Éxodo 7:17 - Q'eqchi Bible

¹⁷ Jo'ka'in naxye li Qaawa': Rik'in a'in taanaw naq laa'in li Qaawa'. K'e reetal, tinsak' li roq li nima' rik'in li xuq' li wank sa' wuq' ut taasutq'iiq chi kik'ul.

Li Santil hu

¹⁷ Anakcuan, at faraón, la̱at ta̱qꞌue retal nak aꞌan li Ka̱cuaꞌ Dios, ut kꞌaxal nim xcuanquil. La̱in tinsacꞌ li nimaꞌ Nilo riqꞌuin lin xukꞌ. Ut riqꞌuin aꞌan ta̱quicꞌokꞌ li haꞌ.

Éxodo 7:17 ပူးပေါင်းရင်းမြစ်များ

Éxodo 4:9

Ut wi ink'a' ajwi' tate'xpaab' rik'in li wiib' sachb'ach'oolej a'in, wi ink'a' te'rab'i li xyaab' aakux, taaxok kach'inaq laaha' sa' nima' ut taahoy sa' ch'och', ut li ha' li taaxok sa' nima' taajalaaq ru chi kik'ul chiru ch'och'”, chan li Qaawa' re laj Moisés.

Éxodo 7:5

Ut naq tinye' li wuq' sa' xb'een Ejiipt ut twisi aran eb' li ralal xk'ajol laj Israel, te'xnaw eb' laj Ejiipt naq laa'in li Qaawa'”.

Éxodo 5:2

Ab'an laj Parahón kichaq'ok: “Ani put li Qaawa' re naq tinpaab' xyaab' xkux ut tinkanab' chi elk eb' laj Israel? Ink'a' ninnaw ru li Qaawa' ut ink'a' tinkanab'eb' chi xik laj Israel”, chan.

Ezequiel 39:28

Xintaqlaheb' chi preexil sa' xyanqeb' li jalanil tenamit, ut tinch'utub'eb' wi' chik sa' li xna'ajeb'. Maajun reheb' taakanaaq chaq sa' jalan tenamit. Toja' naq te'xnaw naq laa'in li Qaawa', li xYoseb'.

Ezequiel 38:23

Chi jo'kan tink'ut linwankilal ut linsantilal chiruheb' li k'iila teep chi tenamit. Tink'ut wib' chiruheb' ut eb' a'an te'xnaw naq laa'in li Qaawa'.

Salmos 9:16

Eb' li tenamit xe'sub'e'k sa' li jul ke'xyiib', ut eb' li roq xe't'il sa' li ra'al ke'xmuq.

Apocalipsis 11:6

Eb' a'in wankeb' xwankil chi xtz'apb'al li choxa re naq ink'a' tixk'e li hab' sa'eb' li kutan yooqeb' wi' chi aatinak jo' propeet; wankeb' ajwi' xwankil chi xsutq'isinkil li ha' cho'q kik' jo'wi' re xrahob'tesinkil li ruuchich'och' rik'in chixjunil li rahilal jar wa te'raj xb'aanunkil.

Apocalipsis 8:8

Li xkab' ánjel kixyaab'asi li xtronpeet, ut wank k'aru kama' jun nimla tzuul yo xxamlel kikute'k sa' palaw, ut li rox jachal li palaw kikik'o'k ru:

Daniel 5:23

xaq'etq'eti b'an aawib' chiru li xYos li choxa ut xataqla xk'amb'aleb' chaq arin li sek' oor li ke'k'anjelak sa' li rochoch, re uk'ak b'iin chisa' aawochb'eeneb' li ninqeb' xwankil, eb' laawixaqil jo'wi' li xtz'aqob'leb' laawixaqil. Xenima ruheb' li yos yiib'anb'ileb' rik'in oor ut plaat, q'anch'iich' ut ch'iich', che' ut pek, li ink'a' neke'ilok, ink'a' neke'ab'ink ut maak'a' neke'xtaw ru. Ut ink'a' xanima xloq'al li Yos li wank laayu'am sa' ruq', ut li yaal re sa' xb'een chixjunil li nakab'aanu.

Daniel 5:21

Ki'isiik sa' xyanqeb' li poyanam ut kiwank jo' junaq xul; kiwank chaq sa' xyanqeb' li k'iche'il xul ut kiwa'ok pim jo'eb' li wakax. Kit'aqresiik xb'aan li xchu'ke, toj reetal kixk'e reetal naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e xwankil li naraj wi' xk'eeb'al.

