Éxodo 40:34 - Q'eqchi Bible

³⁴ Toja' naq li choql kixmuheela li xMuheb'aal li ch'utam ut kinujak li Loq'laj Muheb'aal rik'in li xnimal xloq'al li Qaawa'.

Li Santil hu

³⁴ Quicube chak li chok ut quixtzꞌap li tabernáculo. Ut quinujac li tabernáculo riqꞌuin xlokꞌal li Dios.

Éxodo 40:34 ပူးပေါင်းရင်းမြစ်များ

Apocalipsis 15:8

Ut li santil ochoch kinujak rik'in xsib'el li xloq'al ut li xwankil li Yos: maa'ani naruhank chi ok sa' li santil ochoch toj te'raqe'q li wuqub' chi rahilal wankeb' rik'in li wuqub' chi ánjel.

2 Crónicas 7:2

jo'kan naq eb' laj tij ink'a' ke'ruhank chi ok chisa'.

Éxodo 29:43

Aran tinwanq laa'in rik'ineb' laj Israel, ut li na'ajej a'an santob'resinb'ilaq xb'aan linloq'al.

Éxodo 14:24

Ab'an naq hik'e'k re, li Qaawa' ki'ilok toj sa' li xam ut sa' li choql, ut kixsach xwankileb' laj Ejiipt.

Levítico 16:2

Ut li Qaawa' kixye re laj Moisés: “Ye re laj Aharón laawas naq ink'a' chi'ok yalaq jo'q'e sa' li tijob'aal li wank junpak'al li t'ilkem, chi moko chiru li xtz'apb'al xb'een li Loq'laj Kaax, re naq ink'a' taakamq; xb'aan naq laa'in tink'utb'esi wib' sa' jun li choql sa' xb'een li artal.

Éxodo 33:9

Ut naq ak x'ok laj Moisés sa' li Muheb'aal, nakub'e chaq li choql, nahilank chire li Muheb'aal, ut li Qaawa' na'aatinak rik'in laj Moisés.

Apocalipsis 21:3

Ut kiwab'i jun xyaab' kuxej ki'elk chaq sa' li nimajwal k'ojarib'aal, yo chi xyeeb'al chi kaw: “A'an a'in li xmuheb'aal li Yos rik'ineb' li poyanam. Li Yos tixk'ojob' li xmuheb'aal sa' xyanqeb', ut a'anaqeb' li xtenamit ut a'anaq li Yos rik'ineb'.

Hageo 2:9

Q'axal nimaq xloq'al li ochoch a'in chiru li xb'een. Ut sa' li na'ajej a'in tink'e li tuqtuukilal. Laa'in li Qaawa' nim inwankil ninye a'in»”.

Hageo 2:7

ut tweek'asi xch'ooleb' chixjunil li tenamit. Toja' naq chixjunileb' a'an te'xk'amatq chaq li xb'ihomaleb' ut taanujaq li ochoch a'in rik'in linloq'al, chan li Nimajwal Yos.

Isaías 6:4

Naq ki'ab'iik li xyaab' kuxej a'an, eb' li roqechal li okeb'aal ke'eek'anje'k sa' xna'ajeb', ut li kab'l kinujak chi sib'.

2 Crónicas 5:13

Toja' naq sa' komonil ke'ok chi xyaab'asinkileb' li tronpeet ut chi b'ichank chi junaj xyaab' xkuxeb', re yoxink ut xnimankil xk'ab'a' li Qaawa', rik'in xyaab'asinkileb' li xtronpeet, eb' li xtzojtzoj ut li xkomon xwajb'eb'; yookeb' ajwi' chi xb'ichankil: “Chenima ru li Qaawa', xb'aan naq a'an q'axal chaab'il ut li xrahom wank chi junelik”. Sa' ajwi' li honal a'an li rochoch li Yos kinujak rik'in jun li choql.

Éxodo 25:8

Taayiib' jun inSantil Na'ajej re naq tinhilanq sa' xyanqeb'.

Romanos 9:4

A'aneb' laj Israel. Li Yos kixsik'eb' ru cho'q ralal xk'ajol ut kixk'ut li xnimal xloq'al, kixk'ojob' li Sumwank rik'ineb', kixk'e reheb' li Chaq'rab' jo'wi' li xloq'laj yeechi'om, ut kixtzoleb' chirix li loq'onink.

Números 7:89

Naq laj Moisés ki'ok sa' li Loq'laj Na'ajej re aatinak rik'in li Qaawa', kirab'i li xyaab' xkux sa' xb'een li xtz'apb'al xb'een li xLoq'laj Kaaxil li Sumwank, sa' xyanqeb' li wiib' chi kerubín. Tojo' naq ki'aatinak rik'in li Qaawa'.

2 Samuel 7:6

Chalen sa' li kutan naq xe'wisi chaq Ejiipt eb' laj Israel toj anaqwan ink'a' xinwank sa' junaq kab'l, ninwank b'an jo' aj numel yal sa' jun muheb'aal.

Ezequiel 10:4

Toja' naq li xloq'al li Qaawa' ki'elk sa' xb'eeneb' li kerubín ut koxkanaaq sa' li okeb'aal; li santil ochoch kinujak rik'in li choql, ut kilemtz'uno'k li xloq'al li Qaawa' chiru li neb'aal.

Éxodo 16:10

Toj yo ajwi' chi raatinankil chixjunileb' laj Israel, naq ke'ilok sa' xjayal li chaqich'och', ut k'utaamil chiruheb' sa' choql li xnimal xloq'al li Qaawa'.

Salmos 26:8

At Qaawa', k'ajo' ninra li xchaq'alil ru laawochoch, li loq'laj muheb'aal nahilank wi' laaloq'al!

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.