Éxodo 7:16 - Q'eqchi Bible

¹⁶ Toxaaye re: «Li Qaawa', li xYoseb' laj Hebreo, xinxtaqla chaq aawik'in chi xyeeb'al aawe: Kanab'eb' chi xik lintenamit re naq tine'xloq'oni chaq sa' li chaqich'och'. Ab'an chalen toj anaqwan ink'a' xawaj rab'inkil.

Li Santil hu

¹⁶ Ut ta̱ye re, “Li Ka̱cuaꞌ Dios lix Dioseb laj hebreo, xtaklan chak cue a̱cuiqꞌuin. Joꞌ aꞌin xye a̱cue: Xcanabakeb chi xic lin tenamit re nak eb aꞌan tineꞌxlokꞌoni saꞌ li chaki chꞌochꞌ. Chalen anakcuan incꞌaꞌ nacacuaj xba̱nunquil li cꞌaꞌru nacuaj chan li Dios a̱cue.

Éxodo 7:16 ပူးပေါင်းရင်းမြစ်များ

Éxodo 3:18

Eb' a'an te'rab'i laawaatin ut laa'at tatxik aawochb'eeneb' li xcheekelaleb' laj Israel rik'in li awab'ej re Ejiipt, toxeeye re: «Li Qaawa', li xYoseb' laj Hebreo, xk'ut rib' chiqu. Naqatz'aama b'i' usilal naq choohaakanab' chi xik sa' li chaqich'och' oxib'aq kutan chi b'e, re naq toomayejaq chiru li Qaawa' li qaYos», cha'qex.

Éxodo 9:1

Toja' naq li Qaawa' kixye re laj Moisés: “Ayu rik'in laj Parahón ut ye re: «Jo'ka'in naxye li Qaawa', li xYoseb' laj Hebreo: Kanab'eb' chi elk lintenamit re naq tine'xloq'oni.

Éxodo 9:13

Kixye li Qaawa' re laj Moisés: “Wulaj eq'la waklin, ayu rik'in laj Parahón ut ye re: «Jo'ka'in naxye li Qaawa', li xYoseb' laj Hebreo: Kanab'eb' chi elk lintenamit re naq tine'xloq'oni.

Éxodo 3:12

Kichaq'ok li Yos ut kixye re: “Laa'in wanqin aawik'in ut a'inaq reetalil naq laa'in xintaqlank aawe: akaq xawisi chaq li tenamit aran Ejiipt, teeloq'oni wu sa' xb'een li tzuul a'in”.

Jeremías 50:33

“Eb' laj Israel ut eb' laj Judá yo xrahob'tesinkileb'; chixjunileb' li xik' neke'ilok reheb' ink'a' neke'xkanab'eb' chi elk.

Isaías 45:13

Laa'in xinwaklesink re laj Siro chi q'axok u ut xintuqub' ru chixjunileb' li b'e chiru. A'an taayiib'anq wi' chik re lintenamit ut taarach'ab'eb' li wankeb' chaq sa' jalanil tenamit, chi ink'a' tixpatz' xtojb'al chi moko xq'ajkamunkil”, chan li Nimajwal Yos.

Éxodo 14:5

Naq kiyehe'k resil li relikeb' laj Israel re li awab'ej re Ejiipt, laj Parahón ut eb' laj tenq' re ke'xjal xk'a'uxl chirixeb' li tenamit: “K'aru xqab'aanu? Xqakanab'eb' laj Israel chi elk cho'q qamoos”, chankeb'.

Éxodo 13:15

Laj Parahón kixkawub'resi xch'ool ut ink'a' kooxkanab' chi elk; jo'kan naq li Qaawa' kixkamsi chixjunileb' li xb'een alalb'ej sa' li tenamit Ejiipt, chalen li xb'een ralal li winq toj rik'in li xb'een ral li xul. Jo'kan naq ninmayeja chiru li Qaawa' chixjunil li xb'een raleb' li xul teelom, ut nink'e ruuchil chixjunil li xb'een alalb'ej sa' xyanqeb' li walal.

Éxodo 10:3

Naq laj Moisés ut laj Aharón ke'wulak rik'in laj Parahón, ke'xye re: “Jo'ka'in naxye li Qaawa', li xYoseb' laj Hebreo: «Toj jo' najtil chik ink'a' taawaj xkub'sinkil aawib' chiwu? Kanab'eb' chi elk lintenamit re naq tine'xloq'oni.

Éxodo 8:20

Kixye li Qaawa' re laj Moisés: “Waklin toj eq'la chi us, ayu rik'in laj Parahón naq a'an taaxik chire li nima', ut taaye re: «Jo'ka'in naxye li Qaawa': Kanab'eb' chi elk lintenamit re naq tine'xloq'oni.

Éxodo 8:1

Kixye li Qaawa' re laj Moisés: “Ayu rik'in laj Parahón chi xyeeb'al re: «Jo'ka'in naxye li Qaawa': Kanab'eb' chi elk lintenamit re naq tinxloq'oni.

Éxodo 3:13

Ab'anan laj Moisés kixye re li Yos: “Wi laa'in tinxik rik'ineb' laj Israel ut tinye reheb': «Li xYos leexe'toonil yuwa' xinxtaqla chaq eerik'in», eb' a'an te'xpatz' we: «Ani li xk'ab'a'?». Toja' naq k'aru tinye reheb'?”.

Éxodo 4:22

Toja' naq taaye re: «Jo'ka'in naxye li Qaawa': Laj Israel a'an li walal, a'an li xb'een walal.

Éxodo 4:23

Jo'kan naq ninye aawe: Kanab' chi xik li walal re naq toxinxloq'oni; ab'an wi ink'a' taakanab' chi xik, laa'in tinkamsi laawalal, a' li xb'een aawalal»”.

Éxodo 7:4

laj Parahón ink'a' texrab'i. Toja' naq tintaqsi li wuq' sa' xb'een Ejiipt ut rik'in xninqal rahilal twisi aran lintenamit, eb' linteepal, a'aneb' laj Israel.