Éxodo 33:4 - Q'eqchi Bible

⁴ Naq eb' li tenamit ke'rab'i li kawil aatin a'in, ke'raho'k xch'ool ut maajun kixtiqib' rib' rik'in chaab'il aq'ej,

Li Santil hu

⁴ Nak queꞌrabi nak li Dios quia̱tinac riqꞌuin cacuil a̱tin, queꞌrahoꞌ xchꞌo̱leb li tenamit. Ut incꞌaꞌ chic queꞌrocsi lix sahob ru li rakꞌeb.

Éxodo 33:4 ပူးပေါင်းရင်းမြစ်များ

Números 14:39

Naq laj Moisés kixye reheb' chixjunileb' laj Israel li xyehom li Qaawa', k'ajo' naq ke'raho'k xch'ool li tenamit!

Ezequiel 26:16

Chixjunileb' li x'awab'ej eb' li tenamit wankeb' sa' sutha', te'elje'q sa' xk'ojarib'aaleb', te'risi li xb'atb'aleb' chirixeb' ut te'xkanab' li raq'eb' uutz'u'ujinb'il ru. K'ajo'aq xxiweb' naq te'xk'ojob' rib' chiru ch'och'; siksootqeb' ut sachsooqeb' xch'ool xb'aaneb' xxiw chawilb'al.

Ezequiel 24:23

b'atb'ooq leejolom sa' t'ikr ut wanq leexaab' cheroq. Miraho'k leech'ool chi moko texyaab'aq; tex'oso'q b'an sa' leemaak ut teeq'oqo aj chik eerib' chejunjunqal.

Ezequiel 24:17

Maak'ut xrahil laawaanm, yalaq kuy li rahilal chirix li kamenaq: b'at laajolom sa' t'ikr, k'e laaxaab' chawoq; maatz'ap li xnaq' aawu, chi moko taawa' li xwahil li rahil ch'oolej”.

Números 14:1

Toja' naq chixjunil li komonil ke'ok chi xjapb'al reheb' ut ke'xnumsi q'oqyink chi yaab'ak.

Zacarías 7:5

“Ye reheb' chixjunil li tenamit jo'wi' reheb' laj tij chi jo'ka'in: «Laa'ex nekex'ayuunik ut nekexyaab'ak chiru li ro' ut xwuq po chalen chaq lajeeb' xkaak'aal chihab' toj anaqwan; ab'an moko nekeb'aanu ta a'an re inloq'oninkil laa'in.

Zacarías 7:3

jo' ajwi' re xpatz'b'al reheb' li propeet ut eb' laj tij li yookeb' chi k'anjelak sa' rochoch li Nimajwal Yos: “Ma toj wanq li rahil ch'oolejil ut li ayuunik sa' ro' li po, rajlal chihab', jo' naqab'aanu chalen toj anaqwan?”, chankeb'.

Jonás 3:6

Naq li awab'ej re Nínive kirab'i resil a'an, ki'elk sa' li xk'ojarib'aal, kirisi li xchaab'il aq' chirix ut kixk'e xq'esnal ru t'ikr chirix; toja' naq kixchunub' rib' sa' cha.

Oseas 7:14

Moko anchaleb' ta xch'ool naq neke'tz'aamank chiwu naq yookeb' chi tz'uyink chiru li xch'aateb'. Yal re xtz'aamankil li triiw ut li b'iin naq neke'xlet'exi li xtib'eleb'. Chi jo'kan xe'xq'etq'eti rib' chiwu.

Isaías 32:11

Laa'ex li maak'a' nekek'oxla, okaq b'ayaq eexiw, t'urub'omaq eerib', isihomaq leeraq' cherix ut tiqib'omaq eerib' rik'in q'es ruhil t'ikr, reetalil li xrahil leech'ool;

Li xHu LAJ JOB 2:12

Chi najt ke'ril chaq laj Job ut ink'a' ke'xnaw ru. Ab'anan naq ke'nach'ok rik'in, k'ajo'eb' chi yaab'ak. Tikto ke'xq'ich li raq'eb' ut ke'xk'e li pojtz' sa' xjolomeb' cho'q reetalil li xrahil xch'ooleb'.

Li xHu LAJ JOB 1:20

Toja' naq kixaqliik laj Job, kixq'ich li raq' ut kixjo li xjolom. Chirix chik a'an kiwiq'laak, kixchunub' rib' chiru ch'och'

Esdras 9:3

Naq kiwab'i a'in, kinq'ich li waq' ut linb'aatal, kinmich' rismal linjolom ut linmach, ut kink'ojlaak chi q'axal ra sa' inch'ool.

2 Reyes 19:1

Naq laj Esekías li awab'ej kirab'i li kiyehe'k re, kixq'ich li raq', kixtiqib' rib' rik'in q'es ruhil t'ikr ut koho sa' rochoch li Qaawa'.

1 Reyes 21:27

Naq laj Ajab kirab'i a'in, kixq'ich li raq', kixlan rib' sa' saak ut ink'a' chik kiwa'ak. Nawark chi wank li saak chirix ut naxulnak aj chik nab'eek.

2 Samuel 19:24

Laj Mefibahal ajwi', ri laj Saúl, kikub'e chaq chi xk'ulb'al li awab'ej. Chalen naq koho li awab'ej toj sa' li kutan naq kisutq'iik Jerusalén sa' tuqtuukilal, ink'a' kixch'ajeb' li roq, chi moko kixk'os li xmach ut kixpuch' li raq'.

Levítico 10:6

Chirix chik a'an laj Moisés kixye re laj Aharón ut reheb' li ralal, a' laj Elehasar ut laj Itamar: “Meehit leerismal chi moko teeq'ich leeraq' re xk'utb'al xrahil eech'ool. Mare anchal texkamq ut taachalq xjosq'il li Yos sa' xb'een li komonil. Li tento te'yaab'aq wi' leerech aj Israelil, a'an: naq xraho'k xch'ool li Qaawa' ut xtaqla chaq li xam.

Éxodo 33:6

Jo'kan naq chalen sa' li tzuul Horeb eb' laj Israel ke'risi chirixeb' li xchaab'il aq'eb'.

1 Samuel 6:19

Sa' xyanqeb' laj Bet-Semes wankeb' ink'a' ke'saho'k xch'ool naq ke'ril li xLoq'laj Kaax li Qaawa'. Jo'kan naq li Yos kixk'e chi kamk lajeeb' xkaak'aal chi winq, ut eb' li tenamit ke'wank sa' rahil ch'oolej xb'aan naq q'axal ke'rahob'tesiik xb'aan li Qaawa'.