Gálatas 1:6 - Q'eqchi Bible

⁶ Nasachk inch'ool xb'aan naq q'axal junpaat yookex chi xkanab'ankil li Yos li kib'oqok eere sa' xk'ab'a' li rusilal li Kriist, ut jalan chik evangelio yookex chi xpaab'ankil.

Li Santil hu

⁶ Nasach inchꞌo̱l e̱ban xban nak kꞌaxal junpa̱t yo̱quex chixcanabanquil li tzꞌakal Dios li quisicꞌoc e̱ru xban li rusilal li Jesucristo. Ut yo̱quex chixpa̱banquil jalan tijleb chirix li evangelio li moco ya̱l ta.

Gálatas 1:6 ပူးပေါင်းရင်းမြစ်များ

2 Corintios 11:4

Xb'aan naq yalaq ani taawulaq chi xpuktesinkil resil jalan chik Jesus chiru li ak xqapuktesi eere, yalaq ani tixk'ut cheru xk'ulb'al jalan chik Musiq'ej chiru li ak xek'ul malaj jalan chik Chaab'il Esilal chiru li ak eek'ulum, teepaab' aj raj wi' chi junpaat!

Isaías 29:13

Li Qaawa' kixye we chi jo'ka'in: “Li tenamit a'in yal chi aatin neke'nach'ok wik'in ut nikine'roxloq'i yal rik'in xtz'uumal reheb'; a'ut li xch'ooleb' najt wank wik'in. Maak'a' aj e naq neke'xloq'oni wu, xb'aan naq li k'aru neke'xk'ut chiruheb' li tenamit a'an yal xtaqlahomeb' li winq.

Salmos 106:13

Ab'an sa' junpaat kisachk sa' xch'ooleb' li xb'aanuhom, ink'a' ke'xk'uula sa' xch'ooleb' li xnimal xk'a'uxl li Yos.

1 Timoteo 1:3

Naq kohin Macedonia, kintz'aama chawu naq tatkanaaq Éfeso re xq'usb'aleb' li wankeb' aran, naq ink'a' che'k'utuq jalanil na'leb',

1 Corintios 4:15

Xb'aan naq us ta wanq lajeeb'aq mil aj ch'ilom eere sa' xk'ab'a' li Kriist, ab'an moko naab'aleb' ta leeyuwa'. Sa' xk'ab'a' li Kristo Jesus laa'in xinsiyank eere xb'aan li Chaab'il Esilal.

Hechos 15:11

Laa'o naqapaab' naq rik'in li rusilal li Qaawa' Jesus wank qakolb'al, tz'aqal jo'eb' a'an.

Gálatas 5:4

Laa'ex li nekeroyb'eni xtiikob'resinkil eech'ool sa' xk'ab'a' li Chaq'rab', xerisi eerib' rik'in li Kriist ut xetz'eqtaana li rusilal li Yos.

Romanos 10:3

Ink'a' neke'xtaw ru naq ka'ajwi' li Yos natiikob'resink ch'oolej ut ke'xyal xq'e chi xxaqab'ankil xwankil li tiikil ch'oolej li yal x'alaak sa' xch'ooleb'. Jo'kan naq ink'a' ke'xq'axtesi rib' re li Yos li nakolok sa' xk'ab'a' li Kriist.

1 Timoteo 1:14

Ut li rusilal li Qaawa' q'axal xnumtaak wik'in xb'aan naq xk'e we li paab'ank ut li rahok li nachalk rik'in li Kristo Jesus.

Apocalipsis 22:21

Li rusilal li Qaawa' Jesus chiwanq taxaq rik'ineb' chixjunil. Jo'kan taxaq!

2 Timoteo 2:1

At walal, kawaq aach'ool sa' rusilal li Kristo Jesus,

2 Timoteo 1:9

li kooxkol ut kooxb'oq rik'in jun qasantil b'oqb'al, maawa' xb'aan qab'aanuhom, rik'in b'an naq kiraj xch'ool ut sa' xk'ab'a' li rusilal li kixsi qe sa' xk'ab'a' li Kristo Jesus junxilaj naq toj maji' kitiklaak li ruuchich'och'.

2 Ts 2:14

A'in aj e naq xexb'oq rik'in li Chaab'il Esilal xqapuktesi, re naq textz'aqonq sa' li xnimal xloq'al li Qaawa' Jesukriist.

Romanos 5:2

Xb'aan A'an, rik'in li paab'aal, xqataw qokik sa' li usilal a'in li wanko wi', ut naqanima qib' rik'in royb'eninkil li xnimal xloq'al li Yos.

