Éxodo 8:1 - Q'eqchi Bible

¹ Kixye li Qaawa' re laj Moisés: “Ayu rik'in laj Parahón chi xyeeb'al re: «Jo'ka'in naxye li Qaawa': Kanab'eb' chi elk lintenamit re naq tinxloq'oni.

Li Santil hu

¹ Tojoꞌnak li Ka̱cuaꞌ Dios quixye re laj Moisés: —Tatxic cuiꞌchic riqꞌuin laj faraón ut ta̱ye re, “Joꞌcaꞌin xye li Ka̱cuaꞌ Dios: Xcanabakeb chi xic lin tenamit re nak tineꞌxlokꞌoni.

Éxodo 8:1 ပူးပေါင်းရင်းမြစ်များ

Éxodo 3:18

Eb' a'an te'rab'i laawaatin ut laa'at tatxik aawochb'eeneb' li xcheekelaleb' laj Israel rik'in li awab'ej re Ejiipt, toxeeye re: «Li Qaawa', li xYoseb' laj Hebreo, xk'ut rib' chiqu. Naqatz'aama b'i' usilal naq choohaakanab' chi xik sa' li chaqich'och' oxib'aq kutan chi b'e, re naq toomayejaq chiru li Qaawa' li qaYos», cha'qex.

Éxodo 3:12

Kichaq'ok li Yos ut kixye re: “Laa'in wanqin aawik'in ut a'inaq reetalil naq laa'in xintaqlank aawe: akaq xawisi chaq li tenamit aran Ejiipt, teeloq'oni wu sa' xb'een li tzuul a'in”.

Éxodo 5:1

Moqon chik laj Moisés ut laj Aharón ke'wulak rik'in laj Parahón ut ke'xye re: “Jo'ka'in naxye li Qaawa', xYos laj Israel: «Kanab'eb' chi elk lintenamit re naq toxe'utz'uq chaq sa' li chaqich'och'»”.

Éxodo 7:16

Toxaaye re: «Li Qaawa', li xYoseb' laj Hebreo, xinxtaqla chaq aawik'in chi xyeeb'al aawe: Kanab'eb' chi xik lintenamit re naq tine'xloq'oni chaq sa' li chaqich'och'. Ab'an chalen toj anaqwan ink'a' xawaj rab'inkil.

Éxodo 4:23

Jo'kan naq ninye aawe: Kanab' chi xik li walal re naq toxinxloq'oni; ab'an wi ink'a' taakanab' chi xik, laa'in tinkamsi laawalal, a' li xb'een aawalal»”.

Éxodo 5:3

Ke'xye ut eb' a'an: “Li xYoseb' laj Hebreo xk'utb'esi rib' chiqu. Jo'kan naq naqatz'aama usilal, choohaakanab' chi xik sa' li chaqich'och' oxib'aq kutan chi b'e, re naq toomayejaq chiru li Qaawa' li qaYos. Mare anchal tooxrahob'tesi rik'in rax kamk malaj ch'iich'”.

Éxodo 7:25

Chalen naq li Qaawa' kixsak' li nima', ke'nume'k wuqub' kutan chi jo'kan.

Éxodo 8:2

Wi ink'a' taakanab'eb' chi elk, tinrahob'tesi rik'in amoch chixjunil laatenamit.

Éxodo 8:20

Kixye li Qaawa' re laj Moisés: “Waklin toj eq'la chi us, ayu rik'in laj Parahón naq a'an taaxik chire li nima', ut taaye re: «Jo'ka'in naxye li Qaawa': Kanab'eb' chi elk lintenamit re naq tine'xloq'oni.

Éxodo 9:1

Toja' naq li Qaawa' kixye re laj Moisés: “Ayu rik'in laj Parahón ut ye re: «Jo'ka'in naxye li Qaawa', li xYoseb' laj Hebreo: Kanab'eb' chi elk lintenamit re naq tine'xloq'oni.

Josué 8:18

Toja' naq li Qaawa' kixye re laj Josué: “Ye' sa' xjayal Ay li jutz' che' li wank sa' laawuq', xb'aan naq tinq'axtesi li tenamit a'in sa' laawuq'”, chan. Laj Josué kixye' li jutz' che' li wank sa' ruq', sa' xjayal Ay.

Salmos 105:30

Kinujak chi amoch li xtenamiteb', toj sa'atqeb' li xwarib'aal li awab'ej.