Ezequiel 2:3 - Q'eqchi Bible

³ naq kixye we: “At kaamel winq, laa'in tatintaqla rik'ineb' li ralal xk'ajol laj Israel, a'aneb' jun tenamit ink'a' neke'ab'ink ut xe'xq'etq'eti rib' chiwu. Eb' a'an ut eb' li xxe'toonil yuwa'eb' xe'jipo'k chiwu chalen toj anaqwan.

Li Santil hu

³ Ut li Ka̱cuaꞌ quixye cue: —At ralal cui̱nk, yo̱quin cha̱taklanquil riqꞌuineb li ralal xcꞌajol laj Israel. Eb li tenamit aꞌan kꞌaxal kꞌetkꞌeteb ut queꞌxkꞌet li cua̱tin. Eb aꞌan joꞌ eb ajcuiꞌ lix xeꞌto̱nil yucuaꞌeb yo̱queb chi ma̱cobc chicuu toj chalen anakcuan.

Ezequiel 2:3 ပူးပေါင်းရင်းမြစ်များ

Jeremías 3:25

Qakub'siiq b'i' li qawankil xb'aan qaxutaan, ut chookanaaq chi maak'a' chik qaloq'al, xb'aan naq xoomaakob'k chiru li Qaawa' li qaYos, chalen chaq sa' li qasaajilal, laa'o ut eb' li qana' qayuwa'. Ink'a' xoo'ab'ink chiru li Qaawa' li qaYos”.

Deuteronomio 9:24

Chalen naq kinnaw eeru, laa'ex q'etq'etex chiru li Qaawa' leeYos!

Romanos 10:15

Ut chanru te'puktesinq wi ink'a' taqlanb'ileb'? Jo' tz'iib'anb'il sa' li Santil Hu: “K'ajo' xchaq'alil ru li roqeb' li neke'yehok li chaab'il esilal!”.

Hechos 7:51

“Q'axal kaw leejolom, xjipo'k leech'ool jo'wi' leexik -chan laj Esteban-. Laa'ex junelik nekeq'etq'eti eerib' chiru li Santil Musiq'ej! Jo'eb' leena' leeyuwa', jo'kanex ajwi' laa'ex!

Jeremías 44:21

“Ma ink'a' tab'i' naxnaw li Qaawa' malaj naxk'e reetal naq laa'ex jo'wi' eb' leena' leeyuwa', eb' li awab'ej, eb' li xjolomileb' li tenamit ut chixjunileb' li wankeb' sa' li ruuchich'och', xexyeechi'ink k'ajpom chiruheb' li jalanil yos sa'eb' li tenamit re Judá ut sa'atqeb' li b'e re Jerusalén?

Jeremías 36:2

“Sik' junaq b'otb'ookil hu ut tz'iib'a chisa' chixjunileb' li aatin inyehom aawe chirix li tixk'ul laj Israel, laj Judá ut chirix chixjunileb' li tenamit chalen chaq xb'enwa toj anaqwan.

Jeremías 7:2

“Xaqab' aawib' chire li rochoch li Yos ut k'e chi nawe'k li esil a'in: Chejunilex laa'ex aj Judá, li nekexnume'k sa' li okeb'aal a'in re xloq'oninkil ru li Qaawa', ab'ihomaq li aatin a'in.

Jeremías 1:7

Ab'an li Qaawa' kixye we: “Maaye naq toj saajat. A' yaal b'ar tatintaqla, laa'at tatxik ut taaye chixjunil li k'aru tatintaqla wi'.

Salmos 106:28

Chi junpaat ke'xk'e rib' rub'el xwankil laj Bahal-Pehor ut ke'xtzeka li k'aru mayejanb'il chiruheb' li kamenaqil yos.

Nehemías 9:26

“Ab'anan chirix a'an ke'xq'et laawaatin, ke'xq'etq'eti rib' chawu ut ke'xtz'eqtaana laachaq'rab'. Ke'xkamsiheb' li propeet li ke'xch'olob' chiruheb' naq te'sutq'iiq wi' chik aawik'in, ut k'ajo' naq kate'xmajewa.

