Éxodo 8:11 - Q'eqchi Bible

¹¹ Eb' li amoch te'elq aawik'in, sa'eb' laawochoch, rik'ineb' laj k'anjel chawu ut sa' laatenamit, ut ka'aj chik sa' li nima' te'kanaaq”.

Li Santil hu

¹¹ Chixjunil li amoch teꞌe̱lk a̱cuiqꞌuin. Teꞌe̱lk ajcuiꞌ riqꞌuineb la̱ mo̱s, joꞌ ajcuiꞌ riqꞌuineb chixjunileb li tenamit. Teꞌe̱lk ajcuiꞌ saꞌ le̱ rochoch. Caꞌaj chic li cuanqueb saꞌ li nimaꞌ teꞌcana̱k, chan laj Moisés.

Éxodo 8:11 ပူးပေါင်းရင်းမြစ်များ

Éxodo 8:9

Kichaq'ok laj Moisés ut kixye re laj Parahón: “Nintz'aama usilal chawu, taaye we jo'q'e tento tintijoq chawix, chirixeb' laj k'anjel chawu ut laatenamit, re naq te'elq li amoch aawik'in ut sa'eb' laawochoch, ut ka'ajwi' sa' li nima' te'kanaaq”.

Éxodo 8:3

B'ulb'utq li nima' chi amoch: te'taqe'q chaq ut tule'okje'q sa' laawochoch, sa' laawarib'aal ut sa' laach'aat, sa'atqeb' li rochoch eb' laj tenq' aawe ut sa'atqeb' li rochoch laatenamit, sa'atqeb' laa'oorn ut k'uuleb'aal tzekemq.

Éxodo 8:13

Ut li Qaawa' kixb'aanu li kixtz'aama laj Moisés: kilaje'kamk li amoch sa'atqeb' li ochoch, li neb'aal ut k'aleb'aal.

Éxodo 8:12

Naq ke'elk laj Moisés ut laj Aharón rik'in laj Parahón, ki'aatinak laj Moisés rik'in li Qaawa' chirixeb' li amoch li yookeb' chi rahob'tesink re laj Parahón.

Éxodo 4:21

Li Qaawa' kixye re laj Moisés: “Akaq xatwulak Ejiipt, b'aanu chiru laj Parahón chixjunileb' li sachb'ach'oolej xink'eheb' sa' aawuq'. A'ut laa'in tinkawub'resi xch'ool laj Parahón ut ink'a' tixkanab'eb' chi elk li tenamit.

Éxodo 7:13

Ab'an kikawuuk xch'ool laj Parahón ut ink'a' kirab'iheb', jo' tz'aqal yeeb'il chaq chi junxilaj xb'aan li Qaawa'.

Éxodo 7:14

Toja' naq li Qaawa' kixye re laj Moisés: “Q'axal kaw xch'ool laj Parahón; ink'a' naxkanab'eb' chi elk lintenamit.