Éxodo 4:31 - Q'eqchi Bible

³¹ Eb' laj Israel ke'xpaab' ut, naq ke'rab'i naq li Qaawa' xulrula'ani li xtenamit ut xk'e reetal li xrahilaleb', ke'xhupub' rib' chi loq'onink.

Li Santil hu

³¹ Ut li cristian queꞌxpa̱b li cꞌaꞌru queꞌyeheꞌ re. Queꞌrabi nak li Ka̱cuaꞌ Dios quixnau li raylal li yo̱queb chixcꞌulbal ut quixtokꞌoba ruheb, queꞌxxulub lix jolomeb ut queꞌxlokꞌoni li Ka̱cuaꞌ Dios.

Éxodo 4:31 ပူးပေါင်းရင်းမြစ်များ

Éxodo 3:18

Eb' a'an te'rab'i laawaatin ut laa'at tatxik aawochb'eeneb' li xcheekelaleb' laj Israel rik'in li awab'ej re Ejiipt, toxeeye re: «Li Qaawa', li xYoseb' laj Hebreo, xk'ut rib' chiqu. Naqatz'aama b'i' usilal naq choohaakanab' chi xik sa' li chaqich'och' oxib'aq kutan chi b'e, re naq toomayejaq chiru li Qaawa' li qaYos», cha'qex.

San Lucas 8:13

Li ke'naqk sa' pek ru a'aneb' li neke'rab'i li Aatin ut neke'xk'ul chi saheb' sa' xch'ool, ab'an maak'a'eb' xxe' rik'ineb': jun k'amok ajwi' neke'xpaab' ut, naq nachalk li aaleek, neke'ch'inank xch'ool.

Éxodo 12:27

teeye reheb': «A'an a'in li mayej re li xPaswa li Qaawa'. Naq kixtiq'eb' laj Ejiipt, tiik kinume'k chire rochocheb' laj Israel aran Ejiipt, ut kixkol li qochoch», cha'qex”. Toja' naq li tenamit ke'xhupub' rib' chi loq'onink.

Éxodo 3:16

Ayu, taach'utub'eb' li xcheekelaleb' laj Israel ut taaye reheb': «Li Qaawa', li xYos leexe'toonil yuwa', li xYos laj Abrahán, laj Isahak ut laj Jakob xk'ut rib' chiwu ut xye we: Xulexwil ut xink'e reetal chixjunil li xek'ul Ejiipt.

Éxodo 2:25

Kirileb' li ralal xk'ajol laj Israel ut kirusilaheb'.

Génesis 24:26

Toja' naq li winq kixhupub' rib' ut kixloq'oni li Qaawa'.

1 Crónicas 29:20

Chirix chik a'an kixye laj David reheb' chixjunil li wankeb' sa' li nimla ch'utam: “Anaqwan chenima xloq'al li Qaawa' leeYos”, chan. Ut chixjunileb' ke'ok chi xloq'oninkil li Qaawa', xYos li xxe'toonil yuwa'eb', ke'wiq'laak ut ke'xhupub' rib' chiru li Qaawa' ut chiru li awab'ej.

Éxodo 3:7

Ab'an li Qaawa' kixye: “Ak xwil chi us li xnimal xrahilal lintenamit aran Ejiipt; xwab'i li xkawil yaab'eb': k'ajo' naq neke'yaab'ak xmaakeb' laj rahob'tesinel reheb'. Ak ninnaw li xrahilaleb'.

San Lucas 1:68

“Usilaatinanb'il taxaq li Qaawa', xYos laj Israel, xb'aan naq kolrula'ani ut kixkol li xtenamit;

2 Crónicas 20:18

Toja' naq laj Josafat kiwiq'laak ut kixhupub' rib' chiru ch'och', ut chixjunileb' laj Judá ut eb' laj Jerusalén ke'xwiq'ib' rib' re xloq'oninkil ru li Qaawa'.

Génesis 17:3

Toja' naq laj Abrán kixhupub' rib' ut ki'aatinaak xb'aan li Qaawa' chi jo'ka'in:

Génesis 29:32

Lix Liiy kikanaak sa' yu'am ut kiwank jun xk'uula'al: aj Rubén kixk'e cho'q xk'ab'a', xb'aan naq kixye: “Li Qaawa' xril xrahilal inch'ool: anaqwan tinxra chik linb'eelom”.

