Éxodo 5:2 - Q'eqchi Bible

² Ab'an laj Parahón kichaq'ok: “Ani put li Qaawa' re naq tinpaab' xyaab' xkux ut tinkanab' chi elk eb' laj Israel? Ink'a' ninnaw ru li Qaawa' ut ink'a' tinkanab'eb' chi xik laj Israel”, chan.

Li Santil hu

² Ut laj faraón quichakꞌoc ut quixye: —¿Ani li nimajcual Dios re nak tinpa̱b lix chakꞌrab nak tincanabeb laj Israel chi xic? La̱in incꞌaꞌ ninnau ru li nimajcual Dios aꞌan. Incꞌaꞌ tincanabeb chi xic laj Israel.—

Éxodo 5:2 ပူးပေါင်းရင်းမြစ်များ

Éxodo 3:19

Ak ninnaw naq li awab'ej re Ejiipt ink'a' texxkanab' chi xik wi ink'a' ta minb'ilaq ru chi kaw.

Li xHu LAJ JOB 21:15

Ani li Nimajwal Yos naq took'anjelaq chiru? K'aru tqataw chirix re tqapatz' li xk'ab'a'?”.

2 Reyes 18:35

K'a' chi yosil, sa' xyanq chixjunileb' li xyoseb' li tenamit, xkol ta li xtenamit sa' wuq' laa'in? Chan put ru naq li Qaawa' tixkol li tenamit Jerusalén sa' wuq'?»”.

2 Ts 1:8

rik'in raq'xam, ut taa'eeqajunq sa' xb'eeneb' li ink'a' neke'xnaw ru li Yos, eb' li ink'a' neke'xpaab' li xChaab'il Esil li Qaawa' Jesus.

Romanos 1:28

Ink'a' ke'raj xk'uulankil sa' xch'ooleb' li yaal chirix li Yos, jo'kan naq ke'q'axtesiik xb'aan li Yos sa' li xmaa'us aj k'a'uxeb' re te'xb'aanu li moko uxk naraj.

San Juan 16:3

Te'xb'aanu a'in xb'aan naq ink'a' xe'xnaw ru li Yuwa'b'ej chi moko xe'xnaw wu laa'in.

Salmos 14:1

Re li xjolomileb' laj b'ichanel. Xsaalm laj David. Eb' li jip neke'xk'oxla naq maak'a' li Yos. Sachenaqeb', oso'jenaqeb' sa'eb' li xyib' aj na'leb', maajun reheb' nab'aanunk li us.

Salmos 12:4

Xtz'apaq li Qaawa' li xtz'uumal reheb' li neke'b'alaq'ink, xsetaq li ru'uj raq' eb' li neke'xq'etq'eti rib'eb',

Salmos 10:4

Laj maak ink'a' naxsik' li Qaawa' xb'aan naq q'etq'et; junelik naxye sa' xch'ool: “Moko wank ta li Yos!”, chan.

2 Crónicas 32:19

Ke'aatinak chirix li xYos eb' laj Jerusalén, jo' xjuntaq'eetankil rik'in li xyoseb' li xtenamitul li ruuchich'och', li yal yiib'anb'ileb' xb'aaneb' winq.

2 Crónicas 32:15

Jo'kan utan, meek'e eerib' chi b'alaq'iik ut chi q'unb'esiik xb'aan laj Esekías. Meepaab' li k'aru tixye, xb'aan naq maajun xyos junaq tenamit kiruuk xkolb'al li xtenamit sa' wuq', chi moko sa' ruq'eb' linxe'toonil yuwa'. Ma toja' ta chik texxkol leeyos laa'ex sa' wuq'?»”.

1 Samuel 2:12

Eb' li ralal laj Elí ink'a' useb' xna'leb' ut ink'a' neke'xk'e xloq'al li Qaawa',

Éxodo 7:17

Jo'ka'in naxye li Qaawa': Rik'in a'in taanaw naq laa'in li Qaawa'. K'e reetal, tinsak' li roq li nima' rik'in li xuq' li wank sa' wuq' ut taasutq'iiq chi kik'ul.

Jueces 2:10

Ke'kamk ajwi' chixjunileb' li rech yu'amileb' laj Josué; ke'q'ajk ke'sutq'iik rik'ineb' li xxe'xtooneb', ut jalaneb' chik ke'yo'laak chirixeb' a'an: ink'a' neke'xnaw ru li Qaawa' chi moko xnawomeb' li kilajxb'aanu sa' xk'ab'a'eb' laj Israel.

2 Crónicas 32:14

Sa' xyanqeb' chixjunil li xyoseb' li tenamit a'an li ke'sache'k chi junajwa xb'aaneb' linxe'toonil yuwa', ma kiwank tab'i' junaq yos li kikolok re li xtenamit sa' wuq'? Chanru naq nekek'oxka naq texkole'q sa' wuq' xb'aan leeyos laa'ex?

Nehemías 9:10

Kab'aanu xninqal eetalil ut sachb'ach'oolej sa' xb'een laj Parahón, sa' xb'eeneb' laj k'anjel chiru jo'wi' sa' xb'een chixjunil li xtenamit, xb'aan naq aawilom chanru naq ke'xq'etq'eti rib' chiruheb' laj Israel. Jo'kan naq chalen anaqwan nawno aawu yalaq b'ar.

Jeremías 42:13

“Ab'anan, wi laa'ex ink'a' teeraj kanaak sa' li na'ajej a'in, teeraj b'an chik xq'etb'al raatin li Qaawa' leeYos,

Jeremías 48:26

Kaltesihomaq eb' laj Mohab, xb'aan naq xe'xq'etq'eti rib' chiru li Qaawa'. Eb' laj Mohab te'xtolk'osi rib' sa'eb' li xxa'aw ut te'se'eeq xb'aan chixjunileb'.

Daniel 3:15

Anaqwan naq teerab'i chi yaab'asiik li pur, li xolb', li kitaar, li aarp, li tzojtzoj, li tun ut chixjunil li k'iila paay chi wajb', ma teeb'uchub' eerib' chi xloq'oninkil ru li jalam u oor li xink'e chi yiib'aak? Xb'aan naq wi ink'a' teeloq'oni ru, sa' junpaat texkute'q sa' li xam li k'ajo' xtiqwal; toja' naq k'a' chik chi yosil taakoloq eere sa' wuq'?”, chan li awab'ej.

1 Samuel 25:10

Ab'an laj Nabal kixsumeheb': “Ani laj David? Ani li ralal laj Jesé? Sa'eb' li kutan a'in numtajenaqeb' laj mun li yookeb' chi elelik chiruheb' laj eechal reheb'!

Li xHu LAJ JOB 15:25

Naxk'ul chi jo'kan xb'aan naq kixq'etq'eti rib' chiru li Yos; kiraj xnimob'resinkil rib'

Li xHu LAJ JOB 15:26

ut kixkut rib' sa' xb'een li Nimajwal chi wank xk'anjelob'aal re yalok.

Salmos 12:5

eb' li neke'yehok re: “Li ru'uj qaq' a'an qakawilal; li xtz'uumal qe nokooxtenq'a, ani tawi' taataqlanq sa' qab'een?”.

Proverbios 30:9

Mare anchal naq ak xinwa'ak ut xinnujak, tinye: “Ink'a' ninnaw ani li Yos”, cha'qin. Ut wi wanqin sa' neb'a'il, mare tin'ok chi elq'ak ut tink'e chi majewaak laak'ab'a'.