San Juan 9:30

Kichaq'ok li winq ut kixye reheb': —Sachb'ach'oolej tz'aqal a'in, naq laa'ex ink'a' nekenaw b'ar chalenaq, ut a'an xte xsa' li wu.

2 Pedro 1:3

Li xnimal xwankil li Kriist kixsi qe chixjunil li nak'anjelak sa' li qayu'am ut sa' li qapaab'aal, sa' xk'ab'a' xnawb'al ru li Yos li kib'oqok chaq qe rik'in li xloq'al ut li rusilal.

1 Pedro 1:15

Ink'a' b'i'an. Santaqex b'an rik'in chixjunil leeyehom leeb'aanuhom, jo' naq sant Li kib'oqok chaq eere;

San Marcos 6:6

Ut kisachk xch'ool xb'aan naq maak'a' xpaab'aaleb'. Li Jesus kixb'eeniheb' li k'aleb'aal wankeb' chi xsutam, yo chi xtzolb'aleb'.

Romanos 8:28

Naqanaw ajwi' naq li Yos na'okenk re naq chixjunil taakanaaq cho'q usilal cho'q reheb' li neke'rahok re, a' li b'oqb'ileb' jo' chanru rajom li xch'ool.

Romanos 8:30

Ut eb' li kixxaqab'eb' chaq, eb' a'an kixtiikob'resiheb' chaq xch'ool; ut eb' li kixtiikob'resiheb' xch'ool, kixk'eheb' ajwi' xloq'al.

2 Corintios 2:17

Relik chi yaal naq laa'o ink'a' nokooyakok rik'in Raatin li Yos kama' neke'xb'aanu naab'aleb'; nokoo'aatinak b'an sa' yaal, chiru li Yos, sa' xk'ab'a' li Kriist, jo' chanru musiq'anb'ilo xb'aan li Yos.

Gálatas 1:7

Ab'an moko wank ta jalan chik evangelio, yal wankeb' b'an li neke'luktesink eech'ool ut neke'raj xpo'b'al ru li x'Evangelio li Kriist.

Gálatas 1:11

Ex was wiitz'in, chenawaq xyaalal: li Chaab'il Esilal xinpuktesi, a'an maawa' yal xk'a'uxl junaq winq,

Gálatas 1:15

A'ut li Yos li kisik'ok wu chalen chaq sa' linsiyajik rik'in linna' ut kinxb'oq xb'aan xnimal rusilal, kixk'ul xch'ool xk'utb'al chiwu li Ralal, re naq tinpuktesi resil sa' xyanqeb' li maawa'eb' aj Judiiy. Toja' naq ink'a' koxinpatz' inna'leb' re junaq winq

Gálatas 2:2

Kohin aran xb'aan naq li Qaawa' kixk'ut rib' chiwu. Ut kinseeraq'i re li komonil li Chaab'il Esilal li ninpuktesi reheb' li maawa'eb' aj Judiiy. Kinch'olob' xyaalal reheb' laj jolominel ch'utch'uukeb' xjuneseb', re xnawb'al ma xin'aanilak malaj ut yookin chi aanilak chi maak'a' rajb'al.

Gálatas 2:5

A'ut laa'o ink'a' xqaq'axtesi qib' chi xb'aanunkil li neke'xye, yal ta jun ch'ina k'amok, re naq junelik xaqxooq sa' eeyanq li xyaalalil li Chaab'il Esilal.

Gálatas 2:7

Maak'a' ke'xye eb' laj jolominel. Ke'xk'e b'an reetal naq q'axtesinb'il we li k'anjel chirix li Chaab'il Esilal sa' xyanqeb' li ink'a' xk'ulumeb' li sirkunsisyon, jo' naq q'axtesinb'il re laj Pedro sa' xyanqeb' li ak xk'ulumeb'.

Gálatas 2:14

Naq kink'e reetal naq ink'a' tiik yookeb' chi k'anjelak jo' chanru naraj xyaalal li Evangelio, kinye re laj Sefas chiruheb' chixjunil: “Wi laa'at aj Judiiy nakataaqe xna'leb'eb' li junch'ol chik ut ink'a' li xna'leb'eb' laj Judiiy, k'a'ut naq nakamineb' ru li maawa'eb' aj Judiiy chi xtaaqenkil xna'leb'eb' laj Judiiy?”.

Gálatas 5:14

Xb'aan naq chixjunil li Chaq'rab' natz'aqlok ru rik'in jun chi aatin: “Chara laawas aawiitz'in jo' naq nakara aawib' laa'at”.