Éxodo 6:8 - Q'eqchi Bible

⁸ Laa'in texwoksi sa' li ch'och' xinyeechi'i rik'in jurament re laj Abrahán, laj Isahak ut laj Jakob; a'an li tink'e chereechani. Laa'in li Qaawa' Yos»”.

Li Santil hu

⁸ La̱in texincꞌam saꞌ li naꞌajej li quinyechiꞌi reheb laj Abraham, laj Isaac ut laj Jacob. Relic chi ya̱l te̱re̱chani li naꞌajej saꞌ incꞌabaꞌ la̱in. La̱in li nimajcual Dios li nacoloc e̱re, chan li Dios.

Éxodo 6:8 ပူးပေါင်းရင်းမြစ်များ

Génesis 26:3

Wanqat jo' aj numel sa' li ch'och' a'in ut laa'in tatintenq'a ut tatwosob'tesi, xb'aan naq aawe ut reheb' laawalal aak'ajol tink'e chixjunil li na'ajej a'in, ut wank sa' inch'ool li jurament li kinb'aanu rik'in laj Abrahán laayuwa'.

Génesis 15:18

Sa' li kutan a'an li Qaawa' kixk'ojob' jun Sumwank rik'in laj Abrán: “Xink'e li ch'och' a'in reheb' laawalal aak'ajol chalen chaq sa' li nima' re Ejiipt toj sa' li nimla nima', a' li Éwfrates.

Ezequiel 20:42

«Sa' li kutan a'an, naq texwoksi wi' chik sa' xch'och'el Israel, sa' li tenamit kinyeechi'i sa' jurament reheb' leena' leeyuwa', aran teenaw naq laa'in li Qaawa'.

Génesis 14:22

Ab'anan laj Abrán kixye re li awab'ej re Sodoom: “Xinye li waatin chiru Nimajwal Yos, aj yoob'tesinel re li choxach'och',

Ezequiel 47:14

Li ch'och' li kinyeechi'i sa' jurament reheb' leemama' leerixa'an, taajek'imanq ut junnaqik li xb'isb'al naq teeraqaxi reheb' chixjunileb'. A'anaq leereechanihom.

Deuteronomio 32:40

Nintaqsi li wuq' sa' choxa ut ninye: Relik chi yaal naq yo'yookin chi junelik.

Éxodo 32:13

Jultikaq aawe laj Abrahán, laj Isahak ut laj Israel, aj k'anjeleb' chawu, li kayeheb' wi' li jurament a'in: «Tink'e chi k'ihank leeralal eek'ajol jo' xk'ihaleb' li chahim sa' choxa. Chixjunil li ch'och' a'in li xinyeechi'i eere, tink'e reheb' leeralal eek'ajol, ut eb' a'an te'eechaninq re chi junajwa»”.

Génesis 35:12

Li ch'och' li xink'e re laj Abrahán ut re laj Isahak tinq'axtesi aawe jo' ajwi' reheb' laawalal aak'ajol chirix laakamik”.

Génesis 28:13

Kiril ajwi' li Qaawa' wan chaq sa' xb'een li taqleb'aal ut kirab'i li aatin a'in: “Laa'in li Qaawa', xYos laj Abrahán laayuwa' ut xYos laj Isahak. Li ch'och' sotsookat wi' tink'e aawe ut reheb' laawalal aak'ajol.

Ezequiel 36:7

Jo'kan naq laa'in, li Qaawa', ninye injurament naq eb' li tenamit wankeb' chesutam te'kanaaq sa' xutaan.

Ezequiel 20:28

Laa'in kink'ameb' sa' li chaab'il ch'och' li kinyeechi'i reheb' sa' jurament, ut ka'ajwi' ke'ril junaq tzuul najt xteram malaj junaq che' jwal nim li xmu, aran ke'mayejak ut ke'xyeechi'i li ink'a' nawulak chiwu; aran ajwi' ke'xk'at li xpomeb' li jwal sununk xb'ook ut ke'xmayeja li chaab'il b'iin.

