Filemón 1:17 - Q'eqchi Bible

¹⁷ Jo'kan utan, wi nakaweek'a naq wankin sa' komonil aawik'in, chak'ulaq a'an kama' tz'aqal laa'in.

Li Santil hu

¹⁷ La̱at nacanau nak la̱in a̱cuech aj cꞌanjelil. Joꞌcan nak chacꞌulak laj Onésimo joꞌ nak niquina̱cꞌul la̱in.

Filemón 1:17 ပူးပေါင်းရင်းမြစ်များ

2 Corintios 8:23

Laj Tito a'an wochb'een ut aj tenq' we sa' eeyanq laa'ex; ut eb' li wiib' chik aj paab'anel a'aneb' xtaql eb' li Iklees ut xloq'al li Kriist.

San Mateo 10:40

“Ani nak'uluk eere, laa'in nikinxk'ul; ut li nak'uluk we, naxk'ul li kitaqlank chaq we.

Filemón 1:12

A'in tz'aqal ralal xk'ajol linch'ool, ut anaqwan nintaqla wi' chik aawik'in.

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

Hebreos 3:1

Jo'kan utan, ex was wiitz'in, laa'ex li santex ut nekextz'aqonk rik'in li xchoxahil b'oqom li Qaawa', chek'e eech'ool chi xk'oxlankil li Jesus, a'an li apóstol ut xyuwa'il aj tij sa' li qapaab'aal.

Efesios 3:6

A'an a'in li muqmuukil na'leb': naq chixjunileb' li tenamit te'reechani li rosob'tesihom li Yos, junajeb' aj chik chi tz'ejwalej rik'ineb' laj Israel, wotz te'tz'aqonq sa' li xyeechi'om li Yos, sa' xk'ab'a' li Kristo Jesus.

Hechos 16:15

Toja' naq a'an kixk'ul li kub'iha' rochb'een chixjunil li xjunkab'al. Chirix chik a'an kixtz'aama chiqu: —Wi nekek'oxla naq tiik inch'ool chirix li Qaawa', kimqex ut hilanqex sa' li wochoch, chan. Toj reetal kirelaji qu chi xik.

San Mateo 25:40

Ut li Rey tixye reheb': «Relik chi yaal ninye eere: jo'ch'inal jo'nimal xeb'aanu chaq reheb' linkok' iitz'in a'in q'axal kok'eb', we laa'in xeb'aanu chaq».

San Mateo 18:5

“Ani taak'uluq re junaq ch'ina'al jo' a'in sa' ink'ab'a', laa'in tinxk'ul.

1 Juan 1:3

a' li qilom ut qab'ihom, a'an naqaye resil eere, re naq laa'ex ajwi' wanqex sa' komonil qik'in. Ut laa'o wanko sa' komonil rik'in li Yuwa'b'ej ut li Ralal, a' li Jesukriist.

1 Pedro 5:1

Nintz'aama chiruheb' laj k'amol b'e li wankeb' sa' eeyanq, laa'in aj k'amol b'ehin ajwi' jo'eb' a'an ut tz'aqal wilom li rahilal kixk'ul li Kriist, laa'in li xintz'aqonk sa' li nimla loq'al taak'utb'esimanq chi seeb':

Hebreos 3:14

Xb'aan naq laa'o nokootz'aqonk rik'in li Kriist wi kaw qach'ool sa' li qapaab'aal, jo' chaq sa' xtiklajik jo'kanaq ajwi' chalen sa' roso'jik.

Filemón 1:10

Nintz'aama usilal chawu chirix laj Onésimo li walal li xinsiya sa' tz'alam.

1 Timoteo 6:2

Li wankeb' aj eechal re aj paab'aneleb' me'xtz'eqtaanaheb', sa' xk'ab'a' naq ras riitz'ineb' rib', che'k'anjelaq b'an chi numtajenaq chik chiruheb', xb'aan naq eb' li neke'k'uluk rusil li xk'anjeleleb' a'aneb' aj paab'anel ut ramiiweb' li Yos. A'in tento taatzoleb' ut taachaq'rab'iheb' wi':

Filipenses 1:7

Xk'ulub' naq laa'in tweek'a chi jo'ka'in cherix chejunilex, xb'aan naq wankex sa' linch'ool, rik'in naq laa'ex jun chi tz'aqonk rik'in li rusilal li Yos k'eeb'il we, naq wankin sa' tz'alam jo' ajwi' naq ninkol rix li Chaab'il Esilal ut ninxaqab' xwankil.

Filemón 1:18

Ut wi xmaakob'k chawu malaj wank xk'as aawik'in, k'e cho'q ink'as laa'in.