Éxodo 9:24 - Q'eqchi Bible

²⁴ k'ajo' xkawilal li raq'kaaq li nareplotk sa' li saqb'ach; maajun sut wanjenaq kama' a'an Ejiipt chalen chaq sa' xk'ojlajik li tenamit toj anaqwan.

Li Santil hu

²⁴ Nareploc li rakꞌ ca̱k ut yo̱ li sakbach. Ma̱ jun sut queꞌxcꞌul chi joꞌcan saꞌ li tenamit Egipto chalen kꞌe cutan.

Éxodo 9:24 ပူးပေါင်းရင်းမြစ်များ

San Mateo 24:21

Xb'aan naq k'ajo'aq xnimal li rahilal taawanq sa'eb' li kutan a'an: maajun wa wanjenaq jo' a'an chalen chaq sa' xtiklajik li ruuchich'och' toj anaqwan, chi moko taak'ulmanq chik.

Éxodo 10:6

Talaje'ok sa'eb' laawochoch ut sa' rochocheb' chixjunileb' laj Ejiipt: maajun sut rilomeb' a'an laayuwa' chi moko laaxe'toonil yuwa' chalen chaq sa' xyo'lajikeb' sa' ruuchich'och' toj anaqwan»”. Chirix a'an laj Moisés ki'elk rik'in laj Parahón ut koho.

Éxodo 9:23

Laj Moisés kixye' li xxuq' sa' xjayal li choxa, ut li Qaawa' kixtaqla chaq kaaq ut saqb'ach; ke't'ane'k raq'kaaq sa' xb'een li ruuchich'och'. Li Qaawa' kixtaqla chaq saqb'ach sa' xb'een li tenamit Ejiipt:

Éxodo 9:18

jo'kan naq k'e reetal naq wulaj, sa' li honal a'in, tintaqla chaq kawil saqb'ach jo' ink'a' wanjenaq Ejiipt chalen chaq sa' xk'ojlajik li tenamit toj anaqwan.

Éxodo 9:25

Li saqb'ach kixket chixjunil li tenamit Ejiipt: kixsach jo'nimal li wank sa' k'aleb'aal, jo' winq jo' xul; kixputz'i ajwi' chixjunil li xpimul li ch'och' ut kixtoqi chixjunileb' li che' li wankeb' sa' k'aleb'aal.

Ezequiel 13:13

Jo'kan utan laa'in, li Qaawa', ninye chi jo'ka'in: Xb'aan linjosq'il tintaqla chaq jun kawil iq'; xb'aan xpo'ik linch'ool taawanq jun kawil hab' jo'wi' li saqb'ach li taajuk'uq re chixjunil.

Li xHu LAJ JOB 38:23

re xtaqlankileb' sa' xq'ehil li rahilal ut sa' xq'ehil li yalok ut raaxiik'?

Salmos 18:13

Xb'aan xlemtz'unkil li xsaqenk xkanaak li choql chi saqb'ach; jo' nareprotk li raq'kaaq naq xlochk xxamlel.

Salmos 105:32

Kixk'e li saqb'ach cho'q reeqaj li hab', ut kixtaqla raq'xam sa' li xtenamiteb'.

Isaías 30:30

Ut taa'ab'iiq li xkawil xyaab' xkux li Qaawa'; taak'utunq li xnimal xwankil, rik'in li xxamlel li xjosq'il li nasachok, rik'in kaqsut-iq', kaaq ut saqb'ach.

Ezequiel 1:4

Toja' naq kiwil jun kaqsut-iq' kichalk chaq sa' xjayal releb'l iq'. Kiwil ajwi' jun nimla choql yo wi' chi elk li xam ut nareplotk li raq'kaaq sa' xyi a'an.