Éxodo 39:1 - Q'eqchi Bible

¹ Rik'in kaqinoq' ut moraad, rik'in kaqjorinkil noq' ut chaab'il liin ke'xyiib' li raq'eb' laj tij li te'raq'u naq te'k'anjelaq sa' li Loq'laj Na'ajej. Ke'xyiib' ajwi' li xloq'laj aq' laj Aharón, jo' kitaqlaak wi' laj Moisés xb'aan li Qaawa'.

Li Santil hu

¹ Queꞌxyi̱b li rakꞌeb laj tij li teꞌxqꞌue chirix nak teꞌcꞌanjelak saꞌ li tabernáculo. Queꞌxyi̱b li rakꞌ riqꞌuin li nokꞌ azul, li nokꞌ púrpura ut li nokꞌ cak. Ut queꞌxyi̱b ajcuiꞌ li rakꞌ laj Aarón li xbe̱nil aj tij joꞌ quiyeheꞌ re laj Moisés xban li Ka̱cuaꞌ.

Éxodo 39:1 ပူးပေါင်းရင်းမြစ်များ

Éxodo 31:10

li raq' li xyuwa'il aj tij, li xloq'laj aq' laj Aharón laj tij ut li raq'eb' li ralal li te'raq'u naq te'k'anjelaq cho'q aj tij,

Éxodo 35:23

Jo'k'ihaleb' li wankeb' xkaqinoq' ut moraad, xkaqjorinkil t'ikr, xchaab'il liin, rismal chib'aat, xtz'uumal karneer kaqi xb'onol malaj chaab'il tz'uum, ke'xk'am ajwi' chaq.

Éxodo 35:19

li aq'ej re k'anjelak sa' li Loq'laj Na'ajej, a' li xloq'laj aq' laj Aharón laj tij jo' ajwi' li raq'eb' li ralal naq te'k'anjelaq cho'q aj tij”.

Hebreos 9:25

Li xyuwa'il aj tij na'ok rajlal chihab' sa' li Santil Na'ajej rik'in ab'l aj kik'. Ab'an li Kriist ink'a' ki'ok re xyeechi'inkil rib' k'iila sutaq.

Hebreos 9:12

Ut ki'ok sa' li Santil Na'ajej chi junwaakaj, moko rik'in ta xkik'el teelom chib'aat chi moko rik'in xkik'eleb' kok' wakax, rik'in b'an li xkik'el a'an; ut chi jo'kan kooxkol chi junajwa.

Ezequiel 43:12

A'an a'in li xchaq'rab'il linloq'laj ochoch: chixjunil li ch'och' li wank chi xsutam, a'an santil na'ajej ut q'axal loq'”.

Ezequiel 42:14

Naq eb' laj tij te'ok sa' li xsantil ochoch li Qaawa', ink'a' chik te'elq chaq, wi maji' te'xkanab' li raq'eb' li xe'k'anjelak wi' chiru li Yos, xb'aan naq sant ajwi' li raq'eb'. Naq te'q'axonq rik'ineb' li poyanam, tento naq jalan chik li raq'eb' te'xk'e chirixeb'”.

Salmos 93:5

Q'axal yaal chixjunil laawaatin; laasantilal naxchaab'ilob'resi laawochoch chi junelik q'e kutan, at Qaawa'!

Éxodo 39:41

eb' li raq'eb' laj tij li te'raq'u naq te'k'anjelaq sa' li Loq'laj Na'ajej, a' li xloq'laj aq' laj Aharón laj tij jo' ajwi' li raq'eb' li ralal naq te'k'anjelaq cho'q aj tij.

Éxodo 26:1

“Taayiib' li Loq'laj Muheb'aal rik'in lajeeb' chi ninqi t'ikr kemb'ileb' rik'in b'aqb'il liin li jwal chaab'il, rik'in kaqinoq' ut moraad, ut rik'in kaqjorinkil noq'; ut taayiib' chi pikb'il wiib' kerubín chiruheb'.

Éxodo 25:4

tuuxnoq', kaqinoq' jo' ajwi' moraad, kaqpuq'inkil t'ikr, chaab'il liin, rismal chib'aat,

Éxodo 38:31

li xna'ajeb' li oqech li te'ok chi xsutam li neb'aal, chixjunil li xsutb'al li Santil Muheb'aal ut chixjunil li xsutb'al li neb'aal.

Éxodo 28:5

Te'xchap oor, kaqinoq' ut moraad, kaqjorinkil noq' ut chaab'il liin re xyiib'ankil chixjunil a'an.