Éxodo 32:8 - Q'eqchi Bible

⁸ Sa' junpaat xe'risi rib' sa' li b'e xink'ut chiruheb'. Xe'xyiib' jun saaj wakax rik'in oor ut xe'xhupub' rib' chiru; xe'xyeechi'i xmayejeb' ut xe'xye: «A'an a'in laayos, a Israel. A'an ki'isink chaq aawe sa' li tenamit Ejiipt»”.

Li Santil hu

⁸ Saꞌ junpa̱t queꞌxkꞌet li cua̱tin. Ut queꞌxyi̱b jun cuacax oro chokꞌ xdioseb. Yo̱queb chi mayejac chiru ut yo̱queb chixlokꞌoninquil. Yo̱queb chixyebal, “Li cuacax aꞌin, aꞌan li kadios, la̱o aj Israel. Li dios aꞌin, aꞌan li qui-isin chak ke saꞌ li tenamit Egipto”, chanqueb.

Éxodo 32:8 ပူးပေါင်းရင်းမြစ်များ

1 Reyes 12:28

Jo'kan naq laj Jerobohán kixpatz' xna'leb', kixyiib' wiib' xjalam u saaj wakax yiib'anb'ileb' rik'in oor, ut kixye reheb' li tenamit: “Tz'aqalaq li xik chi mayejak aran Jerusalén. A'an a'in laayos, at Israel, li ki'isink chaq aawe sa' li tenamit Ejiipt”.

Éxodo 20:23

Meeyiib' eeyos rik'in plaat malaj oor; meeyiib' chi junajwa. Ka'ajwi' laa'in tineeloq'oni.

Deuteronomio 9:16

ut kiwil naq laa'ex kexmaakob'k chiru li Qaawa' leeYos naq keyiib' jun li saaj wakax rik'in ha'lesinb'il ch'iich': sa' junpaat kekanab' li b'e xk'utum cheru li Qaawa'.

Jueces 2:17

Ab'anan chi moko chiruheb' laj k'amol xb'eheb' ke'ab'ink, koho b'an chik xch'ooleb' chirixeb' li jalanil yos ut ke'xwiq'ib' rib' chiruheb'. Sa' junpaat ke'xkanab' li xb'e li xna' xyuwa'eb' li neke'xk'e xch'ool chi xpaab'ankil li xtaqlahom li Qaawa', ut ink'a' ke'xkanesi reheb' a'an.

Éxodo 22:20

“Li taamayejaq chiruheb' li jalanil yos, taaq'axtesiiq sa' ruq' li xb'alb'a.

Éxodo 32:4

Ut a'in kixxok sa' ruq'eb', kixyiib' jun molde, kixha'resi li oor ut kixyiib' jun ch'ina wakax. Toja' naq eb' a'an ke'xye: “A'an a'in laayos, a Israel. A'an ki'isink chaq aawe sa' li tenamit Ejiipt”, chankeb'.

Éxodo 34:15

“Maak'e aawib' sa' sumwank rik'ineb' li wankeb' sa' li na'ajej a'an: mare anchal, naq te'xmux rib' chi xloq'oninkil li xyoseb' ut chi mayejak chiruheb', tate'xb'oq ut laa'at taatzeka li xmayejeb'.

Levítico 17:7

Ut maajun wa chik te'xq'axtesi li xmayejeb' reheb' li maa'us a'an, li ke'xloq'oni chaq. A'an a'in jun chaq'rab' wanq xwankil cho'q reheb' chi junelik q'e kutan.

Deuteronomio 9:12

ut kixye we: «Ayu, kub'en chi junpaat, xb'aan naq laatenamit li kawisiheb' chaq Ejiipt xe'xpo' xch'ooleb'. Sa' junpaat xe'xkanab' li b'e ink'utum chiruheb' ut xe'xyiib' jun li yos yiib'anb'il rik'in ch'iich'», chan.

Deuteronomio 32:17

Ke'mayejak chiruheb' li maa'us aj musiq'ej, moko chiru ta li Yos: chiruheb' li yal k'oxlanb'il yos li ink'a' xnawomeb' ru junxil, ak'eb', tojo' xe'chalk, ink'a' loq'oninb'ileb' chaq xb'aaneb' li xna' xyuwa'eb'.

Salmos 78:36

Ab'an yal rik'in xtz'uumal reheb' ke'xnima xloq'al, ut rik'in li ru'uj raq'eb' ke'tik'ti'ik chiru.

Josué 22:15

Ut naq eb' a'in ke'wulak wankeb' wi' laj Rubén, eb' laj Gad ut li xyiijachil xteepal laj Manasés, sa' li na'ajej Galahad, ke'raatinaheb' chi jo'ka'in:

Jueces 8:24

Ut kixye wi' chik: “Jun ajwi' li nintz'aama cheru: li junjunq eere tixq'axtes we junaq matq'ab' li xreechani”, chan. (Xb'aan naq li ke'q'axe'k ru wankeb' xmatq'ab' oor, xb'aan naq aj Ismaeleb').

Nehemías 9:18

Us ta ke'xyiib' jun ch'ina wakax rik'in ha'lesinb'il ch'iich' ut ke'xye naq a'an li xyoseb' li ki'isink chaq reheb' Ejiipt, us ta k'ajo' naq kate'xtz'eqtaana,

Salmos 106:19

Sa' li tzuul Horeb ke'xyiib' jun li wakax rik'in oor ut ke'xhupub' rib' chi xloq'oninkil li pak'b'il ch'iich'.

Isaías 46:6

Wankeb' neke'isink naab'al li oor sa' li xjelooleb' ut neke'b'isok plaat sa' li peex; chirix chik a'an neke'xsik' junaq aj tenol ch'iich' re naq te'xyiib' junaq xyoseb' re xwiq'ib'ankil rib' chiru jo'wi' re xloq'oninkil.

Jeremías 31:32

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq Ejiipt. Eb' a'an ke'xsach xwankil linSumwank, us ta laa'in laj eechal reheb' -chan li Qaawa'-.