Éxodo 33:1 - Q'eqchi Bible

¹ Kixye li Qaawa' re laj Moisés: “Ayu, elen arin aawochb'eeneb' li tenamit li kawisiheb' chaq Ejiipt, ut ayuqex sa' li ch'och' kinyeechi'i rik'in jurament re laj Abrahán, laj Isahak ut laj Jakob, naq kinye: Eb' aawalal aak'ajol tink'e wi' li na'ajej a'in.

Li Santil hu

¹ Li Dios quixye re laj Moisés: —Ayukex, cꞌameb li tenamit li xacuisiheb chak aran Egipto. Texxic saꞌ li naꞌajej li xinyechiꞌi reheb laj Abraham, laj Isaac, joꞌ ajcuiꞌ laj Jacob nak xinye reheb, “Tinsi li naꞌajej aꞌin reheb le̱ ralal e̱cꞌajol.”

Éxodo 33:1 ပူးပေါင်းရင်းမြစ်များ

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Éxodo 32:13

Jultikaq aawe laj Abrahán, laj Isahak ut laj Israel, aj k'anjeleb' chawu, li kayeheb' wi' li jurament a'in: «Tink'e chi k'ihank leeralal eek'ajol jo' xk'ihaleb' li chahim sa' choxa. Chixjunil li ch'och' a'in li xinyeechi'i eere, tink'e reheb' leeralal eek'ajol, ut eb' a'an te'eechaninq re chi junajwa»”.

Éxodo 32:7

Toja' naq li Qaawa' kiraatina laj Moisés ut kixye re: “Ayu, kub'en sa' li tzuul, xb'aan naq xe'maakob'k laatenamit, li kawisiheb' chaq aran Ejiipt.

Génesis 26:3

Wanqat jo' aj numel sa' li ch'och' a'in ut laa'in tatintenq'a ut tatwosob'tesi, xb'aan naq aawe ut reheb' laawalal aak'ajol tink'e chixjunil li na'ajej a'in, ut wank sa' inch'ool li jurament li kinb'aanu rik'in laj Abrahán laayuwa'.

Éxodo 32:34

Ayu ut k'ameb' li tenamit b'arwi' xinye aawe; k'amolb'ehaq chawu lin'ánjel. Ab'an naq taawulaq xq'ehil, tinrahob'tesiheb' xb'aan naq xe'maakob'k”.

Éxodo 32:1

Naq eb' li tenamit ke'xk'e reetal naq laj Moisés yo chaq chi b'ayk chi kub'eek sa' li tzuul, ke'xch'utub' rib' chi xsutam laj Aharón ut ke'xye re: “Seeb'an, yiib' junaq qayos li taak'amoq b'e chiqu, xb'aan naq ink'a' naqanaw k'aru xk'ul chaq laj Moisés, li ki'isink chaq qe sa' li tenamit Ejiipt”, chankeb'.

Éxodo 17:3

Ab'an k'ajo' naq te'chaqiq reheb' li tenamit. Jo'kan naq ke'ok wi' chik chi xwech'inkil laj Moisés: “K'a'ut naq xoohaawisi chaq Ejiipt? Ma re qakamsinkil xb'aan chaqi'eel, laa'o, eb' li qalal qak'ajol ut eb' li qaketomq?”, chankeb'.

Génesis 15:18

Sa' li kutan a'an li Qaawa' kixk'ojob' jun Sumwank rik'in laj Abrán: “Xink'e li ch'och' a'in reheb' laawalal aak'ajol chalen chaq sa' li nima' re Ejiipt toj sa' li nimla nima', a' li Éwfrates.

Hechos 7:36

Ut laj Moisés kirisiheb' laj Israel rik'in b'aanunk sachb'ach'oolej ut xninqal ru eetalil sa' xteepal Ejiipt, sa' li Kaqi Palaw ut sa' li chaqich'och', chiru ka'k'aal chihab'.

Génesis 26:1

Kiwank we'ej sa' xteepal Kanahán (jalan wi' chiru li kiwank naq toj yo'yo laj Abrahán). Jo'kan naq laj Isahak kixk'oxla xik Ejiipt.

Génesis 28:10

Laj Jakob ki'elk Berseba ut koho Harán.

Levítico 20:24

Laa'in xinye li waatin naq laa'exaq aj eechal re li xtenamiteb'; laa'in ajwi' tink'ehoq chereechani li ch'och' a'an, li k'ajo' xq'emal. “Laa'in li Qaawa' leeYos, li kinsik'ok eeru sa' xyanqeb' li jar teep chi tenamit.

Números 11:12

Ma laa'in tab'i' xinsiyank re chixjunil li tenamit a'in? Ma laa'in tab'i' xin'alank reheb', re naq taaye we: «K'ameb' aawik'in jo' naq laj ilol k'uula'al naxq'alu li k'uula'al toj natu'uk; k'ameb' aawik'in toj sa' li ch'och' kinyeechi'i sa' jurament reheb' li xna' xyuwa'eb'?».

Deuteronomio 1:8

Ilomaq: laa'in xinq'axtesi li ch'och' a'an sa' eeruq'. Ayuqex ut eechaniiq li na'ajej li kixyeechi'i li Qaawa' sa' jurament reheb' leexe'toonil yuwa' laj Abrahán, laj Isahak ut laj Jakob, jo'wi' reheb' li ralal xk'ajoleb'», chan li Qaawa'.

Génesis 50:24

Sa' jun kutan laj José kixye reheb' li ras: “Kamk we, ab'anan ch'olch'o naq li Yos tulextenq'a ut texrisi sa' li tenamit a'in, re texxik sa' li ch'och' kixyeechi'i rik'in jurament re laj Abrahán, laj Isahak ut laj Jakob”.