Éxodo 9:19 - Q'eqchi Bible

¹⁹ Jo'kan b'i', taqla roksinkil laaketomq sa' rochocheb' ut chixjunil li wank aawe sa' k'aleb'aal, xb'aan naq taat'ane'q li saqb'ach sa' xb'een chixjunileb' li poyanam ut sa' xb'eeneb' li xul li wankeb' sa' k'aleb'aal, ut li jo'k'ihal ink'a' okenaqeb' sa' rochoch te'kamq»”.

Li Santil hu

¹⁹ Joꞌcan nak takla xtzꞌapbal saꞌ rochocheb la̱ queto̱mk joꞌ ajcuiꞌ li cꞌaꞌru cuan a̱cue saꞌ cꞌaleba̱l re nak incꞌaꞌ teꞌca̱mk xban li sakbach li ta̱tꞌanekꞌ saꞌ xbe̱neb. Teꞌca̱mk xban li sakbach chixjunileb li cristian joꞌ eb ajcuiꞌ li xul cui incꞌaꞌ tzꞌaptzꞌo̱queb,” chan li Ka̱cuaꞌ Dios.

Éxodo 9:19 ပူးပေါင်းရင်းမြစ်များ

Habacuc 3:2

At Qaawa', xwab'i laawesil nayeemank, ut xwil xnimal laak'anjel xlajaab'aanu: k'ajo' naq ninloq'oni aawu! At Qaawa', b'aanu wi' chik sa' qayanq, k'e chi nawe'k laab'aanuhom anaqwan. Us ta yo aajosq'il sa' qab'een, jultikaq aawe laanimal aawuxtaan.

Éxodo 9:6

Ak wulajaq chik kixb'aanu li Qaawa' jo' li raatin, ut kilaje'kamk chixjunil li xketomqeb' laj Ejiipt; ab'an maajun xketomqeb' laj Israel kikamk.

Éxodo 9:25

Li saqb'ach kixket chixjunil li tenamit Ejiipt: kixsach jo'nimal li wank sa' k'aleb'aal, jo' winq jo' xul; kixputz'i ajwi' chixjunil li xpimul li ch'och' ut kixtoqi chixjunileb' li che' li wankeb' sa' k'aleb'aal.

Salmos 78:48

Kixk'eheb' chi kamk li xwakaxeb' xb'aan li saqb'ach, ut eb' li karneer ke'kamk xb'aan li raq'kaaq.

Ezequiel 33:5

xb'aan naq xrab'i xyaab' li pur ut ink'a' xsik' xkolb'al rib'. A'an wan wi' naq xkamsiik, xb'aan naq wi ta xpaab', xkol raj li xyu'am.