Filemón 1:22 - Q'eqchi Bible

²² Jo'kan ajwi' chakawresi wochochnaal, xb'aan naq yookin chi xyo'oninkil naq sa' xk'ab'a' leetij chi'usilaaq taxaq eeru re tinwulaq eerik'in.

Li Santil hu

²² Ut nintzꞌa̱ma ajcuiꞌ cha̱cuu nak ta̱cauresi li cuochochnal. Yo̱quin chixyoꞌoninquil nak tinxic cuiꞌchic e̱riqꞌuin joꞌ yo̱quex chixtzꞌa̱manquil chiru li Dios.

Filemón 1:22 ပူးပေါင်းရင်းမြစ်များ

Filipenses 2:24

Ut toj kaw inch'ool rik'in li Qaawa' naq laa'in ajwi' tinxik chi seeb' eerik'in.

2 Corintios 1:11

wi laa'ex tex'okenq chi tijok chiqix laa'o. Wi naab'aleb' neke'tijok chiqix, naab'aleb' ajwi' te'yoxinq sa' qak'ab'a' chirix li usilal xqamaatani.

2 Juan 1:12

Wank raj naab'al tintz'iib'a eerik'in, ab'an ink'a' nawaj xtz'iib'ankil chiru hu ut rik'in b'on, nawoyb'eni b'an xik cherilb'al ut chi aatinak tz'aqal chiqib'il qib' re naq tz'aqalaq re ru li xsahil qach'ool.

Santiago 5:16

Chech'olob'aq b'i' leemaak cherib'il eerib' ut chextijoq cherix cherib'il eerib' re naq texk'iraaq. Li xtij li tiik xch'ool q'axal na'ab'iik, wi na'uxmank chi anchalil ch'oolej.

Filipenses 1:19

Xb'aan naq ninnaw chi us naq a'in taasutq'iiq cho'q usilal cho'q we sa' xk'ab'a' leetij jo'wi' sa' xk'ab'a' xMusiq' li Jesukriist li natenq'ank we.

Hechos 28:23

Ke'xxaqab' xkutankil rilb'al wi' chik laj Pablo ut, naq kiwulak xkutankil, q'axal naab'aleb' chik ke'chalk b'arwi' nahilank. Toja' naq laj Pablo kixtikib' xyeeb'al resil li xnimajwal awab'ejihom li Yos, yo chi xch'olob'ankil li yaal chiruheb' ut yalyo xq'e chi xq'unb'esinkil xch'ooleb' chirix li Jesus rik'in li naxye li xChaq'rab' laj Moisés ut eb' li Propeet: kixtikib' eq'la ut kiraqe'k ewu.

3 Juan 1:14

Nawoyb'eni rilb'al aawu chi seeb', ut aran tqaatina qib' chiqib'il qib'.

Hebreos 13:23

Chenawaq naq laj Timoteo, li qakomon, ak x'ach'ab'aak. Wi taak'ulunq chi junpaat, wochb'eenaq naq tooxik cherilb'al.

Hebreos 13:19

Q'axal nintz'aama naq cheb'aanuhaq a'in re naq tinruuq chi sutq'iik chi junpaat eerik'in.

Romanos 15:24

Jo'kan naq, nim li Qaawa' sa' inb'een, toxinnume'q eerik'in naq tinxik España. Nink'oxla rilb'al xsahil eeru sa' linnumik; ut nawoyb'eni naq toxineeberes kach'inaq chi xik aran, chirix naq akaq xsaho'k li waanm chi wank jun k'amokaq sa' eeyanq.

Hechos 27:24

ut xye we: «Matxiwak, Pablo! Tento tatwulaq chiru li awab'ej. K'e reetal, li Yos xk'eheb' sa' laawuq' li xyu'am chixjunileb' laawochb'een sa' laab'eenik», chan.