Éxodo 39:32 - Q'eqchi Bible

³² Jo'ka'in naq kiraqe'k xyiib'ankil chixjunil li Santil Muheb'aal ut li xMuheb'aal li Sumwank. Eb' laj Israel ke'xb'aanu chixjunil jo' kitaqlaak wi' laj Moisés xb'aan li Qaawa': tz'aqal jo'ka'in ke'xb'aanu.

Li Santil hu

³² Joꞌcaꞌin nak queꞌrakeꞌ xyi̱banquil chixjunil li cꞌaꞌru ta̱cꞌanjelak re xyi̱banquil li tabernáculo. Eb laj Israel queꞌxba̱nu chixjunil chi tzꞌakal re ru joꞌ quiyeheꞌ re laj Moisés xban li Ka̱cuaꞌ.

Éxodo 39:32 ပူးပေါင်းရင်းမြစ်များ

Éxodo 25:40

K'e reetal re naq taayiib' a'an jo' chanru kik'ute'k chawu sa' li tzuul.

Hebreos 8:5

Eb' a'in yookeb' chi k'anjelak chiru li yal xmu ut xjalam u li k'aru wank sa' choxa, jo' kik'utb'esiik chaq chiru laj Moisés naq kixtikib' xyiib'ankil li loq'laj Muheb'aal: “K'e reetal -chan li Yos-, chab'aanu chixjunil jo' tz'aqal xk'utb'esiik chaq chawu sa' li tzuul”.

Hebreos 3:2

A'an kipaab'ank chi tz'aqal chiru li Yos li kixaqab'ank chaq re sa' li k'anjel a'in, kama' ajwi' naq kipaab'ank laj Moisés naq kik'anjelak sa' xyanq chixjunileb' li wankeb' sa' rochoch li Yos.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

1 Crónicas 28:19

Chixjunil a'in tz'iib'anb'il reetalil xb'aan li Qaawa' re naq laj David tixnaw chixjunil li k'anjel li tento xb'aanunkil.

1 Samuel 15:22

Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.

Deuteronomio 12:32

“Chepaab' ut chek'anjela ru li xexintaqla wi' chi maak'a' teetiq ru chi moko teerisi.

Números 3:31

A'aneb' a'in li neke'ilok re li Loq'laj Kaax, li meex, li xna'aj kanteel, eb' li artal, li k'a'aq re ru li nak'anjelak re loq'onink, li loq'laj t'ikr ut chixjunil li xk'anjelankil a'an.

Éxodo 40:32

Rajlal naq neke'ok sa' xMuheb'aal li ch'utam ut neke'nach'ok rik'in li artal, neke'ch'ajok chisa', jo' kitaqlaak wi' laj Moisés xb'aan li Qaawa'.

Éxodo 39:33

Kule'xk'ut chiru laj Moisés li Santil Muheb'aal, li Muheb'aal ut chixjunileb' li xk'anjelob'aaleb'; eb' li xchapleb', li tz'alamche', eb' li che' li te'q'e'eb'aaq, eb' li roqechal ut li xna'ajeb' li roq;

Éxodo 39:31

Ke'xb'ak' rik'in jun k'aam li kaqmoqin xb'onol, re naq taawanq sa' xb'een li punit, jo' kichaq'rab'iik wi' laj Moisés xb'aan li Qaawa'.

Éxodo 12:28

Ut eb' laj Israel koheb' ut ke'xb'aanu li ke'taqlaak wi' laj Moisés ut laj Aharón xb'aan li Qaawa'.

Éxodo 31:7

a' li xMuheb'aal li ch'utam, li xLoq'laj Kaaxil li Sumwank, li xtz'apb'al xb'een ut chixjunileb' li xk'anjelob'aal li Muheb'aal;

Éxodo 40:1

Li Qaawa' kiraatina laj Moisés chi jo'ka'in:

Éxodo 40:3

Aran taak'e li xLoq'laj Kaaxil li Sumwank, ut taatz'ap li Loq'laj Kaax rik'in li t'ikr.

1 Reyes 6:38

Ut sa' li xjunlaju chihab' rokik chi awab'ejil, chiru li po Bul, a' li xwaqxaq xpohil li chihab', kichoymank li kab'lak rik'in chixjunil li kik'uub'amank xyiib'ankil. Chiru wuqub' chihab' laj Salomón kixyiib' li rochoch li Qaawa'.

1 Reyes 7:40

Laj Jirán kixyiib' ajwi' li xna'aj li cha, li xokleb' ru xam ut eb' uk'leb' sek'. Jo'ka'in naq laj Jirán kixchoy xyiib'ankil chixjunil li kiyehe'k re xb'aan laj Salomón li awab'ej, cho'q re li rochoch li Qaawa':