Éxodo 34:7 - Q'eqchi Bible

⁷ Xaqxo linrahom chiru k'iila o'q'ob' chihab' ut ninkuy li maa'usilal, li q'etq'etil ut li maak; ab'an ink'a' ninkanab'eb' laj maak chi maak'a' ta xtojb'aleb' rix li xb'aanuhom, ut ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i”.

Li Santil hu

⁷ La̱in chi qꞌuila okꞌob li cristian nacuuxta̱naheb ru. Nincuy li qꞌuila ma̱c li nequeꞌxba̱nu. Eb li nequeꞌma̱cob teꞌxtoj rix lix ma̱c. Ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb, chan li Dios.

Éxodo 34:7 ပူးပေါင်းရင်းမြစ်များ

Salmos 103:3

A'an nakuyuk re chixjunil linmaak ut naxk'irtasi chixjunil linyajel;

Efesios 1:7

Sa' xk'ab'a' A'an wank qakolb'al xb'aan li xkik'el, wank xkuyb'al xsachb'al qamaak, sa' xk'ab'a' li xnimal rusilal

Jeremías 32:18

Laa'at nakawuxtaana ruheb' li k'iila o'q'ob' chi poyanam, ab'anan nakarahob'tesiheb' ajwi' eb' li winq xb'aan li xmaakeb' li xna' xyuwa'eb'. At Nimajwal Yos li rajawal kaw aawib'; laak'ab'a' laa'at a'an Nimajwal Yos!

1 Juan 1:9

Ab'an wi naqaxooto li qamaak, li Yos chaab'il ut tiik xch'ool chi xkuyb'al xsachb'al qamaak ut chi qach'ajob'resinkil chiru chixjunil qamaa'usilal.

Daniel 9:9

At Qaawa', at qaYos, laa'at aj uxtaanat ut nakatoq'ob'a qu, us ta xqaq'etq'eti qib' chawu

Salmos 130:4

Ab'an laa'at nakakuy nakasach li qamaak, jo'kan naq aak'ulub' naq tatqoxloq'i.

Li xHu LAJ JOB 10:14

laa'at nakawil linb'aanuhom re xk'eeb'al reetal ma wank inmaak, ut chi jo'kan naru tinaak'e chi xtojb'al linmaak.

Éxodo 23:7

“Maaye li tik'ti' sa' raqleb'aal aatin; maak'e chi kamsiik li ani maak'a' xmaak ut tiik xch'ool, chi moko taaye naq maak'a' xmaak li ink'a' us xch'ool.

Nahum 1:6

Ani taaruuq taakuyuq re li xjosq'il? Ani taawanq chi xaqam chiru naq taajosq'o'q? Li xjosq'il naxpuka rib' chanchan li xam, ut chiru A'an neke'xjor rib' eb' li saqoonak.

Daniel 9:4

Kinxooto li qamaak chiru li Qaawa' linYos ut kinye re: «At Qaawa', at Nimajwal Yos nim aawankil, laa'at junelik nakapaab' laaSumwank ut nakak'ut naq xaqxo laarahom rik'ineb' li neke'rahok aawe ut neke'xpaab' laachaq'rab'.

Hebreos 12:29

xb'aan naq li qaYos a'an jo' jun li xam k'ajo' nasachok.

Efesios 4:32

Chaab'ilaqex b'an cherib'il eerib', aj uxtaanaqex, chekuyaq eemaak cherib'il eerib', jo' ajwi' naq li Yos kixkuy eemaak sa' xk'ab'a' li Kriist.

Salmos 86:15

Ab'an laa'at, at Qaawa', laa'at jun Yos aj uxtaan ut chaab'ilat, ink'a' nakatjosq'o'k sa' junpaat, numtajenaq b'an laarahom ut li xtiikilal laach'ool:

Miqueas 7:18

Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

Nehemías 9:32

“Jo'kan utan, at Qaawa', at qaYos nim aawankil ut xiwajel aawu, li junelik nakapaab' li sumwank ut laarahom, k'e reetal chixjunileb' li rahilal ke'chalk sa' qab'een, sa' xb'eeneb' li qa'awab'ej ut eb' laj k'amol qab'e, eb' laj tij ut eb' li propeet, sa' xb'eeneb' li qana' qayuwa' ut chixjunil li qatenamit, chalen sa'eb' li kutan naq ke'wank li awab'ej re Asiria toj anaqwan.