Daniel 4:37

“Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

Daniel 4:32

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut jo'kan tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e li wankilal re li ani naraj wi' xk'eeb'al”.

Daniel 4:17

A'an a'in li raqb'a aatin xxaqab'aak xb'aaneb' laj santil k'aak'alenel, re naq taanawmanq xb'aaneb' chixjunileb' li poyanam naq li Nimajwal Yos nataqlank sa' xb'eeneb' li x'awab'ejihom li ruuchich'och': naxk'e xwankil li naraj wi' xk'eeb'al ut naxterq'usi xloq'al li jwal kub'enaq xwankil sa' xyanqeb' chixjunil li poyanam».

Ezequiel 32:15

Naq taakanaaq Ejiipt chi chaqich'och' chi maak'a' chik twanq chisa', ut naq tinkamsi chixjunileb' li xpoyanamil, taanawmanq naq laa'in li Qaawa'».

Ezequiel 30:19

Jo'ka'in naq tin'eeqajunq sa' xb'een Ejiipt, ut aran taanawmanq naq laa'in li Qaawa'”.

Ezequiel 30:8

Naq tink'e xxamlel Ejiipt ut te'oso'q chixjunileb' li neke'tenq'ank re, te'xtaw xyaalal naq laa'in li Qaawa'.

Ezequiel 29:9

Nakirirnak ut po'lem chik tatkanaaq, ut chixjunileb' te'xnaw naq laa'in li Qaawa'. We li nima' Nilo, laa'in kinyiib'ank re, chankat.

Salmos 105:29

Kixsutq'isi chixjunil li ha' cho'q kik' ut kixk'e chi kamk chixjunileb' li kar.

Salmos 83:18

Che'kanaaq sa' xutaan ut numtajenaqeb' xxiw chi junelik; che'sachq xch'ool ut che'oso'q,

Salmos 78:44

Kixsutq'isi chi kik'ul li xnima'eb', ut eb' laj Ejiipt ink'a' chik ke'uk'ak.

2 Reyes 19:19

A'ut anaqwan, at Qaawa', at qaYos, choohaakol chiruheb', xnawaqeb' chixjunileb' li x'awab'ejihom li ruuchich'och' naq ka'ajwi' laa'at li Qaawa', li tz'aqal Yos”.

1 Reyes 20:28

Toja' naq jun xtaql li Qaawa' kiwulak rik'in li awab'ej re Israel ut kixye re: “Jo'ka'in xye li Qaawa': «Xb'aan naq eb' laj Aram xe'xye naq li Qaawa' a'an xYoseb' li k'iche', maawa' xYos li taq'a ru, xinq'axtesiheb' sa' laawuq' li tenamit a'in q'axal naab'aleb'. Chi jo'kan teenaw laa'ex naq laa'in tz'aqal li Qaawa'»”.

Éxodo 6:7

Texink'e cho'q intenamit ut laa'inaq leeYos; ut teenaw naq Laa'inin li Qaawa' leeYos li texwisi sa' ruq'eb' laj Ejiipt.

Éxodo 1:22

jo'kan naq laj Parahón kixk'e li chaq'rab' a'in re chixjunil li tenamit: “Chixjunileb' li kok' teelom li te'yo'laaq kutumaqeb' sa' nima'; a'ut eb' li kok' ixqa'al chekanab'eb' chi yo'yo”.

Éxodo 7:20

Laj Moisés ut laj Aharón ke'xb'aanu li ke'taqlaak wi' xb'aan li Qaawa': laj Aharón kixtaqsi li xxuq' ut kixsak' li roq nima' chiru laj Parahón ut eb' laj tenq' re. Ut chixjunil li roqha' kilajkik'o'k.

Éxodo 10:2

Chi jo'kan laa'at taaye reheb' laawalal jo'wi' reheb' laawi k'aru xinb'aanu reheb' laj Ejiipt, a'eb' li xninqal reetalil li xink'ut chiruheb'; ut laa'ex teenaw naq Laa'inin li Qaawa'”.

Ezequiel 25:17

Tin'eeqajunq sa' xb'eeneb' chi q'axal xiwajelaq rilb'al; k'ajo'aq linjosq'il naq tinrahob'tesiheb'. Ut aran taanawmanq naq laa'in li Qaawa'”.

Ezequiel 32:6

Tint'aqresi li ch'och' rik'in laakik'el; taawulaq toj sa' xb'eeneb' li tzuul ut tixnujob'resi eb' li roq nima'.