Éxodo 8:25 - Q'eqchi Bible

²⁵ Toja' naq laj Parahón kixb'oqeb' laj Moisés ut laj Aharón ut kixye reheb': “Ayuqex, mayejanqex chiru leeYos, ab'an mayejanqex sa' li tenamit a'in”.

Li Santil hu

²⁵ Ut laj faraón quixbok laj Moisés ut laj Aarón ut quixye reheb: —Mayejankex chak chiru le̱ Dios. Aban te̱ba̱nu saꞌ li naꞌajej li cuanquex cuiꞌ, chan.

Éxodo 8:25 ပူးပေါင်းရင်းမြစ်များ

Éxodo 9:27

Toja' naq laj Parahón kixtaqla xb'oqb'aleb' laj Moisés ut laj Aharón ut kixye reheb': “Anaqwan ninnaw naq xinmaakob'k. Li Qaawa' a'an tiik xch'ool, a'ut laa'in ut lintenamit aj maako.

Éxodo 8:8

Toja' naq laj Parahón kixb'oqeb' laj Moisés ut laj Aharón ut kixye: “Chetz'aama chiru li Qaawa' naq chirisiheb' li amoch wik'in ut rik'in lintenamit, ut laa'in teb'inkanab' chi elk laatenamit re naq toxe'mayejaq chaq chiru li Qaawa'”, chan.

Éxodo 12:31

Chiru ajwi' li q'oqyink a'an laj Parahón kixb'oqeb' laj Moisés ut laj Aharón ut kixye reheb': “Waklinqex ut elenqex sa' lintenamit, laa'ex ut eb' laj Israel, ut ayuqex chi xloq'oninkil ru li Qaawa' kama' xeye.

Éxodo 10:16

Toja' naq laj Parahón kixb'oqeb' chi junpaat laj Moisés ut laj Aharón ut kixye reheb': “Xinmaakob'k chiru li Qaawa' leeYos ut cheru laa'ex.

Apocalipsis 3:9

K'e reetal, wank xkomoneb' li xch'utleb'aal ochoch laj tza li ok we chi xq'axtesinkileb' sa' laawuq', eb' li neke'xye rib' naq a'aneb' aj Judiiy ut maawa'eb', tik'ti' b'an li neke'xye. Laa'in teb'ink'e chi xik chi wiq'laak rub'el laawoq, re naq te'xnaw naq laa'in nakatinra.

Éxodo 9:28

Chetz'aama chiru li Qaawa' naq chich'anaaq li kaaq ut li saqb'ach; ut laa'in texinkanab' chi xik ut ink'a' chik texwanq arin”, chan.

Éxodo 10:8

Ut ke'xsutq'isi laj Moisés ut laj Aharón rik'in laj Parahón. A'in kixye reheb': “Ayuqex chi xloq'oninkil li Qaawa' leeYos. Ab'anan xb'enwa teeye we aniheb' li te'xik”.

Éxodo 10:24

Toja' naq laj Parahón kixb'oq laj Moisés ut kixye re: “Ayuqex chi xloq'oninkil li Qaawa'; ka'ajwi' che'kanaaq leekarneer ut leewakax. Naru ajwi' te'xik leekok'al cherix”, chan.

Isaías 28:22

Jo'kan naq anaqwan mexse'ek chik, re naq ink'a' teetam li rahilal sa' eeb'een; xb'aan naq xwab'i naq li Qaawa', li Nimajwal Yos, tixk'e chi sache'k chixjunil li tenamit.