Éxodo 7:4 - Q'eqchi Bible

⁴ laj Parahón ink'a' texrab'i. Toja' naq tintaqsi li wuq' sa' xb'een Ejiipt ut rik'in xninqal rahilal twisi aran lintenamit, eb' linteepal, a'aneb' laj Israel.

Li Santil hu

⁴ Ut laj faraón ti̱c incꞌaꞌ ta̱abi̱nk che̱ru. La̱in tinrakok a̱tin saꞌ xbe̱neb laj Egipto. Tintakla nabal raylal saꞌ xbe̱neb re nak ta̱ru̱k tincuisiheb lin tenamit Israel saꞌ xya̱nkeb laj Egipto.

Éxodo 7:4 ပူးပေါင်းရင်းမြစ်များ

Éxodo 11:9

Toja' naq li Qaawa' kixye re laj Moisés: “Laj Parahón ink'a' texrab'i, ut chi jo'kan tinnaab'alob'resi linsachb'ach'oolej sa' li tenamit Ejiipt”, chan.

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

Éxodo 12:51

Ut sa' ajwi' li kutan a'an li Qaawa' kirisiheb' chi tzoltzo laj Israel sa' li tenamit Ejiipt.

Apocalipsis 19:2

xb'aan naq naraqok aatin sa' tiikilal ut rik'in yaal: xteneb' tojb'amaak sa' xb'een li xnimal ru aj yumb'eet, a' li xpo'ok ru li ruuchich'och' rik'in li xmuxb'al rib'; ut xk'e reeqaj li xkik'eleb' laj k'anjel li ke'kamsiik xb'aan li ixq”.

Apocalipsis 16:7

Ut kiwab'i jun xyaab' kuxej sa' li artal yo chi xyeeb'al: “Relik chi yaal, at Qaawa', at Nimajwal Yos, xatraqok aatin sa' tiikilal ut rik'in yaal”.

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

Ezequiel 30:19

Jo'ka'in naq tin'eeqajunq sa' xb'een Ejiipt, ut aran taanawmanq naq laa'in li Qaawa'”.

Ezequiel 30:14

Tinjuk' Patros, tink'e xxamlel Sohán ut tinraqoq aatin sa' xb'een Tebas.

Ezequiel 25:11

Tinraq aatin sa' xb'eeneb' laj Mohab, ut aran taanawmanq naq laa'in li Qaawa'.

Ezequiel 14:21

“Laa'in, li Qaawa', ninye chi jo'ka'in: Q'axal ra wi' chik cho'q reheb' laj Jerusalén naq tintaqla sa' xb'eeneb' li kaahib' chi rahilal jwal xiwajel: li raaxiik', li we'ej, eb' li josq' aj xul ut li raxkamk, ut tink'eheb' chi kamk li winq jo'wi' eb' li xul.

Lamentaciones 3:3

Ka'ajwi' sa' inb'een naxk'ut li xnimal xwankil li ruq', ut nikinxrahob'tesi chixjunil li kutan.

Isaías 26:9

Chiru li q'oqyink nawataw wank aawik'in ut toj eq'la nakatinsik' chi anchal inch'ool. Naq nakatraqok aatin sa' ruuchich'och', eb' li poyanam neke'xtzol wank sa' tiikilal.

Proverbios 19:29

Aajel ru li rapleb' tz'uum cho'q re li q'etq'et, ut li rahob'tesiik cho'q re li maak'a' xna'leb'.

Jueces 2:15

Yalaq b'ar neke'xik chi yalok eb' laj Israel, li ruq' li Qaawa' nachalk sa' xb'eeneb' re xrahob'tesinkileb', jo' chanru xyehom li Qaawa' sa' jurament. Makach'in li ra ke'xk'ul!

Éxodo 10:1

Kixye li Qaawa' re laj Moisés: “Ayu rik'in laj Parahón, xb'aan naq xinkawub'resi xch'ool jo' ajwi' li xch'ooleb' laj k'anjel chiru, re xb'aanunkil eb' li xninqal reetalil a'in sa' xyanqeb'.

Éxodo 9:3

k'e reetal naq li ruq' li Qaawa' taat'ane'q sa' xb'eeneb' laaketomq sa' pim, sa' xb'eeneb' li kawaay, li b'uur, li kameey, li wakax ut eb' li karneer, ut taawanq jun xiwajel raxkamk.

Éxodo 6:26

A' laj Aharón ut laj Moisés a'in ke'yehe'k wi' xb'aan li Qaawa': “Cherisiheb' laj Israel sa' li tenamit Ejiipt chi tzoltzo”.

Éxodo 3:20

Ab'an laa'in tinye' li wuq' ut tinrahob'tesiheb' laj Ejiipt rik'in chixjunileb' li sachb'ach'oolej li tinb'aanu sa' xyanqeb'; toja' naq texxkanab' chi elk.

Éxodo 3:19

Ak ninnaw naq li awab'ej re Ejiipt ink'a' texxkanab' chi xik wi ink'a' ta minb'ilaq ru chi kaw.

Éxodo 6:1

Li Qaawa' kixye re laj Moisés: “Anaqwan taawil k'aru tinb'aanu re laj Parahón, xb'aan naq ka'ajwi' rik'in linkawil uq' tixkanab'eb' chi xik ut taarisiheb' sa' li xtenamit”.

Éxodo 7:13

Ab'an kikawuuk xch'ool laj Parahón ut ink'a' kirab'iheb', jo' tz'aqal yeeb'il chaq chi junxilaj xb'aan li Qaawa'.

Éxodo 7:16

Toxaaye re: «Li Qaawa', li xYoseb' laj Hebreo, xinxtaqla chaq aawik'in chi xyeeb'al aawe: Kanab'eb' chi xik lintenamit re naq tine'xloq'oni chaq sa' li chaqich'och'. Ab'an chalen toj anaqwan ink'a' xawaj rab'inkil.

Éxodo 8:15

Ab'an naq laj Parahón kiril naq ak xnume'k li rahilal, kixkawub'resi xch'ool ut ink'a' kirab'iheb' laj Moisés ut laj Aharón, kama' yeeb'il chaq xb'aan li Qaawa'.

Éxodo 8:19

Toja' naq eb' laj q'e ke'xye re laj Parahón: “A'an a'in li ru'uj ruq' li Yos!”, chankeb'. Ab'an kikawuuk xch'ool laj Parahón ut ink'a' kirab'iheb', kama' yeeb'il chaq xb'aan li Qaawa'.

Éxodo 9:12

Ab'anan li Qaawa' kixkawub'resi xch'ool laj Parahón, ut a'in ink'a' kirab'iheb', kama' yeeb'il chaq re laj Moisés xb'aan li Qaawa'.

Éxodo 13:3

Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

Éxodo 13:9

Ut a'an taak'anjelaq aawe cho'q reetalil sa' laawuq', jo' jun inpatz'b'al chawu, re naq li xchaq'rab' li Qaawa' chiwanq sa' laawe, xb'aan naq rik'in xkawilal li ruq' katrisi chaq li Qaawa' aran Ejiipt.

Éxodo 18:8

Toja' naq laj Moisés kixseeraq'i re li xyuwa' li rixaqil chixjunil li kilajxb'aanu li Qaawa' re laj Parahón ut reheb' laj Ejiipt sa' xk'ab'a'eb' laj Israel, jo' ajwi' chixjunil li ch'a'ajkilal ke'xk'ul chaq sa' b'e ut chanru li Qaawa' kixkoleb'.