Éxodo 33:9 - Q'eqchi Bible

⁹ Ut naq ak x'ok laj Moisés sa' li Muheb'aal, nakub'e chaq li choql, nahilank chire li Muheb'aal, ut li Qaawa' na'aatinak rik'in laj Moisés.

Li Santil hu

⁹ Nak laj Moisés na-oc saꞌ li tabernáculo, li chok nacube ut nacana saꞌ li oqueba̱l. Ut li Dios naa̱tinac riqꞌuin laj Moisés.

Éxodo 33:9 ပူးပေါင်းရင်းမြစ်များ

Salmos 99:7

Kiraatinaheb' chaq toj sa' li choql, ut eb' a'an ke'xpaab' li raatin ut li xloq'laj chaq'rab' k'eeb'il reheb'.

Éxodo 31:18

Naq li Qaawa' kiraqe'k chi aatinak rik'in laj Moisés sa' li tzuul Sinaí, kixk'e re li wiib' chi perpookil pek re li Sumwank, a'eb' li perpookil pek tz'iib'anb'ileb' xb'aan li ru'uj ruq' li Yos.

Ezequiel 3:22

Li Qaawa' kixk'e li ruq' sa' inb'een ut kixye we: “Xaqlin, ayu sa' li taq'a ru, ut aran tin'aatinaq aawik'in”, chan.

Números 11:17

Laa'in tinkub'eeq chi aatinak aawik'in aran; tink'e reheb' kach'inaq li musiq'ej wank aawik'in re naq tate'xtenq'a chi rilb'al li tenamit a'in. Chi jo'kan ink'a' wanqat aajunes.

Éxodo 34:9

“At Qaawa', at inYos, wi relik chi yaal naq usilal xintaw chawu, chalqat qik'in, us ta laa'o jun tenamit kaw qajolom -chan laj Moisés-. Chakuy chasach li qamaak ut li qamaa'usilal, ut choohaak'ul cho'q tz'aqal aaweechanihom”.

Éxodo 34:3

Ab'an maajunaq aawochb'een naq tattaqe'q, ut maajun chiwanq chiru chixjunil li tzuul. Chi moko karneer chi moko b'ooyx chi'ichajib'q chiru li tzuul”.

Éxodo 33:11

Li Qaawa' na'aatinak tz'aqal chiru laj Moisés jo' na'aatinak junaq winq rik'in li ramiiw. Chirix chik a'an laj Moisés nasutq'iik sa' rochocheb' laj Israel; ab'an laj tenq' re, a' li xsaaj alal laj Nun, aj Josué xk'ab'a', toj nakanaak sa' li Muheb'aal.

Éxodo 25:22

Aran tink'utb'esi wib' chawu: sa' xb'een li Loq'laj Kaax, sa' xyiheb' li wiib' chi kerubín li wankeb' sa' xb'een li xLoq'laj Kaaxil li Sumwank, laa'in tinye aawe chixjunil laataqlankil cho'q reheb' laj Israel.

Génesis 18:33

Naq kiraqe'k chi aatinak rik'in laj Abrahán, li Qaawa' ki'elk aran ut laj Abrahán kisutq'iik sa' rochoch.

Génesis 17:22

Naq kiraqe'k chi aatinak, ki'elk li Yos ut kixkanab' xjunes laj Abrahán.

Éxodo 33:8

Naq naxik laj Moisés sa' li Muheb'aal, chixjunil li tenamit neke'xaqliik ut neke'kanaak chi xaqxo chire li rochocheb' toj reetal neke'ril naq na'ok laj Moisés sa' li Muheb'aal.

Éxodo 33:10

Naq chixjunil li tenamit neke'ril li choql yo chi hilank chire li Muheb'aal, neke'xaqliik ut li junjunq naxhupub' rib' chire li rochoch.

Éxodo 34:5

Toja' naq li Qaawa' kama' li choql naq kikub'e chaq ut kolkanaaq aran, chi xk'atq laj Moisés, ut a'in kixyaab'a xk'ab'a' li Qaawa'.

Deuteronomio 31:14

Chirix chik a'an li Qaawa' kixye re laj Moisés: “K'e reetal, li xkutankil laakamik nach' chik wank. B'oq chaq laj Josué ut wulaqex sa' li Loq'laj Muheb'aal, re naq tinye re li k'aru tento tixb'aanu”, chan. Koheb' laj Moisés ut laj Josué, ut ke'wulak sa' li Loq'laj Muheb'aal.

Deuteronomio 31:15

Ut li Qaawa' kixk'ut rib' aran, sa' jun li choql xaqxo sa' xb'een rokeb'aal li Loq'laj Muheb'aal.

Números 7:89

Naq laj Moisés ki'ok sa' li Loq'laj Na'ajej re aatinak rik'in li Qaawa', kirab'i li xyaab' xkux sa' xb'een li xtz'apb'al xb'een li xLoq'laj Kaaxil li Sumwank, sa' xyanqeb' li wiib' chi kerubín. Tojo' naq ki'aatinak rik'in li Qaawa'.