Éxodo 8:32 - Q'eqchi Bible

³² Ab'anan jun sut chik laj Parahón kixkawub'resi xch'ool ut ink'a' kixkanab'eb' chi elk laj Israel.

Li Santil hu

³² Aban quixcacuubresi cuiꞌchic xchꞌo̱l laj faraón ut incꞌaꞌ quixcanabeb chi xic li tenamit.

Éxodo 8:32 ပူးပေါင်းရင်းမြစ်များ

Éxodo 8:15

Ab'an naq laj Parahón kiril naq ak xnume'k li rahilal, kixkawub'resi xch'ool ut ink'a' kirab'iheb' laj Moisés ut laj Aharón, kama' yeeb'il chaq xb'aan li Qaawa'.

Éxodo 4:21

Li Qaawa' kixye re laj Moisés: “Akaq xatwulak Ejiipt, b'aanu chiru laj Parahón chixjunileb' li sachb'ach'oolej xink'eheb' sa' aawuq'. A'ut laa'in tinkawub'resi xch'ool laj Parahón ut ink'a' tixkanab'eb' chi elk li tenamit.

Romanos 2:5

Laa'at kaw laajolom ut ink'a' nakawaj xjalb'al laak'a'uxl; jo'kan naq yookat chi xtamresinkil xjosq'il li Yos sa' aab'een cho'q re xkutankil li Josq'il naq taak'utb'esiiq li raqb'a aatin tixb'aanu li Yos sa' tiikilal.

Isaías 63:17

K'a'ut naq xoohaakanab' chi sachk, at Qaawa'? K'a'ut naq xjipo'k li qach'ool re naq ink'a' chik xqak'e aaloq'al? Kim wi' chik, at Qaawa', sa' xk'ab'a'eb' laj k'anjel chawu, sa' xk'ab'a' laaweechanihom, a' laatenamit.

Éxodo 8:8

Toja' naq laj Parahón kixb'oqeb' laj Moisés ut laj Aharón ut kixye: “Chetz'aama chiru li Qaawa' naq chirisiheb' li amoch wik'in ut rik'in lintenamit, ut laa'in teb'inkanab' chi elk laatenamit re naq toxe'mayejaq chaq chiru li Qaawa'”, chan.

Éxodo 8:31

Ut li Qaawa' kixb'aanu li k'aru kixtz'aama laj Moisés: kirisiheb' li kas rik'in laj Parahón, rik'ineb' laj k'anjel chiru ut sa'atqeb' li xtenamit: maajun chik kikanaak.

Éxodo 9:7

Laj Parahón kixtaqla rilb'al k'aru xk'ulmank, ut kik'utunk naq maajun li xul reheb' laj Israel kikamk. Ab'anan kikawuuk xch'ool laj Parahón ut ink'a' kixkanab'eb' chi elk li tenamit.

1 Samuel 6:6

K'a' naq teekawub'resi leech'ool jo' ke'xb'aanu eb' laj Ejiipt ut laj Parahón? Ma ink'a' tab'i' ke'xkanab'eb' laj Israel chi xik naq ke'rahob'tesiik xb'aan li Qaawa'?