Éxodo 38:18 - Q'eqchi Bible

¹⁸ Li t'ikr li ki'ok sa' rokeb'aal li neb'aal a'an chaab'il t'ikr, pikb'il chi us rik'in kaqinoq' ut moraad, rik'in kaqjorinkil noq' ut b'aqb'il liin li jwal chaab'il: wan xwaq moqoj xnimal li roq ut lajeeb' k'utub' xteram malaj xnimal li ru; jo'kan ajwi' chixjunil li t'ilkem sutsu wi' li neb'aal.

Li Santil hu

¹⁸ Cha̱bil xyi̱banquil li tꞌicr li teꞌxqꞌue saꞌ li oqueba̱l re li neba̱l. Queꞌxyi̱b riqꞌuin li nokꞌ azul, li nokꞌ púrpura ut li nokꞌ cak, joꞌ ajcuiꞌ li bakbil nokꞌ lino. Bele̱b metro xnimal rok li tꞌicr ut cuib metro riqꞌuin o̱b xcaꞌcꞌa̱l (25) centímetro lix teram. Juntakꞌe̱t xteram riqꞌuin li tꞌicr re li neba̱l.

Éxodo 38:18 ပူးပေါင်းရင်းမြစ်များ

2 Crónicas 3:14

Kixyiib' ajwi' li chaab'il t'ikr moraad, q'an ut kaq xb'onol, rik'in liin, ut cho'q xsahob' ru kixk'e reetalileb' li kerubín chiru.

Éxodo 26:1

“Taayiib' li Loq'laj Muheb'aal rik'in lajeeb' chi ninqi t'ikr kemb'ileb' rik'in b'aqb'il liin li jwal chaab'il, rik'in kaqinoq' ut moraad, ut rik'in kaqjorinkil noq'; ut taayiib' chi pikb'il wiib' kerubín chiruheb'.

Éxodo 26:36

“Taayiib' ajwi' chi pikb'il jun li t'ikr rik'in kaqinoq' jo'wi' moraad, rik'in kaqjorinkil noq' ut b'aqb'il liin li jwal chaab'il cho'q re rokeb'aal li Muheb'aal.

Éxodo 38:17

Li xna'ajeb' li oqech yiib'anb'ileb' rik'in q'anch'iich', eb' li xchapleb' ut li xt'uyleb' yiib'anb'ileb' rik'in plaat. Jo'kan ajwi' kixletzi rix eb' li xsahob' ru eb' li oqech rik'in plaat, ut kixk'e xt'uyleb' chixjunileb' li roqechal li neb'aal yiib'anb'ileb' rik'in plaat.

Éxodo 38:19

Yiib'anb'ileb' rik'in q'anch'iich' li kaahib' chi oqech ut li kaahib' chi xna'ajeb' neke'ok wi'; yiib'anb'ileb' rik'in plaat eb' li xchapleb' ut li letzlookeb' wi' rixeb' li xsahob' ru li oqech ut eb' li xt'uyleb'.