Éxodo 36:3 - Q'eqchi Bible

³ Eb' a'in ke'xk'ul sa' ruq' laj Moisés chixjunil li mayej li ke'xyeechi'i eb' laj Israel re naq taayaalo'q li xnimal k'anjel cho'q re li Santil Na'ajej. Ab'an rajlal eq'la eb' laj Israel toj yookatqeb' chi xq'axtesinkil re laj Moisés li na'alaak sa' xch'ooleb'.

Li Santil hu

³ Ut laj Moisés quixkꞌaxtesi reheb li mayej li queꞌxqꞌue laj Israel re teꞌxtiquib xyi̱banquil li cꞌaꞌak re ru ta̱cꞌanjelak re li tabernáculo. Ut rajlal cutan eb laj Israel queꞌxcꞌam lix mayejeb joꞌ qui-ala saꞌ xchꞌo̱leb xqꞌuebal.

Éxodo 36:3 ပူးပေါင်းရင်းမြစ်များ

Éxodo 35:29

Chixjunileb' laj Israel, jo' winq ut ixq, jo'k'ihaleb' li ki'alaak sa' xch'ooleb' xk'amb'al k'a'aq re ru re taa'uxmanq li b'arwan yeeb'il chaq re laj Moisés xb'aan li Qaawa', kole'xyeechi'i li xmayejeb' chiru li Qaawa' chi anchaleb' xch'ool.

Jeremías 21:12

Ex ralal xk'ajol laj David, a'an a'in li naxye li Qaawa': Rajlal kutan b'aanuhomaq li tiikilal; kolomaqeb' li yookeb' chi rahob'tesiik sa' ruq'eb' laj rahob'tesinel. Mare anchal, xb'aan leemaa'usilal, taachalq injosq'il sa' eeb'een jo' li xam, ut maajun chik taaruuq chi chupuk re.

Isaías 50:4

Li Qaawa' xinxtzol chi aatinak jo' xtz'aqal tzolom ut xk'e waatin re xk'ojob'ankil xch'ool li tawajenaq. Rajlal eq'la ninrajsi re naq tink'e inch'ool chi ab'ink, jo' neke'xb'aanu eb' li xtzolom.

Proverbios 8:15

Sa' ink'ab'a' neke'awab'ejink eb' li awab'ej, ut eb' laj nahonel chaq'rab' neke'raqok aatin sa' tiikilal.

Salmos 101:8

Rajlal eq'la tinsach ruheb' li ink'a' useb' xna'leb', ut twisi sa' li xtenamit li Qaawa' jo'k'ihaleb' li neke'b'aanunk li maa'usilal.

Salmos 5:3

At inYos, at Eechal we, chasume taxaq li chajcho we chi xpatz'b'al, xb'aan naq aawik'in nin'elajink, at Qaawa'.

Éxodo 35:27

Eb' li xb'eenil li tenamit ke'xk'am chaq li ónice ut eb' li chaab'il pek re te'k'eemanq cho'q xsahob' ru li efod ut li pektoral;

Éxodo 36:2

Laj Moisés kixb'oq laj Besalel, laj Oholiab ut chixjunileb' li winq seeb'eb' xch'ool li k'eeb'ileb' xna'leb' xb'aan li Qaawa', jo'k'ihal li neke'reek'a sa' xch'ooleb' okenk chi xb'aanunkil junaq k'anjel.

Éxodo 36:4

Jo'kan naq eb' laj yiib'ahom re li Santil Na'ajej ke'xkanab' li xk'anjeleb' chixjunqaleb'

Amós 4:5

K'atomaq leewa li ink'a' yuub'il, cho'q re b'anyoxink, ut yalaq b'ar yehomaq resil leemayej li x'alaak sa' eech'ool xyeechi'inkil, xb'aan naq a'an li nawulak cheru xb'aanunkil, ex ralal xk'ajol laj Israel”, chan li Qaawa'.