chi xtzolb'aleb' ut chi xb'alaq'inkileb' laj k'anjel chiwu re naq te'xmux rib'eb' ut te'xtzeka li tib' mayejanb'il chiru li xyoseb'.

Apocalipsis 2:6

Ab'anan wank li us nakab'aanu, a' naq xik' nakawil li neke'xb'aanu eb' laj nikolaíta; jo'kan ajwi' laa'in xik' nawil li xna'leb'eb'.

Apocalipsis 2:2

Ninnaw laab'aanuhom, laakawil k'anjel ut li xnimal aakuyum; ninnaw ajwi' naq ink'a' nakakuyeb' li ink'a' useb' xch'ool. Xayaleb' rix li neke'xye rib' naq a'aneb' apóstol ut maawa'eb', ut xataw ru naq aj tik'ti'eb'.

San Judas 1:4

Xb'aan naq wankeb' li xe'xch'ik rib' sa' eeyanq chi muqmu. Eb' a'in, chalen chaq junxil, ak xaqab'anb'il chaq li tojb'amaak sa' xb'eeneb'. Maak'a'eb' xpaab'aal; neke'xsutq'isi li rusilal li qaYos chi jo'maajo'il na'leb' ut neke'xtz'eqtaana li Jesukriist, li Qaawa' ut laj Eechal qe li jun chirib'il.

2 Juan 1:7

Naab'aleb' laj luktesinel ch'oolej xe'waklije'k chaq sa' ruuchich'och': eb' a'an ink'a' neke'xch'olob' naq li Jesukriist koltz'ejwalo'q. A'an a'in laj Luktesinel ch'oolej ut laj Tz'eqtaanahom re li Kriist.

1 Juan 2:26

Xintz'iib'a a'in eerik'in chirixeb' li neke'raj eeb'alaq'inkil.

2 Timoteo 2:18

xe'xkanab' xb'ehil li yaal ut anaqwan yookeb' chi xpo'b'al ru li xpaab'aaleb' li jun ch'uut chi kristiyan rik'in xyeeb'al naq ak xe'wakliik chi yo'yo eb' li kamenaq.

Gálatas 6:17

Ut chalen anaqwan maa'ani chik chich'i'ch'i'inq we, xb'aan naq wankeb' sa' linjunxaqalil li reetalil li Jesus.

Gálatas 4:17

Leeraab'al neke'xb'aanu eb' a'an, moko us ta; li te'raj, a'an eejek'b'al wik'in re naq a'aneb' chik teera ut teetaaqeheb'.

Gálatas 2:4

Wankeb' ke'xch'ik rib'eb' sa' qayanq ut neke'xye rib' naq qas qiitz'ineb', a'aneb' li ke'ok chi muqmu re xk'eeb'al reetal li xnimal usilal wanko wi' sa' xk'ab'a' li Kristo Jesus, re raj qak'eeb'al rub'el xwankil li Chaq'rab'.

2 Corintios 4:2

Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

Hechos 20:30

Sa' eeyanq ajwi' laa'ex wanqeb' winq te'wakliiq chi xyeeb'al k'a'aq re ru ink'a' us re xk'amb'aleb' laj paab'anel chirixeb'.

Hechos 13:10

ut kixye re: —Ralalat laj tza, nujenaqat rik'in chixjunil li b'alaq'il na'leb' ut maa'usilal, xik' nakawil chixjunil li tiikilal! Jo'q'e taakanab' xpo'b'al li xtiikil b'e li Qaawa'?

San Mateo 24:24

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq xninqaleb' ru eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

Jeremías 23:26

Jo' najtil chik yooqeb' chi yehok tik'ti' sa' ink'ab'a' rik'in xyeeb'al li yal neke'xk'oxla?

Jeremías 23:36

Ab'anan maajoq'e chik teeye: «A'an li iiq xk'ehom li Qaawa'», xb'aan naq wi teeroksi li aatin a'an, a'an taaq'apluuq sa' eeb'een. Laa'ex xepo' xyaalal li raatin li yo'yookil Yos, a' li Qaawa', li qaNimajwal Yos.

Gálatas 1:6

Nasachk inch'ool xb'aan naq q'axal junpaat yookex chi xkanab'ankil li Yos li kib'oqok eere sa' xk'ab'a' li rusilal li Kriist, ut jalan chik evangelio yookex chi xpaab'ankil.