Éxodo 4:1 - Q'eqchi Bible

¹ Kichaq'ok laj Moisés ut kixye: “Chakuy inmaak, ink'a' tine'xpaab', chi moko te'rab'i xyaab' inkux; te'xye b'an: «Ink'a' xk'utb'esi rib' li Qaawa' chawu»”.

Li Santil hu

¹ Tojoꞌnak laj Moisés quichakꞌoc ut quixye: —Eb laj Israel incꞌaꞌ tineꞌxpa̱b ut incꞌaꞌ teꞌraj rabinquil li cꞌaꞌru tinye. Eb aꞌan teꞌxye cue, “Li Ka̱cuaꞌ Dios incꞌaꞌ xcꞌutbesi rib cha̱cuu,” chaꞌkeb.—

Éxodo 4:1 ပူးပေါင်းရင်းမြစ်များ

Éxodo 3:18

Eb' a'an te'rab'i laawaatin ut laa'at tatxik aawochb'eeneb' li xcheekelaleb' laj Israel rik'in li awab'ej re Ejiipt, toxeeye re: «Li Qaawa', li xYoseb' laj Hebreo, xk'ut rib' chiqu. Naqatz'aama b'i' usilal naq choohaakanab' chi xik sa' li chaqich'och' oxib'aq kutan chi b'e, re naq toomayejaq chiru li Qaawa' li qaYos», cha'qex.

Hechos 7:25

Sa' xch'ool laj Moisés naq eb' li ras riitz'in te'xtaw ru naq li Yos taaraj xkolb'aleb' sa' xk'ab'a' a'an; a'ut eb' a'an ink'a' ke'xtaw ru.

Ezequiel 3:14

Li xmusiq' li Yos kinxtaqsi ut kinrisi aran; ut laa'in kohin chi ra sa' linch'ool ut yo injosq'il, chi chapchookin chi kaw xb'aan li ruq' li Qaawa'.

Jeremías 1:6

Ut laa'in kinye: “Toq'ob' wu, at Qaawa', toj saajin chi us ut ink'a' ninnaw aatinak”.

Éxodo 6:30

Ab'an laj Moisés kichaq'ok chiru li Qaawa': “Toq'ob' wu! -chan-. Ch'a'aj li aatinak chiwu. Chan put ru naq tinrab'i laj Parahón?”.

Éxodo 4:31

Eb' laj Israel ke'xpaab' ut, naq ke'rab'i naq li Qaawa' xulrula'ani li xtenamit ut xk'e reetal li xrahilaleb', ke'xhupub' rib' chi loq'onink.

Éxodo 2:14

Kichaq'ok a'an: “Ani xxaqab'ank aawe cho'q aj jolominel ut aj raqol aatin sa' qab'een? Ma nakak'oxla inkamsinkil jo' naq xakamsi laj Ejiipt?”, chan. K'ajo' naq ki'ok xxiw laj Moisés, ut kixye sa' xch'ool: “Ch'olch'o naq xnawmank li k'aru xinb'aanu”.

Éxodo 3:15

Chirix chik a'an li Yos kixye re laj Moisés: “Jo'ka'in taaye reheb' laj Israel: «Li Qaawa' Yos, li xYos leexe'toonil yuwa', li xYos laj Abrahán, laj Isahak ut laj Jakob, xinxtaqla chaq eerik'in». A'inaq link'ab'a' chi junelik, ut a'in tine'xyaab'a wi' li tenamit junq'e junq'e kutan.

Éxodo 3:16

Ayu, taach'utub'eb' li xcheekelaleb' laj Israel ut taaye reheb': «Li Qaawa', li xYos leexe'toonil yuwa', li xYos laj Abrahán, laj Isahak ut laj Jakob xk'ut rib' chiwu ut xye we: Xulexwil ut xink'e reetal chixjunil li xek'ul Ejiipt.

Éxodo 4:10

Kixye laj Moisés re li Qaawa': “Chakuy inmaak, at Qaawa', ch'a'aj li aatinak chiwu. Ut chalen naq xatikib' raatinankil laj k'anjel chawu, jo'kan ajwi' nink'ul. Tat we ut nat'il li ru'uj waq'”, chan.

Éxodo 4:30

Laj Aharón kixye resil jo'ch'inal jo'nimal li yeeb'il chaq xb'aan li Qaawa' re laj Moisés, ut a'in kixb'aanu li xninqal eetalil chiruheb' li tenamit.

Éxodo 6:12

Kichaq'ok laj Moisés chiru li Qaawa': “Toq'ob' wu! -chan-. Wi eb' laj Israel ink'a' nikine'rab'i, ma toja' ta chik tinrab'i laj Parahón? Xb'aan naq ch'a'aj li aatinak chiwu”.

1 Reyes 13:3

Chiru ajwi' li kutan a'an, li propeet kixb'aanu jun nimla sachb'ach'oolej naq kixye: “A'an a'in li xnimal eetalil ut li sachb'ach'oolej tixb'aanu li Qaawa': li artal taajuk'e'q, ut li cha li wank sa' xb'een taapajiiq sa' iq'”.

Jueces 6:17

Toja' naq laj Jedehón kixye: “Wi usilal xintaw chawu, k'ut junaq eetalil chiwu re naq tinnaw naq relik chi yaal laa'at li yookat chi aatinak wik'in.