Éxodo 9:7 - Q'eqchi Bible

⁷ Laj Parahón kixtaqla rilb'al k'aru xk'ulmank, ut kik'utunk naq maajun li xul reheb' laj Israel kikamk. Ab'anan kikawuuk xch'ool laj Parahón ut ink'a' kixkanab'eb' chi elk li tenamit.

Li Santil hu

⁷ Laj faraón quixtakla rilbal lix queto̱mkeb laj Israel ma xeꞌcam na. Ut quirabi resil nak ma̱ jun queꞌcam. Ut toj cau ajcuiꞌ xchꞌo̱l laj faraón ut incꞌaꞌ quixcanabeb chi xic li tenamit.

Éxodo 9:7 ပူးပေါင်းရင်းမြစ်များ

Éxodo 7:14

Toja' naq li Qaawa' kixye re laj Moisés: “Q'axal kaw xch'ool laj Parahón; ink'a' naxkanab'eb' chi elk lintenamit.

Éxodo 8:32

Ab'anan jun sut chik laj Parahón kixkawub'resi xch'ool ut ink'a' kixkanab'eb' chi elk laj Israel.

Romanos 9:18

Jo'kan utan, li Yos naruxtaana ru li ani naraj ruxtaanankil ru, ut naxjipob'resi xch'ool li ani naraj xjipob'resinkil.

Daniel 5:20

Ab'anan kixnimob'resi rib' ut q'axal kiq'etq'eto'k; jo'kan naq ki'isiik sa' xwankil ut kimaq'e'k chiru li xloq'al.

Isaías 48:4

Laa'in ninnaw naq kaw laajolom, kama'at li ch'iich', ut ink'a' naq'unaak laach'ool jo' li pek.

Proverbios 29:1

Li winq li ink'a' nawulak chiru li q'use'k taasache'q ru chi junpaat ut chi junwaakaj.

Li xHu LAJ JOB 9:4

Ani truuq tixkawu rib' chiru li Yos, ut us taa'elq chiru li xchoxahil na'leb' li Qaawa' jo'wi' chiru li xnimal xwankil?

Éxodo 9:12

Ab'anan li Qaawa' kixkawub'resi xch'ool laj Parahón, ut a'in ink'a' kirab'iheb', kama' yeeb'il chaq re laj Moisés xb'aan li Qaawa'.

Éxodo 7:13

Ab'an kikawuuk xch'ool laj Parahón ut ink'a' kirab'iheb', jo' tz'aqal yeeb'il chaq chi junxilaj xb'aan li Qaawa'.

Éxodo 9:8

Kixye li Qaawa' reheb' laj Moisés ut laj Aharón: “Chapomaq wiib'aq mooch' x'ab'aqil li oorn, ut laj Moisés chixkutaaq a'an sa' choxa, chiru laj Parahón:

Éxodo 3:19

Ak ninnaw naq li awab'ej re Ejiipt ink'a' texxkanab' chi xik wi ink'a' ta minb'ilaq ru chi kaw.