Ezequiel 7:3 - Q'eqchi Bible

³ Xwulak xhonalil laasachik, a Israel. Ok we chi risinkil linjosq'il sa' aab'een; tinraqoq aatin chirix laayehom laab'aanuhom ut taatoj rix laatz'i'b'eetalil na'leb'.

Li Santil hu

³ Anakcuan la̱ex tex-osokꞌ xban nak la̱in yo̱ injoskꞌil saꞌ e̱be̱n. Tinrakok a̱tin saꞌ e̱be̱n aꞌ yal chanru le̱ yehom e̱ba̱nuhom. Texinqꞌue chixtojbal rix le̱ ma̱usilal.

Ezequiel 7:3 ပူးပေါင်းရင်းမြစ်များ

Ezequiel 18:30

Ex aj Israel, laa'in tinraqoq aatin sa' eeb'een chejunjunqal jo' chanru leeyehom eeb'aanuhom. Jalomaq leek'a'uxl ut tz'eqtaanahomaq chixjunil leemaa'usilal re naq ink'a' teetoj rix leemaak -chan li Qaawa'-.

Ezequiel 5:13

“Toja' naq twisi linjosq'il sa' xb'eeneb' ut tin'eeqajunq toj reetal taak'ojlaaq linch'ool. Ut naq akaq xwisi linjosq'il sa' xb'eeneb', te'xnaw naq laa'in, li Qaawa', xinb'aanu chi jo'kan xb'aan naq namayok li waanm.

Ezequiel 33:20

Us ta laa'ex nekeye naq moko tiik ta li k'aru ninb'aanu, ab'an laa'in tinraqoq aatin sa' eeb'een, ex aj Israel, jo' chanru leeyehom leeb'aanuhom”.

Ezequiel 16:38

Tinraqoq aatin sa' aab'een jo' na'uxk re li ixq naxmux li xsumlajik ut li nakamsink, ut tatink'e chi kamk xb'aan linjosq'il ut li xmay inch'ool.

Ezequiel 36:19

Kinwaanilasiheb' ut kincha'cha'iheb' sa' xyanqeb' li tenamit sa' ruuchich'och'; ut kinraqok aatin sa' xb'eeneb' jo' chanru li xyehom ut xb'aanuhomeb'.

Ezequiel 7:27

Li awab'ej wanq sa' rahil ch'oolej, li xnimal ru winq sachsooq xna'leb', ut taach'inanq xch'ooleb' li tenamit. Tinraqoq aatin sa' xb'eeneb' jo' chanru li xyehom xb'aanuhomeb', ut te'xk'ul li k'aru xk'ulub'eb' wi'. Chi jo'kan te'xnaw naq laa'in li Qaawa'”.

Génesis 6:13

Jo'kan naq kixye re laj Noé: “Twaj tinsach ruheb' chixjunileb': xmaakeb' a'an naq li ruuchich'och' xnujak chi raaxiik'. Jo'kan naq teb'insach ru; tinsach ajwi' chixjunil li ruuchich'och'.

Isaías 47:7

Xaye ajwi' sa' laach'ool: «Taawanq inwankil chi junwaakaj». Ab'anan ink'a' xak'oxla rix a'an chi moko xnume'k sa' laawaanm k'aru toxraqe'q wi'.

Ezequiel 7:2

“At kaamel winq, jo'ka'in xye li Qaawa' reheb' li ralal xk'ajol laj Israel: Xwulak xkutankil li oso'k, ak xwulak xhonalil li roso'jik chixjunil li na'ajej a'in.

Ezequiel 7:4

Ink'a' twil xtoq'ob'aal aawu chi moko tinkuy laamaak, tatink'e b'an chi xtojb'al rix laamaa'usilal; tinjultika chawu laajo'maajo'il b'aanuhom, ut aran teenaw naq laa'in li Qaawa'.

Ezequiel 21:25

Ut laa'at, at reemaaru aj awab'ej re Israel, xwulak xkutankil li tojb'amaak; ak xraqe'k chixjunil.

Ezequiel 22:31

Toja' naq xwisi linjosq'il sa' xb'eeneb' ut xeb'insach ru xb'aan xpo'ik linch'ool, re xteneb'ankil li tojb'amaak sa' xb'eeneb'»”, chan li Qaawa'.

Amós 8:2

“K'aru nakawil, a Amós?”, chan we li Qaawa'. “Jun chakach li chaq'al ki'q'een”, chankin re. Ut li Qaawa' kixye we: “Ak xwulak xkutankil li raqok aatin sa' xb'een lintenamit Israel ut ink'a' chik tinkuy li xmaakeb'.

Jeremías 13:14

Chirix chik a'an tink'eheb' chi xteninkileb' rib' chirib'ileb' rib': li na'b'ej yuwa'b'ej rik'in li alal k'ajolb'ej, jo' naq najore'k junaq kuk. Ink'a' tintoq'ob'a ruheb', chi moko tinkuy xmaakeb' malaj twil xtoq'ob'aal ruheb' naq teb'insach»”, chan li Qaawa'.

Ezequiel 5:12

Jun rox jachaleb' laapoyanam, a Jerusalén, te'kamq xb'aan li raxkamk ut li we'ej; li jun rox jachal chik te'kamsiiq chi ch'iich' chasutam xb'aaneb' li xik' neke'ilok aawe, ut li rox jachal chik tincha'cha'iheb' junsut junrub'el choxa. Ut laa'in twaanilasiheb' chi ch'iich'.

Ezequiel 9:10

Jo'kan naq laa'in ink'a' twil xtoq'ob'aal ruheb' chi moko tinkuy li xmaakeb'; anaqwan tinraq aatin sa' xb'eeneb' jo' chanru li xyehom ut xb'aanuhomeb'”, chan li Qaawa'.

Ezequiel 11:21

Ab'anan eb' li toj yookeb' chi xik xch'ooleb' chi xb'aanunkil li tz'i'b'eetalil b'aanuhom chirixeb' li jalanil yos, laa'in teb'ink'e chi kamk sa' li xmaa'usilaleb'. Laa'in li Qaawa', ut ninb'aanu li ninye»”.

Ezequiel 16:43

Laa'at ink'a' kijultiko'k aawe laasaajilal, kayoob' b'an injosq'il rik'in chixjunil laamaa'usilal; jo'kan naq laa'in tinteneb' li rahilal sa' aab'een xb'aan laayehom laab'aanuhom -chan li Qaawa'-.

Ezequiel 16:59

«Laa'in, li Qaawa', ninye chi jo'ka'in: Tinb'aanu aawe li xab'aanu laa'at: kaq'et linsumwank ut katz'eqtaana li jurament.

Ezequiel 24:14

Laa'in, li Qaawa', xinye li waatin ut jo'kan taa'uxmanq. Ink'a' tinjal ru li waatin; ink'a' twil xtoq'ob'aal aawu chi moko taaraho'q linch'ool chawix. Jo' chanru laayehom ut laab'aanuhom, jo'kan ajwi' tinraqoq aatin sa' aab'een»”, chan li Qaawa'.

Oseas 12:3

Naq toj maji' nayo'laak, laj Jakob kixmaq' li xb'een alalb'ejil chiru li ras; ut naq winq chik, kiyalok rik'in li Qaawa' Yos.