Éxodo 8:8 - Q'eqchi Bible

⁸ Toja' naq laj Parahón kixb'oqeb' laj Moisés ut laj Aharón ut kixye: “Chetz'aama chiru li Qaawa' naq chirisiheb' li amoch wik'in ut rik'in lintenamit, ut laa'in teb'inkanab' chi elk laatenamit re naq toxe'mayejaq chaq chiru li Qaawa'”, chan.

Li Santil hu

⁸ Tojoꞌnak laj faraón quixbok laj Moisés ut laj Aarón. Quixye reheb: —Te̱tzꞌa̱ma chiru li Ka̱cuaꞌ Dios nak ta̱risi chixjunil li amoch cuiqꞌuin joꞌ ajcuiꞌ riqꞌuineb lin tenamit. Ut la̱in tincanabeb chi xic laj Israel re nak teꞌxic chi mayejac chiru li Dios, chan.

Éxodo 8:8 ပူးပေါင်းရင်းမြစ်များ

Éxodo 10:17

B'aanuhomaq usilal, chekuyaq jun sutaq chik linmaak. Chetz'aamaq chiru li Qaawa' leeYos naq chirisi wik'in ka' aj taxaq li kamk a'in”, chan.

Éxodo 9:28

Chetz'aama chiru li Qaawa' naq chich'anaaq li kaaq ut li saqb'ach; ut laa'in texinkanab' chi xik ut ink'a' chik texwanq arin”, chan.

1 Reyes 13:6

Ut laj Jerobohán li awab'ej kixye re li propeet: “B'aanu usilal, tijon chiwix chiru li Qaawa' laaYos ut tz'aama naq tixk'irtasi li wuq'”. Kitijok li propeet chiru li Qaawa', ut li ruq' laj Jerobohán kik'iraak ut kikanaak jo' naq xwank junxil.

Números 21:7

Toja' naq eb' li tenamit ke'wulak rik'in laj Moisés chi xyeeb'al: “Xoomaakob'k, xqawech' rix li Qaawa' ut laa'at. Tz'aaman, elajin chiqix chiru li Qaawa', re naq trisiheb' sa' qayanq eb' li k'anti'”, chankeb'. Laj Moisés kitijok chirixeb' li tenamit,

Hechos 8:24

Kichaq'ok laj Simón, ut kixye: —Chextijoq chiwix chiru li Qaawa' re naq maajun reheb' a k'a'aq re ru a'in chichalq sa' inb'een, jo' xeye.

Salmos 66:3

Yehomaq re li Yos: “Sachb'ach'oolej laab'aanuhom! Sa' xk'ab'a' xnimal aawankil, tule'wiq'laaq eb' li xik' neke'ilok aawe.

1 Samuel 12:19

“Chattijoq chiqix laa'o aj k'anjel chawu -chankeb' li tenamit-. Chatz'aama chiru li Qaawa' laaYos, naq ink'a' tookamq, xb'aan naq xqatiq roq li qamaak naq xqapatz' qa'awab'ej”.

Éxodo 14:5

Naq kiyehe'k resil li relikeb' laj Israel re li awab'ej re Ejiipt, laj Parahón ut eb' laj tenq' re ke'xjal xk'a'uxl chirixeb' li tenamit: “K'aru xqab'aanu? Xqakanab'eb' laj Israel chi elk cho'q qamoos”, chankeb'.

Éxodo 5:2

Ab'an laj Parahón kichaq'ok: “Ani put li Qaawa' re naq tinpaab' xyaab' xkux ut tinkanab' chi elk eb' laj Israel? Ink'a' ninnaw ru li Qaawa' ut ink'a' tinkanab'eb' chi xik laj Israel”, chan.

Éxodo 8:9

Kichaq'ok laj Moisés ut kixye re laj Parahón: “Nintz'aama usilal chawu, taaye we jo'q'e tento tintijoq chawix, chirixeb' laj k'anjel chawu ut laatenamit, re naq te'elq li amoch aawik'in ut sa'eb' laawochoch, ut ka'ajwi' sa' li nima' te'kanaaq”.

Éxodo 8:15

Ab'an naq laj Parahón kiril naq ak xnume'k li rahilal, kixkawub'resi xch'ool ut ink'a' kirab'iheb' laj Moisés ut laj Aharón, kama' yeeb'il chaq xb'aan li Qaawa'.

Éxodo 8:29

Kixye laj Moisés: “Ka'ajwi' tin'elq, tin'elajinq chiru li Qaawa', ut wulaj eb' li kas te'najto'q aawik'in, rik'ineb' laj k'anjel chawu ut laatenamit. Ab'anan moohaab'alaq'i chik, at Parahón, maarameb' chiru li tenamit chi xik chi mayejak chiru li Qaawa'”, chan laj Moisés.

Éxodo 8:32

Ab'anan jun sut chik laj Parahón kixkawub'resi xch'ool ut ink'a' kixkanab'eb' chi elk laj Israel.

Éxodo 9:27

Toja' naq laj Parahón kixtaqla xb'oqb'aleb' laj Moisés ut laj Aharón ut kixye reheb': “Anaqwan ninnaw naq xinmaakob'k. Li Qaawa' a'an tiik xch'ool, a'ut laa'in ut lintenamit aj maako.

Éxodo 10:16

Toja' naq laj Parahón kixb'oqeb' chi junpaat laj Moisés ut laj Aharón ut kixye reheb': “Xinmaakob'k chiru li Qaawa' leeYos ut cheru laa'ex.

Éxodo 9:33

Toja' naq laj Moisés kixkanab' laj Parahón ut, naq ki'elk sa' li tenamit, kixtaqsiheb' li ruq' chiru li Qaawa': ch'anaamileb' li kaaq jo'wi' li saqb'ach, ut ink'a' chik xk'e li hab' sa' xb'een li ch'och'.

Éxodo 10:18

Ki'elk laj Moisés rik'in laj Parahón ut kirelaji ru li Qaawa';

Éxodo 32:11

Ab'anan laj Moisés kixyal xq'e chi xtuulanob'resinkil li Qaawa' li xYos, ut kixye re: “At Qaawa', k'a'ut naq xchalk laajosq'il sa' xb'een laatenamit, li kawisiheb' chaq aran Ejiipt rik'in xnimal aawankil ut xkawilal laawuq'?