Éxodo 4:15 - Q'eqchi Bible

¹⁵ Taawaatina ut taak'e li aatin sa' re. Laa'in wanqin sa' laawe ut sa' li re, ut tink'ut cheru li tento teeb'aanu.

Li Santil hu

¹⁵ La̱at ta̱cua̱tina aꞌan ut ta̱chꞌolob chiru li cꞌaꞌru tixye. La̱in tintenkꞌa̱nk a̱cue riqꞌuin la̱ cua̱tin joꞌ ajcuiꞌ aꞌan. La̱in tincꞌut che̱ru li cꞌaꞌru te̱ba̱nu.

Éxodo 4:15 ပူးပေါင်းရင်းမြစ်များ

Isaías 51:16

Laa'in xink'e li waatin chi xtz'uumal aawe ut xatinmuheela rub'el inwankil. Laa'in kinhelok re li choxa ut kink'ojob' li ruuchich'och' sa' xna'aj, ut anaqwan ninye re Sión: «Laa'at lintenamit»”.

San Lucas 21:15

xb'aan naq laa'in tink'e eeraatin ut xnimal ru eena'leb' li ink'a' te'ruuq xwech'b'al rix chi moko xsumenkil chixjunileb' li xik' neke'ilok eere.

Deuteronomio 18:18

Laa'in tinwaklesi sa' xyanqeb' li ras riitz'in jun li propeet kama' laa'at; tink'eheb' li waatin sa' re, ut a'an taayehoq reheb' chixjunil li k'aru tinye laa'in.

Números 23:16

Li Qaawa' ki'elk chi xk'ulb'al laj Balaham, kixk'e li raatin sa' xtz'uumal re ut kixye: “Sutq'in wan wi' laj Balak ut taaye li aatin xinnumsi chawu”, chan.

Números 23:12

Kichaq'ok laj Balaham ut kixye: “Ma ink'a' tab'i' tento tinye laa'in li aatin xk'e chi xtz'uumal we li Qaawa'?”, chan.

Números 23:5

Toja' naq li Qaawa' kixye li esil a'in re laj Balaham: “Sutq'in wan wi' laj Balak ut taaye li aatin xinnumsi chawu”, chan re.

Jeremías 1:9

Toja' naq li Qaawa' kixch'e' li xtz'uumal we ut kixye we: “K'e reetal, anaqwan xink'e li waatin sa' xtz'uumal aawe.

Isaías 59:21

“Ut laa'in tink'ojob' jun sumwank eerik'in -chan li Qaawa'-: linmusiq' li xchalk sa' eeb'een ut eb' li waatin li xink'e chi xtz'uumal eere, maajaruj taasachq sa' leech'ool. Wanqeb' junelik sa' leere, sa' reheb' leeralal eek'ajol, ut sa' reheb' li chaaleleb' moqon, chalen anaqwan toj chi junelik”.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

2 Samuel 14:3

Chirix chik a'an ayu rik'in li awab'ej ut ye re li k'aru tinye aawe”, chan laj Johab, ut kixye re li k'aru tento tixye.

Números 22:38

Kichaq'ok laj Balaham: “K'e reetal naq anaqwan xink'ulunk aawik'in. Ab'an ink'a' naru tin'aatinaq yal injunes. Ka'ajwi' li k'aru tixk'ut chiwu li Yos, naru tinye aawe”, chan.

Éxodo 4:12

Jo'kan b'i', ayu: laa'in wanqin sa' laawe ut tink'ut chawu li k'aru toxaaye”.

1 Corintios 11:23

Xb'aan naq li xink'ul laa'in rik'in li Qaawa', a'an ajwi' li xink'ut cheru: naq li Qaawa' Jesus, chiru li q'oqyink yo wi' chi q'axtesiik, kixchap li wa,

Deuteronomio 5:31

A'ut laa'at kanaaqat arin wik'in ut laa'in tinye aawe chixjunileb' linchaq'rab', lintaqlahom ut li waatin tento taak'ut chiruheb', re naq te'xpaab' sa' li na'ajej tink'e chireechaniheb'», chan li Qaawa'.

1 Corintios 15:1

Ex was wiitz'in, ninjultika eere li Chaab'il Esilal xinpuktesi cheru, li xek'ulub'a ut kaw wi' leech'ool.

Éxodo 3:12

Kichaq'ok li Yos ut kixye re: “Laa'in wanqin aawik'in ut a'inaq reetalil naq laa'in xintaqlank aawe: akaq xawisi chaq li tenamit aran Ejiipt, teeloq'oni wu sa' xb'een li tzuul a'in”.

Éxodo 4:28

Toja' naq laj Moisés kixseeraq'i re laj Aharón chixjunil li kichaq'rab'iik wi' xb'aan li Qaawa' jo'wi' chixjunileb' li xninqal eetalil kitaqlaak chi xb'aanunkil.

Éxodo 4:30

Laj Aharón kixye resil jo'ch'inal jo'nimal li yeeb'il chaq xb'aan li Qaawa' re laj Moisés, ut a'in kixb'aanu li xninqal eetalil chiruheb' li tenamit.

Números 16:28

Toja' naq kixye laj Moisés: “Rik'in a'in teenaw naq li Qaawa' xtaqlank chaq we chi xb'aanunkil chixjunil a'in ut moko yal ta xinyoob' wib' injunes.

1 Samuel 16:3

Chirix chik a'an taab'oq laj Jesé chi mayejak ut laa'in tink'ut chawu k'aru taab'aanu. Li ani tinye aawe, a'an li taayul chi aseeyt”, chan li Qaawa'.

Salmos 51:15

re naq tink'ut laachaq'rab' chiruheb' li neke'xq'et laawaatin, ut eb' laj maak te'sutq'iiq chaq aawik'in.

Jeremías 36:32

Toja' naq laj Jeremías kixxok jun chik li b'otb'ookil hu ut kixk'e re laj Baruk, laj tz'iib', ralal laj Nerías; ut a'an ki'ok chi xtz'iib'ankil eb' li aatin yo chi xyeeb'al laj Jeremías: kixtz'iib'a chixjunileb' li aatin jo' kixb'aanu xb'enwa sa' li b'otb'ookil hu kixk'at laj Johakín, awab'ej re Judá. Laj Jeremías kixk'e chi tz'iib'aak naab'al chik chi aatin re xtiqb'al ru li ak kixye.

Salmos 25:12

Ma wank junaq napaab'ank re li Qaawa'? A' ajwi' li Yos taak'utuq chiru li b'e tento tixk'am.