Éxodo 37:9 - Q'eqchi Bible

⁹ Eb' li kerubín helhookeb' li xxik' sa' xb'een re xmuheelankil li xtz'apb'al, neke'xka'ya rib' chirib'ileb' rib' naq yookeb' chi ilok sa' xjayal li xtz'apb'al xb'een li kaax.

Li Santil hu

⁹ Eb li querubines queꞌxcaꞌya ribeb ut yo̱queb chi iloc saꞌ xbe̱n lix tzꞌapbal re li ca̱x. Lix xiqꞌueb queꞌxhel rib ut queꞌxtzꞌap xbe̱n li ca̱x.

Éxodo 37:9 ပူးပေါင်းရင်းမြစ်များ

1 Pedro 1:12

Li Yos kixk'utb'esi chiruheb' li propeet naq moko cho'q reheb' ta a'an, eere b'an laa'ex taak'anjelaq chixjunil a'in, a' wi' chikeb' li ánjel neke'raj raj xka'yankil. Ut anaqwan a'in xch'olob'aak cheru xb'aaneb' li xe'puktesink re li Chaab'il Esilal eere, rik'in li Santil Musiq'ej taqlanb'il chaq sa' choxa.

Hebreos 1:14

Ma ink'a' tab'i' musiq'ejeb' chixjunileb' a'in, aj k'anjeleb', taqlanb'ileb' chaq chi xtenq'ankileb' li te'eechaninq re li kolb'a ib'?

1 Timoteo 3:16

Relik chi yaal naq q'axal nim li qaloq'laj paab'aal li k'utb'esinb'il chiqu: A'an kixk'utb'esi rib' sa' li qach'och'el qasululel, kixaqab'aak xwankil sa' li Musiq'ej, ki'ile'k xb'aaneb' li ánjel, kipuktesiik resil reheb' li tenamit, kipaab'aak sa' li ruuchich'och' ut kik'ame'k taqe'q sa' xnimal xloq'al.

Filipenses 3:8

A wi' chik a'in: chiwu laa'in chixjunil li k'a'aq re ru maak'a' na'ok wi' sa' xk'ab'a' li xnimal xloq'al xnawb'al ru li Kristo Jesus, linQaawa'. Sa' xk'ab'a' a'an xintz'eq chirix inch'ool chixjunil li k'a'aq re ru ut yal mul aj chik naq nawil, re naq tweechani li Kriist

Efesios 3:10

Chi jo'kan, sa' xk'ab'a' li Iklees, nak'eemank chi nawe'k anaqwan li xnimal xk'a'uxl li Yos chiruheb' li wankeb' xwankil ut neke'taqlank sa' li choxa,

2 Corintios 3:18

Chiqajunilo laa'o li naqajalam'uuchi xloq'al li Qaawa' jo' sa' junaq lem chi maak'a' xtz'apb'al li xnaq' qu, yooko chi jalano'k jo' tz'aqal A'an: rajlal yo chi k'ihank li qaloq'al; ut a'in naxb'aanu li Qaawa' xb'aan naq a'an Musiq'ej.

San Juan 1:51

Ut kixye wi' chik re: —Relik chi yaal ninye eere: teeril li choxa chi teetooq ut eb' li x'ánjel li Yos yooqeb' chi taqe'k ut chi kub'eek sa' xb'een li K'ajolb'ej.

Isaías 6:2

Ut sa' xb'een A'an xaqxookeb' wiib' chi ánjel sutsuukeb' xb'aan li xam; li junjunq wank waqitq xxik': junq sumal li xxik' neke'xtz'ap wi' li xnaq' ruheb', junq sumal tz'aptz'ookeb' wi' li roqeb' ut li junq sumal chik a'an neke'rupupik wi'.

Éxodo 25:20

Ut helhooqaqeb' li xxik' sa' xb'een. Rik'ineb' a'an te'xmuheela li xtz'apb'al, ut te'xka'ya rib' chirib'ileb' rib' naq yooqeb' chi ilok sa' xjayal li xtz'apb'al xb'een li kaax.

Génesis 28:12

Ut kimatk'ek. Kiril sa' xmatk' jun taqleb'aal xaqxo sa' ch'och': li xmaril nawulak toj sa' choxa ut eb' li x'ánjel li Qaawa' neke'taqe'k neke'kub'eek chiru a'an.

Génesis 3:24

Ut naq ak xrisi li winq, kixk'eheb' li kerubín sa' releb'l saq'e, junpak'al li na'ajej Edén. Kixk'e ajwi' jun ch'iich' nareplotk xxamlel, re naq maajun taa'ok wan wi' li che' re li yu'am.

Éxodo 37:8

kixk'e li xb'een kerubín sa' xb'een, chi nim, ut li xkab' chi tz'e; chapcho li xtz'apb'al xb'een li Loq'laj Kaax rik'ineb' li kerubín chi xka'pak'alil.

Éxodo 37:10

Laj Besalel kixyiib' ajwi' li meex rik'in akasya, kaahib' k'utub' xnimal li roq, wiib' k'utub' xnimal li ru ut oxib' li xteram.

1 Reyes 6:27

Laj Salomón kixk'e eb' li wiib' chi kerubín a'in sa' li q'axal Sant li wank chisa' li ochoch. Helho li xxik'eb' li kerubín: li xxik' li jun naxtoch' ru li tz'ak junpak'al, ut li xxik' li jun chik naxtoch' ru li junpak'al chik, ut eb' li wiib'eb' chik neke'xk'ul rib' sa' xyi li ochoch.