Esdras 9:7

Chalen chaq sa' xkutankileb' li qana' qayuwa' toj anaqwan wanko sa' maak. Xb'aan li qamaa'usilal laa'o ut xmaakeb' li awab'ej ut eb' laj tij xooq'axtesiik sa' ruq'eb' li awab'ej li jalanq xtenamiteb'. Xootiq'e'k, xook'ehe'k sa' tz'alam, xoohob'e'k ut xe'relq'a li k'aru wank qe, ut toj yo a'in anaqwan.

Deuteronomio 9:27

Jultikaqeb' aawe eb' laj k'anjel chawu: laj Abrahán, laj Isahak ut laj Jakob, ut maak'e sa' aach'ool li xkawilal xjolomeb' li tenamit a'in, chi moko li xmaa'usilaleb' ut li xmaakeb'.

Números 20:10

Chirix chik a'an laj Moisés ut laj Aharón ke'xch'utub'eb' li komonil chiru li saqoonak ut laj Moisés kixye reheb': “Ab'ihomaq, ex q'etq'et aj tenamit. Ma nekek'oxla naq truuq taaqisi ha' sa' li saqoonak a'in re tex'uk'aq?”, chan.

Ezequiel 17:12

“Anaqwan patz' reheb' li q'etq'et aj tenamit a'in ma xetaw ru li jaljookil ru aatin a'in. Ye reheb': «Li awab'ej re Babilonia kik'ulunk Jerusalén ut kolxchap li awab'ej re Judá rochb'een li xninqaleb' ru winq, ut kixk'ameb' chirix aran Babilonia.

Ezequiel 24:3

Ut ye junaq jaljookil ru aatin chirix a q'etq'et aj tenamit a'in; ye reheb' sa' ink'ab'a': «K'e jun uk'alaq chi ha' sa' xam.

Ezequiel 40:4

Li winq a'an kixye we: “At kaamel winq, ilon chi us ut ab'i chi chaab'il. K'e reetal chixjunil li ok we chi xb'aanunkil, xb'aan naq a'an aj e naq xatxk'am chaq li Qaawa' toj arin, re rilb'al li k'aru tink'ut chawu. Chirix chik a'an toxaaye resil reheb' laj Israel chixjunil li xawil”.

Amós 7:15

A' li Qaawa' x'isink chaq we chi xk'aak'alenkileb' li ketomq ut xye we: «Ayu ut aatinan sa' ink'ab'a' rik'ineb' laj Israel, lintenamit».

2 Reyes 17:14

Ab'anan ink'a' ke'xpaab' ut ke'xjipi xch'ool, jo' ke'xb'aanu li xna' xyuwa'eb' naq ink'a' ke'xk'ojob' xch'ooleb' rik'in li Qaawa' li xYoseb'.

2 Reyes 17:15

Ke'xtz'eqtaana li xchaq'rab' ut li xsumwank li Qaawa' li kixk'ojob' rik'ineb' li xxe'toonil yuwa'eb'. Ke'xq'et li teneb'anb'il sa' xb'eeneb' ut koheb' chirixeb' li yos li maak'a' neke'ok wi'. Jo'kan naq ke'kanaak chi maak'a' neke'ok wi' ut ke'xk'anasi eb' li tenamit wankeb' chi xsutameb', us ta yeeb'il reheb' xb'aan li Qaawa' naq ink'a' te'xb'aanu jo' eb' a'an.

Isaías 30:1

Ra chaalel sa' xb'eeneb' li q'etq'et aj aleb', chan li Qaawa', li neke'xk'uub' li k'aru neke'raj, chi ink'a' neke'xpatz' we, ut neke'xk'ojob' sumwank li ink'a' inyehom reheb'. Jo'kan naq yo chi tamk li xmaakeb'.

Jeremías 44:20

Toja' naq laj Jeremías kixye reheb' chixjunileb' li winq ut ixq li ke'aatinak chi jo'kan:

Malaquías 3:7

Chalen chaq chiru li xyu'amileb' leexe'toonil yuwa' nekeq'et chaq linchaq'rab' ut ink'a' nekepaab' li waatin. Sutq'inqex chaq wik'in ut laa'in tinsutq'iiq eerik'in, chan li Nimajwal Yos. A'ut laa'ex nekeye: «K'a'ut naq tooxik wi' chik aawik'in?», chankex.