Nehemías 1:5

Ut kinye re: “At Qaawa', at Eechal re li choxa, laa'at li Nimajwal Yos ut xiwajel aawu! Junelik wank sa' laach'ool li loq'laj sumwank ut laarahom cho'q reheb' li neke'rahok aawe ut neke'xpaab' laachaq'rab'.

Hechos 13:38

Chenawaq b'i', ex was wiitz'in, naq sa' xk'ab'a' li Jesus nayeemank eere resilal li kuyuk sachok maak. Ut li tiikob'resink ch'oolej li ink'a' xetaw sa' xk'ab'a' xChaq'rab' laj Moisés

Hechos 5:31

A'an li kitaqsiik xb'aan li Yos toj sa' xnim uq' cho'q aj jolominel ut aj kolonel, re xk'eeb'al reheb' laj Israel li yot'b'ach'oolej jalb'ak'a'uxl jo'wi' li xkuyb'al xsachb'aleb' li xmaak.

Josué 24:19

Ab'an laj Josué kixye reheb' li tenamit: “Laa'ex ink'a' texruuq chi k'anjelak chiru li Qaawa', xb'aan naq a'an santil Yos, a'an jun Yos aj sowen li ink'a' texkuy rik'in leeq'etq'etil chi moko tixkuy leemaak.

Deuteronomio 32:35

cho'q re xkutankil li tojb'amaak, naq laa'in tink'e reeqaj li xb'aanuhomeb' ut taachalq xq'ehil li xt'anikeb'? Chalk re xkutankil li xsachikeb', chi seeb' taachalq li roso'jikeb'.

Éxodo 23:21

Wanqat sa' xyaalal chiru ut chawab'i xyaab' xkux. Maaq'et li raatin: a'an ink'a' tixkuy eemaak xb'aan naq wankin rik'in.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Apocalipsis 20:15

Ut yalaq ani ink'a' kitawe'k xk'ab'a' chi tz'iib'anb'il sa' li xhuhil li yu'am, kikute'k ajwi' sa' li palaw xam.

San Lucas 7:48

Ut kixye re li ixq: —Kuyb'ileb' sachb'ileb' chik laamaak.

San Lucas 7:42

Naq kiril naq maak'a' k'aru te'xtoj wi', laj k'ehol to' kixsacheb' li xk'as xkab'ichaleb'. Ani reheb' a'an li q'axal taarahoq re?

San Mateo 12:31

“Jo'kan naq ninye eere: yalaq k'aru li maak ut majewank taakuymanq taasachmanq chiruheb' li winq, ab'an li xmajewankil li Musiq'ej ink'a' taakuymanq taasachmanq.

Miqueas 6:11

Chanru naq tinkuy xmaak li na'oksink li b'isleb' ink'a' tz'aqal ut li b'alaq'il b'iis?

Isaías 45:21

Aatinanqex chi xkolb'al eerib'; wi teeraj, patz'omaq eerib' cherib'il eerib': Ani xk'ehok chi nawe'k a'in chalen chaq sa' xtiklajik? Ani ak xyehom chaq chalen chaq junxil? Ma maawa' tab'i' laa'in li Qaawa'? Maak'a' chik junaq yos chiwu laa'in. Laa'in li Yos tiik inch'ool ut aj kolonelin; maak'a' chik junaq yos chiwu laa'in.

Salmos 136:15

Kixkut laj Parahón rochb'eeneb' laj puub' sa' li palaw, li xnimal xrahom wank chi junelik!

Salmos 136:10

Kixk'eheb' chi kamk li xb'een ralaleb' laj Ejiipt, li xnimal xrahom wank chi junelik!

