Gálatas 1:12 - Q'eqchi Bible

¹² xb'aan naq moko xwab'i ta chi moko xintzol rik'in junaq winq, a' b'an li Jesukriist kik'utuk re chiwu.

Li Santil hu

¹² Ma̱cuaꞌ yal riqꞌuin junak cui̱nk quicuabi, chi moco riqꞌuin ta junak cui̱nk quintzol cuib. Aꞌ ban li Ka̱cuaꞌ Jesucristo, aꞌan li quicꞌutbesin re chicuu.

Gálatas 1:12 ပူးပေါင်းရင်းမြစ်များ

Gálatas 1:1

Laa'in laj Pablo, apóstol moko xb'aan ta naq b'oqb'ilin malaj taqlanb'ilin xb'aan winq, sa' xk'ab'a' b'an li Jesukriist ut sa' xk'ab'a' li Yos Yuwa'b'ej li kiwaklesink re chi yo'yo sa' xyanqeb' li kamenaq.

2 Corintios 12:1

Maak'a' tinra chirix naq tinnima wib'; ab'an wi tento tinb'aanu, tinseeraq'i eere li wilom ut li k'utb'esinb'il chiwu xb'aan li Qaawa'.

1 Corintios 2:10

Chixjunil a'an kik'utb'esiik chiqu xb'aan li Yos sa' xk'ab'a' li Musiq'ej, ut li Musiq'ej chixjunil nalajxtz'ili rix, a' ajwi' li xchamal xk'a'uxl li Yos.

1 Corintios 11:23

Xb'aan naq li xink'ul laa'in rik'in li Qaawa', a'an ajwi' li xink'ut cheru: naq li Qaawa' Jesus, chiru li q'oqyink yo wi' chi q'axtesiik, kixchap li wa,

2 Corintios 10:7

K'ehomaq reetal chi us! Wi ani wank sa' xch'ool naq a'an re li Kriist, chireek'ahaq a'in sa' xch'ool: wi a'an re li Kriist naq naxk'oxla, laa'o ajwi' reho li Kriist.

Gálatas 2:2

Kohin aran xb'aan naq li Qaawa' kixk'ut rib' chiwu. Ut kinseeraq'i re li komonil li Chaab'il Esilal li ninpuktesi reheb' li maawa'eb' aj Judiiy. Kinch'olob' xyaalal reheb' laj jolominel ch'utch'uukeb' xjuneseb', re xnawb'al ma xin'aanilak malaj ut yookin chi aanilak chi maak'a' rajb'al.

Efesios 3:3

Nekenaw naq kik'utb'esiik chiwu li muqmuukil na'leb', jo' chanru li toja' xintz'iib'a b'ayaq eerik'in.

1 Ts 4:15

A'in naqaye eere jo' raatin li Qaawa': laa'o li yo'yooqo, li wanqo toj reetal sa' xk'ulunik li Qaawa', moko laa'o ta xb'enwa li tooxoke'q chiruheb' li ak xe'kamk.