Éxodo 38:26 - Q'eqchi Bible

²⁶ li junjunq chi winq li ak xket junmay chihab' kixk'e waqib' graam chi plaat, jo' chanru neke'b'isok sa' li Loq'laj Na'ajej, sut chixjunileb' li k'eeb'ileb' sa' ajl a'aneb' oxib' xjunlajuk'aal xkab' o'q'ob' mil rik'in lajeeb' xwaqxaqk'aal xkab' o'q'ob' (603,550).

Li Santil hu

²⁶ Chixjunileb li cuanqueb junmay chihab reheb, aꞌan cuanqueb cuakib ciento riqꞌuin oxib mil riqꞌuin o̱b ciento riqꞌuin laje̱b roxcꞌa̱l (603,550). Li junju̱nk chi cristian queꞌxqꞌue o̱b roxcꞌa̱l (45) libra li plata joꞌ nequeꞌbisoc saꞌ li tabernáculo.

Éxodo 38:26 ပူးပေါင်းရင်းမြစ်များ

Números 1:46

li xk'ihaleb' li ke'ajlamank sa'eb' li xteepaleb', a'an oxib' xjunlajuk'aal mil rik'in lajeeb' xwaqxaqk'aal xkab' o'q'ob' (603,550).

Éxodo 30:13

A'an a'in li tento tixk'e li junjunq li wank sa' ajl: waqib' oons chi plaat (jo' neke'b'isok sa' li Loq'laj Na'ajej, naraj naxye junmay chi ób'olo li junjunq chi tumin); waqib' oons chi plaat li tento taak'eemanq re li Qaawa'.

Éxodo 12:37

Eb' laj Israel ke'elk aran Ramsés sa' xjayal Sukot: lajeek'aal xkab' o'q'ob' mil (600,000) tana li winq li koheb' chi roq, ink'a' k'eeb'ileb' sa' ajl eb' li kok'al.

San Mateo 17:24

Naq ke'wulak Kafarnaúm, eb' laj titz'ol toj ke'nach'ok rik'in laj Pedro ut ke'xye re: —Ma ink'a' naxk'e li toj laj tzolol eere?

Éxodo 30:12

“Naq taawajlaheb' laj Israel re xnawb'al jo'k'ihaleb', tento naq li junjunq tixtoj re li Qaawa' li xkolb'al rix li xyu'am, naq taak'ehe'q sa' ajl, re naq maak'a'aq rahilal sa' xb'eeneb' sa' li rajlankileb'.

Éxodo 38:27

Li o'laju xka'k'aal kintal chi plaat ki'oksimank re xyiib'ankil li o'k'aal chi na'ajej te'k'ehe'q wi' eb' li roqechal li Loq'laj Na'ajej ut eb' li roqechal li xt'ikrul: lajeeb' xka'k'aal liib'r chi plaat kik'anjelak re xyiib'ankil li junjunq chi xna'ajeb' li oqech.

Números 1:2

“Ajlahomaqeb' chixjunil li xkomonileb' laj Israel, chi teep ut chi junqkab'alil; teetz'iib'a chi junqal li xk'ab'a'eb' li winq.

Números 1:3

Laa'at ut laj Aharón teekawresiheb' chi ch'uut chixjunileb' chalen aj junmay chihab', jo'k'ihaleb' li ak yo'ooneb' chi yalok.

Números 2:32

A'an a'in xk'ihaleb' laj Israel li ke'ajlaak, chi teep ut chi xjunqkab'alileb' li xyuwa'eb'. Li xk'ihal chixjunileb' li winq ke'ajlamank re yalok, a'an oxib' xjunlajuk'aal mil rik'in lajeeb' xwaqxaqk'aal xkab' o'q'ob' (603,550).

Números 26:2

“Ajlahomaq chixjunil li xkomonileb' laj Israel, chi junqkab'alil ut chi teep, chalen aj junqmay chihab', a'eb' li yo'ooneb' chi yalok”, chan.

Números 26:51

Naq ke'ajlamank eb' laj Israel, kik'eemank reetal naq wankeb': jun xjunlajuk'aal xkab' o'q'ob' mil rik'in lajeeb' xwuqlajuk'aal xkab' o'q'ob' (601,730).