Génesis 50:24

Sa' jun kutan laj José kixye reheb' li ras: “Kamk we, ab'anan ch'olch'o naq li Yos tulextenq'a ut texrisi sa' li tenamit a'in, re texxik sa' li ch'och' kixyeechi'i rik'in jurament re laj Abrahán, laj Isahak ut laj Jakob”.

Éxodo 4:5

“B'aanu chi jo'kan chiruheb' laj Israel re naq te'xpaab' naq li Qaawa' xk'utb'esi rib' chawu, a' li xYos li xxe'toonil yuwa'eb', li xYos laj Abrahán, laj Isahak ut laj Jakob”, chan li Qaawa'.

Éxodo 14:31

Ut naq eb' laj Israel ke'ril k'aru kixb'aanu li Qaawa' reheb' laj Ejiipt rik'in xnimal xwankil li ruq', li tenamit ke'xxiwa ru li Qaawa' ut ke'xpaab' li Qaawa' jo' ajwi' laj Moisés laj k'anjel chiru.

Éxodo 19:8

Ut chixjunil li tenamit wotz ke'xsume: “Taaqab'aanu jo'nimal li xye li Qaawa'”, chankeb'. Toja' naq laj Moisés kixnumsi li xyehom li tenamit chiru li Qaawa'.

Éxodo 19:9

Kixye li Qaawa' re laj Moisés: “K'e reetal, tinchalq aawik'in sa' jun li choql moymoy ru, re naq li tenamit tine'rab'i naq yooqin chawaatinankil, ut chi jo'kan junelik tate'xpaab'”. Naq laj Moisés kixnumsi re li Qaawa' li xyehom li tenamit,

Éxodo 34:8

Sa' junpaat laj Moisés kit'ane'k chi wiq'wo ut kixhupub' rib':

Li xHu LIX RUT 1:6

Toja' naq kiwulak sa' xch'ool elk chaq aran Mohab rochb'een xkab'ichaleb' li ralib', xb'aan naq kirab'i naq li Qaawa' kixtoq'ob'a ru li xtenamit ut maak'a' chik we'ej aran.

Nehemías 8:6

Laj Esdras kixnima li Qaawa' li Nimajwal Yos, ut chixjunil li tenamit ke'xtaqsi li ruq'eb' ut ke'sumenk chi jo'ka'in: “Amén, amén!”, chankeb'. Chirix chik a'an ke'xhupub' rib' ut ke'xloq'oni ru li Qaawa'.

Sofonías 2:7

Ut jo'k'ihaleb' te'kole'q sa' xteepal Judá a'aneb' chik te'eechaninq re li na'ajej a'an. Aran te'xk'aak'ale li xketomqeb' ut te'hilanq sa' rochocheb' laj Askalón, naq li Qaawa' li qaYos tolxtenq'aheb' laj Judá ut tixsutq'isiheb' wi' chik sa'eb' li xna'ajeb'.

Éxodo 33:10

Naq chixjunil li tenamit neke'ril li choql yo chi hilank chire li Muheb'aal, neke'xaqliik ut li junjunq naxhupub' rib' chire li rochoch.

2 Crónicas 7:3

Naq chixjunileb' laj Israel ke'ril li xam ut li xloq'al li Qaawa' yo chi kub'eek sa' xb'een li loq'laj ochoch, ke'wiq'laak ut ke'xhupub' rib' chiru ch'och', ke'yoxink ut ke'xloq'oni ru li Qaawa', yookeb' chi xyeeb'al: “Xb'aan naq a'an jwal chaab'il, li xrahom wank chi junelik”, chankeb'.

2 Crónicas 32:8

Yal winqeb' li rochb'een chaq, a'ut li qochb'een laa'o a'an li Qaawa' li qaYos, re qatenq'ankil chi yalok”, chan laj Esekías. Q'axal ke'ajk xch'ooleb' li tenamit naq ke'rab'i li aatin kixye laj Esekías, awab'ej re Judá.

Li xHu LAJ JOB 1:20

Toja' naq kixaqliik laj Job, kixq'ich li raq' ut kixjo li xjolom. Chirix chik a'an kiwiq'laak, kixchunub' rib' chiru ch'och'