Éxodo 35:2 - Q'eqchi Bible

² Chiru waqib' kutan texk'anjelaq, ab'an li xwuq kutan oxloq'oninb'ilaq eeb'aan, a'anaq tz'aqal hilob'aal kutan sa' xk'ab'a' li Qaawa'. Chixjunileb' li te'k'anjelaq sa' li kutan a'an, te'kamq.

Li Santil hu

² Cuakib cutan ajcuiꞌ textrabajik ut saꞌ li xcuuk li cutan texhila̱nk xban nak li cutan aꞌan santobresinbilak re nak te̱qꞌue xlokꞌal li Ka̱cuaꞌ. Ani ta̱trabajik saꞌ li hiloba̱l cutan, aꞌan ta̱camsi̱k.

Éxodo 35:2 ပူးပေါင်းရင်းမြစ်များ

Levítico 23:3

“Waqib' kutan tatk'anjelaq, ab'an sa' xwuq li kutan tathilanq, a'an hilob'aal kutan re jun loq'laj ch'utam. Yalaq b'ar wanqat, a'anaq hilob'aal kutan sa' xk'ab'a' li Qaawa'.

Éxodo 34:21

“Waqib' kutan tatk'anjelaq, ab'an sa' li xwuq tathilanq; tathilanq sa' xq'ehil li awk ut li q'olok.

Éxodo 23:12

“Chiru waqib' kutan tatk'anjelaq, ab'an sa' li xwuq tathilanq, re naq te'hilanq laab'ooyx ut laab'uur, ut te'k'ulunq xch'ool li xyum laamoos ut li jalan xtenamit.

San Juan 5:16

Jo'kan naq eb' laj Judiiy ke'xsik' li Jesus re xchapb'al, xb'aan naq naxb'aanu a'in sa' sábado.

Éxodo 16:23

ut a'an kixsumeheb': “A'an a'in li xtaqlahom li Qaawa': Wulaj li hilob'aal kutan, jun sábado li tento xq'axtesinkil re li Qaawa'. Chiqomaq li tento xchiqb'al, woqximaq li woqxiik taaraj; ut li taa'ela'anq k'uulahomaq cho'q re wulaj”, chan.

Isaías 58:13

“Chawoxloq'i li kutan sábado ut matyakok sa' linsantil kutan. Chaye re li kutan a'an: «sahil kutan», «loq'laj kutan», cha'qat re li xsantil kutankil li Qaawa'; chawoxloq'i ut matxik chik b'araq, matyakok sa' li sábado chi moko taab'aanu li nakawaj aajunes aawib'.