Éxodo 7:2 - Q'eqchi Bible

² Laa'at taaye re chixjunil li tatintaqla wi', ut laj Aharón laawas toxye re laj Parahón re naq tixkanab'eb' chi elk laj Israel sa' li xtenamit.

Li Santil hu

² La̱at tatyehok re laj Aarón chixjunil li cꞌaꞌru tinye a̱cue la̱in. Ut aꞌan ta̱jalok re la̱ cua̱tin chiru laj faraón re nak aꞌan tixcanabeb chi xic laj Israel.

Éxodo 7:2 ပူးပေါင်းရင်းမြစ်များ

Éxodo 4:15

Taawaatina ut taak'e li aatin sa' re. Laa'in wanqin sa' laawe ut sa' li re, ut tink'ut cheru li tento teeb'aanu.

Éxodo 6:29

kixye re: “Laa'in li Qaawa'. Chixjunil li tinye aawe toxaaye re laj Parahón, awab'ej re Ejiipt”.

Hechos 20:27

xb'aan naq ink'a' xinxiwak chi xyeeb'al eere resil chixjunil li xnimal rajom li Yos.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Ezequiel 3:17

“At kaamel winq, laa'in xatinxaqab' cho'q aj k'aak'alenel reheb' li ralal xk'ajol laj Israel. Naq tinye aawe jun t'orolaq li waatin, laa'at taanumsi reheb' sa' link'ab'a'.

Ezequiel 3:10

Chirix chik a'an kixye we: “At kaamel winq, chixjunil li aatin tinye aawe k'e aach'ool chi rab'inkil ut k'uula chi us sa' laawaanm.

Jeremías 1:17

Jo'kan utan, kawaq aach'ool, xaqlin ut ye reheb' li k'aru tatintaqla wi'. Maaxiwa ruheb': mare anchal tink'ut aaxutaan chiruheb' a'an.

Jeremías 1:7

Ab'an li Qaawa' kixye we: “Maaye naq toj saajat. A' yaal b'ar tatintaqla, laa'at tatxik ut taaye chixjunil li k'aru tatintaqla wi'.

1 Reyes 22:14

Ab'an laj Mikeas kixsume: “Ninye jurament sa' xk'ab'a' li Qaawa' naq ka'ajwi' li k'aru tixye we A'an, a'an li tinye!”, chan.

Deuteronomio 4:2

Maak'a' teetiq re li texintaqla wi', chi moko wank ta teerisi; teepaab' b'an chixjunileb' li xchaq'rab' li Qaawa' leeYos, jo' chanru tinye eere.

Éxodo 4:16

A'an taa'aatinaq rik'in li tenamit sa' aak'ab'a': a'anaq laawe ut laa'ataq ruuchil li Yos cho'q re.

Éxodo 7:6

Laj Moisés ut laj Aharón ke'xb'aanu li taqlanb'ileb' wi' xb'aan li Qaawa'.

Éxodo 5:1

Moqon chik laj Moisés ut laj Aharón ke'wulak rik'in laj Parahón ut ke'xye re: “Jo'ka'in naxye li Qaawa', xYos laj Israel: «Kanab'eb' chi elk lintenamit re naq toxe'utz'uq chaq sa' li chaqich'och'»”.