Éxodo 7:11 - Q'eqchi Bible

¹¹ Ab'an laj Parahón kixb'oqeb' li wankeb' xna'leb' ut eb' laj tuul; ut eb' a'an ajwi' ke'xb'aanu a'an rik'in li xna'leb'eb':

Li Santil hu

¹¹ Ut laj faraón quixbokeb li cui̱nk li cuanqueb xnaꞌleb joꞌ eb ajcuiꞌ laj kꞌe li cuanqueb saꞌ li tenamit Egipto. Joꞌ quixba̱nu laj Aarón, joꞌcan ajcuiꞌ queꞌxba̱nu eb aꞌan.

Éxodo 7:11 ပူးပေါင်းရင်းမြစ်များ

Éxodo 7:22

Ab'anan jo'kan ajwi' ke'xb'aanu eb' laj q'e aj Ejiipt rik'in li xna'leb'eb', ut kikawuuk xch'ool laj Parahón ut ink'a' kiraj rab'inkil laj Moisés ut laj Aharón, jo' tz'aqal yeeb'il chaq xb'aan li Qaawa'.

2 Timoteo 3:8

Jo' naq laj Jannés ut laj Jambrés ke'raj raj numtaak sa' xb'een laj Moisés, jo'kaneb' ajwi' a'an ink'a' neke'xk'ulub'an li yaal, q'aajenaqeb' li xk'a'uxl, ut li xpaab'aaleb' maak'a' na'ok wi'.

Éxodo 8:18

Jo'kan ajwi' ke'xyal eb' laj q'e rik'in li xna'leb'eb' re naq te'elq li suq, ab'an ink'a' ke'ruuk: neke'woye'k li winq ut eb' li xul xb'aaneb' li suq.

Éxodo 8:7

Ab'an eb' laj q'e jo'kan ajwi' ke'xb'aanu rik'in li xna'leb'eb', ut ke'xk'e chi taqe'k eb' li amoch sa' xb'een li tenamit Ejiipt.

2 Ts 2:9

Laj q'etol chaq'rab' taachalq rik'in xwankil laj tza naq talaje'wanq xninqal ru b'aanuhom, eetalil ut b'alaq'il sachb'ach'oolej;

Daniel 2:2

Toja' naq li awab'ej kixtaqla xb'oqb'aleb' laj q'e ut eb' laj nawal, eb' laj k'ehol na'leb' jo'wi' eb' laj tz'ilol rixeb' li chahim, re naq te'xch'olob' chiru k'aru xyaalal li xmatk'. Ut naq ke'wulak rik'in,

Génesis 41:8

Naq kisaqewk, k'ajo' xk'a'uxl laj Parahón. Kixtaqla xb'oqb'al chixjunileb' laj q'e ut laj k'ehol na'leb' li wankeb' Ejiipt: kixseeraq'i li xmatk' reheb', ab'an maajun kiruhank chi xtawb'al xyaalal.

Efesios 4:14

Ink'a' chik kama'aqo li kok'al, chi moko eek'asinb'ilaqo ut k'amb'ilaqo xb'aan li iq' yalaq b'ar xb'aan k'a'aq re ru chi na'leb'il li yal naraj xch'ooleb' li winq aj tik'ti' ut aj lab'al, a'eb' li junes b'alaq'il neke'xyoob',

Daniel 5:7

Toja' naq li awab'ej kixjap re chi xb'oqb'aleb' chaq laj q'e, eb' laj nawal ut eb' laj tz'ilol rixeb' li chahim li wankeb' sa' xteepal Babilonia, ut kixye reheb': “Ani taa'iloq re li tz'iib'anb'il chiru li tz'ak ut tixch'olob' li xyaalal, taatiqib'aaq rik'in kaqi aq'ej reetalil li xwankil; taak'eemanq xq'ol oor chi xkux ut a'anaq li roxil chi taqlank sa' lin'awab'ejihom”, chan.

Gálatas 3:1

Ex aj Galacia maak'a' eena'leb'! Ani xtuulank eere? Chi xnaq' eeru xch'olob'amank xyaalal li Jesukriist k'eeb'il chiru krus!

San Mateo 24:24

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq xninqaleb' ru eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

Daniel 5:11

Sa' laa'awab'ejihom wank jun li winq nujenaq chi xmusiq' eb' li loq'laj yos. Chiru li x'awab'ejihom laj Nabukodonosor laayuwa', kik'utunk chi us naq li winq a'an seeb' xk'a'uxl ut jwal chaab'il xna'leb' jo'eb' li yos, ut kixaqab'aak cho'q xjolomileb' laj q'e, eb' laj nawal jo'wi' eb' laj tz'ilol rix li chahim,

Daniel 2:27

Kichaq'ok laj Daniel ut kixye chi jo'ka'in: “Maajun junaq aj q'e, aj nawal, aj k'ehol na'leb' ut aj tz'ilol rixeb' li chahim te'ruhanq chi xch'olob'ankil chawu li taawaj xnawb'al, at awab'ej.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

2 Timoteo 3:9

Ab'an ink'a' ajwi' us taa'elq chiruheb' xb'aan naq ch'olch'ooq chiruheb' chixjunil li tenamit li xmaak'a'ileb' xna'leb', kama' ke'xk'ul li wiib'eb' a'an.

Éxodo 7:12

ke'xkut li xxuq' chixjunqaleb' ut ke'kanaak chi k'anti'il. Ab'anan li xxuq' laj Aharón kixnuq' li xxuq'eb' laj q'e.

1 Samuel 6:2

Toja' naq eb' laj Filistea ke'xb'oqeb' laj tij ut eb' laj q'e ut ke'xpatz' reheb': “K'aru tqab'aanu rik'in li xLoq'laj Kaax li Qaawa'? Yehomaq qe chanru naq tqataqla wi' chik sa' li xna'aj”, chankeb'.

Daniel 4:6

Toja' naq xinb'oqeb' chixjunileb' laj k'ehol na'leb' li wankatqeb' sa' xteepal Babilonia, re naq te'xch'olob' chiwu li xyaalalil li moy u.

Éxodo 8:3

B'ulb'utq li nima' chi amoch: te'taqe'q chaq ut tule'okje'q sa' laawochoch, sa' laawarib'aal ut sa' laach'aat, sa'atqeb' li rochoch eb' laj tenq' aawe ut sa'atqeb' li rochoch laatenamit, sa'atqeb' laa'oorn ut k'uuleb'aal tzekemq.