Éxodo 9:26 - Q'eqchi Bible

²⁶ Ka'ajwi' sa' xsutam Gosen, b'arwi' wankeb' laj Israel, ink'a' kiwank saqb'ach.

Li Santil hu

²⁶ Caꞌaj chic saꞌ li tenamit Gosén incꞌaꞌ quicuan li sakbach xban nak aran cuanqueb laj Israel.

Éxodo 9:26 ပူးပေါင်းရင်းမြစ်များ

Éxodo 11:7

Ab'an sa' xyanqeb' laj Israel chi moko junaq tz'i' taawoob'anq re junaq poyanam malaj ut xul, re teenaw naq tiitookeb' ru eb' laj Israel chiruheb' laj Ejiipt.

Éxodo 10:23

Eb' li poyanam ink'a' chik neke'ril rib' ut maajun ki'elk sa' li xna'aj chiru oxib' kutan; ab'an chixjunileb' laj Israel wank xsaqenkeb' sa' li xna'ajeb'.

Éxodo 9:4

Ab'an tiitooqeb' ru xb'aan li Qaawa' li xketomq eb' laj Israel chiruheb' li xketomq eb' laj Ejiipt, re naq maak'a' te'xk'ul li reheb' laj Israel»”.

Éxodo 12:13

“Li kik' a'anaq eereetalil chiwu laa'in sa' li kab'l texhilanq wi'. Naq laa'in tintiq' li tenamit Ejiipt, maajun sa' eeyanq taakamq, xb'aan naq twil li kik' ut tiik tinnume'q cheru.

Éxodo 9:6

Ak wulajaq chik kixb'aanu li Qaawa' jo' li raatin, ut kilaje'kamk chixjunil li xketomqeb' laj Ejiipt; ab'an maajun xketomqeb' laj Israel kikamk.

Amós 4:7

“Naq oxib' po chik xq'ehil li q'olok, xintz'ap li hab'. Xink'e li hab' sa' jun tenamit, ut sa' li jun chik ink'a' xink'e. Xk'e li hab' sa' jun k'aleb'aal, ut li jun chik xchaqik xb'aan xmajelal li ha'.

Éxodo 8:19

Toja' naq eb' laj q'e ke'xye re laj Parahón: “A'an a'in li ru'uj ruq' li Yos!”, chankeb'. Ab'an kikawuuk xch'ool laj Parahón ut ink'a' kirab'iheb', kama' yeeb'il chaq xb'aan li Qaawa'.

Jeremías 23:6

Chiru li x'awab'ejihom, eb' laj Judá te'kole'q, ut eb' laj Israel te'wanq sa' tuqtuukilal. A'an a'in li te'xk'e cho'q xk'ab'a': «Li Qaawa' a'an laj kolol qe».