Éxodo 40:35 - Q'eqchi Bible

³⁵ Ink'a' kiruuk laj Moisés chi ok sa' xMuheb'aal li ch'utam, xb'aan naq li choql nahilank aran sa' xb'een, ut nujenaq li Loq'laj Muheb'aal rik'in li xnimal xloq'al li Qaawa'.

Li Santil hu

³⁵ Laj Moisés incꞌaꞌ naru na-oc xban nak sutsu saꞌ chok li tabernáculo, ut nujenak riqꞌuin xlokꞌal li Dios.

Éxodo 40:35 ပူးပေါင်းရင်းမြစ်များ

1 Reyes 8:11

jo'kan naq eb' laj tij ink'a' ke'ruhank chi xb'aanuukil li xk'anjeleb', xb'aan naq li xloq'al li Qaawa' kixnujob'resi li rochoch li Yos.

Isaías 6:4

Naq ki'ab'iik li xyaab' kuxej a'an, eb' li roqechal li okeb'aal ke'eek'anje'k sa' xna'ajeb', ut li kab'l kinujak chi sib'.

2 Crónicas 7:2

jo'kan naq eb' laj tij ink'a' ke'ruhank chi ok chisa'.

Levítico 16:2

Ut li Qaawa' kixye re laj Moisés: “Ye re laj Aharón laawas naq ink'a' chi'ok yalaq jo'q'e sa' li tijob'aal li wank junpak'al li t'ilkem, chi moko chiru li xtz'apb'al xb'een li Loq'laj Kaax, re naq ink'a' taakamq; xb'aan naq laa'in tink'utb'esi wib' sa' jun li choql sa' xb'een li artal.

Apocalipsis 15:8

Ut li santil ochoch kinujak rik'in xsib'el li xloq'al ut li xwankil li Yos: maa'ani naruhank chi ok sa' li santil ochoch toj te'raqe'q li wuqub' chi rahilal wankeb' rik'in li wuqub' chi ánjel.

Números 7:89

Naq laj Moisés ki'ok sa' li Loq'laj Na'ajej re aatinak rik'in li Qaawa', kirab'i li xyaab' xkux sa' xb'een li xtz'apb'al xb'een li xLoq'laj Kaaxil li Sumwank, sa' xyanqeb' li wiib' chi kerubín. Tojo' naq ki'aatinak rik'in li Qaawa'.

1 Reyes 8:10

Naq eb' laj tij ke'elk chaq sa' li Santil Na'ajej, li choql kixnujob'resi li rochoch li Qaawa';

Ezequiel 10:4

Toja' naq li xloq'al li Qaawa' ki'elk sa' xb'eeneb' li kerubín ut koxkanaaq sa' li okeb'aal; li santil ochoch kinujak rik'in li choql, ut kilemtz'uno'k li xloq'al li Qaawa' chiru li neb'aal.

Éxodo 16:10

Toj yo ajwi' chi raatinankil chixjunileb' laj Israel, naq ke'ilok sa' xjayal li chaqich'och', ut k'utaamil chiruheb' sa' choql li xnimal xloq'al li Qaawa'.

Éxodo 29:43

Aran tinwanq laa'in rik'ineb' laj Israel, ut li na'ajej a'an santob'resinb'ilaq xb'aan linloq'al.

Números 9:15

Sa' li kutan naq kixaqab'aak li Loq'laj Na'ajej, kichalk jun li choql sa' xb'een xna'aj li Loq'laj Kaax ut kikanaak aran. Chalen ewu toj eq'la li choql wank sa' xb'een li Loq'laj Na'ajej kama' xam.

Isaías 4:5

tixk'e jun li choql jwal q'oqyink ru chiru li kutan sa' xb'een li tzuul Sión ut sa' xb'een li xLoq'laj Ch'utam; ut chiru q'oqyink taalemtz'uno'q jun lochlookil xam. Ut sa' xb'een chixjunil a'an wanq li xloq'al li Qaawa',

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Ezequiel 43:4

ut li xloq'al li Qaawa' ki'ok sa' li loq'laj ochoch, sa' li okeb'aal li wank sa' xjayal releb'l saq'e.