Ezequiel 20:23

Sa' ajwi' li chaqich'och' kinye injurament naq tincha'cha'iheb' sa' xyanq chixjunileb' li tenamit sa' ruuchich'och'.

Ezequiel 20:15

«Sa' ajwi' li chaqich'och' kinye injurament naq ink'a' te'ok sa' li na'ajej insik'om cho'q reheb', a' li xq'emal li ch'och' ut jwal chaab'il sa' xyanqeb' chixjunileb' li na'ajej.

1 Samuel 15:29

Li Qaawa' a'an li xloq'al eb' laj Israel, ut ink'a' natik'ti'ik chi moko nawiib'ank xch'ool, xb'aan naq maawa' yal winq re naq tixjal xk'a'uxl”.

Números 23:19

Li Yos maawa' winq: ink'a' natik'ti'ik chi moko naxjal xk'a'uxl. Li k'aru naxye li Yos, naxb'aanu; na'aatinak, ut li raatin taatz'aqloq ru.

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

Éxodo 6:2

Li Qaawa' kiraatina laj Moisés ut kixye re: “Laa'in li Qaawa'.

Apocalipsis 10:6

ut kixye jurament sa' xk'ab'a' li Yos, li yo'yo chi junelik q'e kutan, a' li kiyoob'tesink re li choxa ut chixjunil li wank chisa', li ruuchich'och' rochb'een chixjunil li wank chisa', li palaw rochb'een chixjunil li wank chisa'. Kixye chi jo'ka'in: “Maak'a' chik b'ayk!

Éxodo 13:5

Ut naq li Qaawa' toxatroksi sa' li xch'och'eb' laj Kanahán, laj Hit, laj Amor, laj Jib ut laj Jebús, a' li xq'emal ch'och' kixyeechi'i chaq rik'in jurament reheb' laana' laayuwa', jo'ka'in naq taaninq'ehi sa' li po a'in.

Números 14:30

Relik chi yaal naq maajun taa'ok sa' li na'ajej li kinyeechi'i eere sa' jurament. Ka'ajeb' wi' laj Kaleb, ralal laj Jefuné, ut laj Josué, ralal laj Nun.

Josué 24:13

Kink'e eere jun li ch'och' ink'a' keriila rix; kink'e eere eb' li tenamit ink'a' eek'ojob'ahom; ab'an anaqwan wankex chisa' ut neketzeka li uub' ut li aseytuun li ink'a' eerawom.

Nehemías 9:15

Kataqla chaq li choxahil wa re naq ink'a' chik te'tz'okaaq, ut naq kichaqik reheb', kak'e chi yo'laak li ha' sa' li saqoonak. Chirix chik a'an kaye reheb' naq toxe'reechani li ch'och' kayeechi'i reheb'.

Éxodo 6:4

Xink'ojob' ajwi' jun Sumwank rik'ineb' ut xinye li waatin naq tink'e reheb' li tenamit Kanahán, a' li ch'och' ke'xb'eeni chaq jo' aj numeleb'.

Números 10:29

Sa' jun kutan laj Moisés kixye re laj Jobab li xb'alk, ralal laj Rewel, aj Madián: “Laa'o xik qe sa' li na'ajej kixyeechi'i qe li Qaawa'. Kim chiqix ut sa tatwanq sa' qayanq, xb'aan naq li Qaawa' kixye naq sa te'wanq laj Israel”, chan.

Números 11:12

Ma laa'in tab'i' xinsiyank re chixjunil li tenamit a'in? Ma laa'in tab'i' xin'alank reheb', re naq taaye we: «K'ameb' aawik'in jo' naq laj ilol k'uula'al naxq'alu li k'uula'al toj natu'uk; k'ameb' aawik'in toj sa' li ch'och' kinyeechi'i sa' jurament reheb' li xna' xyuwa'eb'?».

Deuteronomio 4:31

ink'a' texxkanab' eejunes chi moko texxsach chi junajwa, xb'aan naq li Qaawa' leeYos a'an jun Yos aj uxtaan, ut ink'a' taasachq sa' xch'ool li Sumwank kixk'ojob' rik'ineb' leena' leeyuwa'.