San Mateo 6:12

ut chakuy chasach ta li qamaak jo' laa'o xqakuyeb' xmaak li xe'maakob'k chiqu.

Génesis 19:16

A'ut laj Lot toj yo chi xk'oxlankil. Jo'kan naq li wiib' chi winq xb'aan xnimal ruxtaan li Qaawa' ke'xchap chi ruq'; ke'xchap ajwi' li rixaqil ut xkab'ichaleb' li xrab'in, ut chixjunileb' ke'isiik chirix li tenamit.

Éxodo 33:19

Kichaq'ok li Qaawa': “Laa'in tinnumsi chixjunil li wusilal chaka'yab'aal ut tinye aawe link'ab'a'. Xb'aan naq nawusilaheb' li nawaj rusilankileb', ut nawuxtaanaheb' li nawaj ruxtaanankileb'.

Éxodo 34:9

“At Qaawa', at inYos, wi relik chi yaal naq usilal xintaw chawu, chalqat qik'in, us ta laa'o jun tenamit kaw qajolom -chan laj Moisés-. Chakuy chasach li qamaak ut li qamaa'usilal, ut choohaak'ul cho'q tz'aqal aaweechanihom”.

Deuteronomio 7:9

K'e b'i' sa' xnaq' aawu naq li Qaawa' laaYos a'an tz'aqal Yos, a' li Yos tiik xch'ool li naxpaab' li xSumwank ut junelik wank li xrahom rik'ineb' li neke'rahok re ut neke'xpaab' li xchaq'rab'.

Deuteronomio 7:10

Ab'anan naxrahob'tesiheb' sa' li xjunxaqalileb' li xik' neke'ilok re, ut chi junpaat naxsacheb' ru. Maak'a' xkuyum rik'in li natz'eqtaanank re, ut naxk'e chi xtojb'al rix li xmaak.

1 Reyes 8:30

Chawab'i li xtij laj k'anjel chawu ut li xtz'aamahomeb' laatenamit Israel naq te'tijoq arin. Choohaawab'i sa' laana'aj, toj sa' li choxa; choohaawab'i ut chakuy qamaak.

2 Crónicas 30:9

Wi laa'ex texsutq'iiq wi' chik rik'in li Qaawa', te'uxtaanaaq ruheb' leeras eeriitz'in ut leeralal eek'ajol xb'aaneb' li ke'k'amok reheb' chi preexil, ut te'sutq'iiq chaq sa' li na'ajej a'in, xb'aan naq li Qaawa' leeYos a'an chaab'il xch'ool ut aj uxtaan: ink'a' chik texxtz'eq chirix xch'ool wi texsutq'iiq rik'in”.

Jeremías 9:24

Li ani naraj xnimankil rib', xnimaaq rib' rik'in a'in: naq naxnaw wu ut naxtaw ru naq laa'in li Qaawa', li nin'uxtaanak u ut ninxaqab' xwankil li tiikil ch'oolej ut li yaal sa' ruuchich'och'. Xb'aan naq a'an a'in li nawulak chiwu”, chan li Qaawa'.

1 Reyes 8:32

chawab'i laa'at toj sa' choxa. Oken ut raqon aatin sa' xb'eeneb' laj k'anjel chawu. Chach'olob' xmaak li ink'a' us xna'leb', re naq tixtoj rix li xmaakob'k wi', ut taakoleb' rix li tiikeb' xch'ool.

Salmos 25:11

Sa' xk'ab'a' xnimal aarahom chinaakuy, at Qaawa', xb'aan naq q'axal nim linmaak.

Salmos 99:8

At Qaawa', at qaYos, laa'at kasumeheb' ut kak'ut naq laa'at jun Yos aj uxtaan rik'ineb', us ta kak'eheb' chi xtojb'al li xmaakeb'.

Salmos 109:14

Chijultikamanq chiru li Qaawa' li xmaak li xna' xyuwa', ut ink'a' chisachmanq li k'aru kimaakob'k wi' li xna'.

Jeremías 30:11

Laa'in, li Qaawa', ninye li waatin naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.