Filemón 1:9 - Q'eqchi Bible

⁹ ab'an nawaj relajinkil aawu sa' xk'ab'a' li rahok, laa'in laj Pablo, ak xikenaq linchihab' ut anaqwan wankin sa' tz'alam sa' xk'ab'a' li Kristo Jesus.

Li Santil hu

⁹ Abanan incꞌaꞌ tinmin a̱cuu chixba̱nunquil. Tintzꞌa̱ma ban li usilal cha̱cuu xban nak nakara kib. La̱in ac xinti̱x ut cuanquin chi pre̱xil saꞌ xcꞌabaꞌ li Cristo.

Filemón 1:9 ပူးပေါင်းရင်းမြစ်များ

Efesios 4:1

Jo'kan utan, laa'in li wankin sa' tz'alam sa' xk'ab'a' li Qaawa', nintz'aama cheru naq chexwanq jo' chanru leeb'oqb'al k'eeb'il eere,

2 Corintios 5:20

Laa'o b'i' li xtaql li Kriist, chanchan naq li Yos yo chi aatinak qab'aan. Sa' xk'ab'a' li Kriist naqatz'aama naqelaji cheru: chek'e wi' chik eerib' chi k'ame'k sa' usilal rik'in li Yos!

Romanos 12:1

Nintz'aama b'i' cheru, ex was wiitz'in, sa' xk'ab'a' li xnimal ruxtaan li Yos, naq cheq'axtesi leeyu'am jo' yo'yookil mayej, sant, jo' nawulak chiru li Yos. A'an a'in li tz'aqal mayejak q'axal xk'ulub'.

Efesios 3:1

Jo'kan naq laa'in laj Pablo wankin chi preexil sa' xk'ab'a' li Kriist xb'aan eeraab'al laa'ex li maawa'ex aj Judiiy.

1 Pedro 2:11

Ex inrahom, laa'ex maawa'ex aj arin, yal b'an aj numelex. Nintz'aama cheru naq mex'okenk chi xb'aanunkil li naxrahi li tz'ejwalej, li xik' naril li aanmej.

Hebreos 13:19

Q'axal nintz'aama naq cheb'aanuhaq a'in re naq tinruuq chi sutq'iik chi junpaat eerik'in.

2 Corintios 6:1

Jo'kan utan, laa'o aj k'anjel qochb'een li Yos, naqatz'aama naqelaji naq ink'a' taxaq chek'ul li rusilal li Yos chi maak'a' rajb'al,

Isaías 46:4

Toj sa' leetiixilal laa'inaq ajwi' leeYos; naq ak saqaq aj chik leejolom, texinch'oolani ajwi'. Laa'in kinyoob'tesink eere, ut toj texwil; texinb'eresi laa'in ut texinkol.

Proverbios 16:31

Wi saq rismal laajolom, a'an reetalil laaloq'al li xamaatani sa' xk'ab'a' li xtiikilal laach'ool.

Salmos 71:18

Ut anaqwan naq xin'ok chi tixk ut saqeb' chik li wismal, minaakanab' injunes, at inNa' at inYuwa', re naq toj tinpuktesi resil li xnimal aawankil reheb' li tenamit toj chaalel.

Salmos 71:9

Minaatz'eqtaana taxaq sa' lintiixilal, minaakanab' injunes naq yooq chi lajk linmetz'ew.

Gálatas 3:26

Xb'aan naq chejunilex ralal xk'ajolex li Yos sa' xk'ab'a' xpaab'ankil li Kristo Jesus.

Efesios 6:20

Taqlanb'ilin xb'aan li Yos chi xyeeb'al li Chaab'il Esilal, us ta b'ak'b'ookin chi kareen. Chextijoq re naq tinpuktesi chi maak'a' inxiw, jo' teneb'anb'il sa' inb'een.

1 Timoteo 1:12

Ninb'anyoxi re li xk'ehok xkawub' inch'ool, a' li Kristo Jesus li Qaawa', naq xk'ul xch'ool inxaqab'ankil chi k'anjelak.

Tito 2:2

Chaye reheb' li cheekel winq naq che'xnawaq wank sa' xyaalal, wanqeb' xna'leb', yaalaq ru li raatineb', chaab'ilaqeb' xch'ool sa' li paab'aal ut sa' li rahok, kawaqeb' sa' li kuyuk.

Jueces 21:22

Wi eb' li xna' xyuwa'eb' malaj li ras riitz'ineb' te'chalq chi jitok qik'in, tqaye reheb': «B'aanuhomaq usilal, kuyumaqeb' xmaak, xb'aan naq ink'a' xoruuk xtawb'al rixaqileb' chixjunil naq xooyalok, chi moko laa'ex xexk'ehok reheb'. Wi ta jo'kan, laa'ex raj wank eemaak»”.